हितोपदेस 25:8 - Sunuwar Bible

⁸ गे मार मरिम्‍शो ताप्‍तीवी हना यो, रीब पा निसाफ पतीकेमी मलावो। मारदे हना इ नेक्‍था ङा मुरुम इ कली मुने तोक्‍ते हना, मार पाइनेवे। लूका १४:७-११

हितोपदेस 25:8 ပူးပေါင်းရင်းမြစ်များ

२ सामुएल 2:26

मिनु आब्‍नेरमी ठेयब सेंदा पा योआब कली “मार, गेना हना यो क्‍योरमुस ङा मुस, साइक्‍मुस ङा साइक्‍मुस बाक्‍चा? मेको नोले मरिम्‍शो दुम्‍ब, दे गे मतुइक्‍नेवे? आंम लोक्‍ब आन कली खेदा पचा प्रोंइचा, दे इ मुर आन कली ममाइक्‍‍नेवे?” देंमाक्‍त।

१ राजा 3:25

मिनु पिपम “मेको सेस आल कली उइक्‍थ पा क्‍योरीन। मिनु उइक्‍थ भाग का, का कली नु अर्को उइक्‍थ भाग का अर्को कली गेने” देंमाक्‍त।

हितोपदेस 14:12

मुर आन कली आंम पशो लां ठीक तांइसीब हना यो, नोले मेको बेक्‍पाइक्‍ब लां बाक्‍‍ब।

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

हितोपदेस 18:6

मूर्ख आ लोव़मी जिचा पोक्‍ब। मिनु मेको तुप्‍चा पुंइसीब।

हितोपदेस 30:33

मिनु दूध ख्राक्‍शोनु नौनी घ्‍यू ग्रूब। नें तुप्‍शोनु, हुश यीब। मोपान गाइक्‍चा बोक्‍त हना, राम्‍शी बोक्‍ब।

उपदेसक 7:9

रीब पा मगाइक्‍तो। मारदे हना गाइक्‍‍तीक मूर्ख आन थुंम बाक्‍ब। याकूब १:१९

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

मत्ती 5:25

इन कली मरिम्‍शो पाइब नु लांमी बाक्‍नीनुन, गारीने। मारदे हना मेकोमी इन कली अडडाम लाइश्‍शा, निसाफ पाइब आ ङोंइती चाक्‍दीप्‍ब। मिनु निसाफ पाइबमी पुलीस आन गुइमी गेब। मिनु पुलीसम जेल्‍खानम चोक्‍नीम। मत्ती १८:२३-३५; लूका १२:५८-५९