हितोपदेस 25:3 - Sunuwar Bible

³ सरीङ गिश ग्‍येत्‍थ बाक्‍बा, रागी गिश लुक्‍च लाइबा नु पिप आ थुंमी मार मिम्‍बा, मेको सुइमी यो तुइक्‍ने मचाप्‍नीम।

हितोपदेस 25:3 ပူးပေါင်းရင်းမြစ်များ

१ राजा 4:29

परमप्रभुमी सोलोमन कली शुश जोक्‍तीक तुइक्‍तीक थुं गेवा बाक्‍त। मेको आ रुप्‍तीके समुन्‍द्र ङा बाल्‍वा खोदेंशो पा शुश बाक्‍माक्‍त।

भजन संग्रह 103:11

रागी रे सरीङ दोशो इर बाक्‍बा, मोशोन आ गेना हना यो दाक्‍तीके आ कली मान पा हिंब आन कली पशो बाक्‍ब। भजन संग्रह ३६:६; यसैया ५५:८-९

हितोपदेस 25:2

परमप्रभुमी का निक्‍शी लोव़ ख्रुइश्‍शा आ सक्ति कोंइब। तन्‍न पिपमी नेल्‍ल तुइक्‍पाइश्‍शा, आ सक्ति ठेयब सेल्‍ब।

हितोपदेस 25:4

चांदी यपाइश्‍शा, आ कस ग्रुंइताक्‍म हना, चेम्‍बमी रिम्‍शो थोव़क चेम्‍ने चाप्‍ब।

यसैया 55:9

सरीङ, रागी क्‍येङा इर बाक्‍शो खोदेंशो पा आं लां, इन लां क्‍येङा इर बाक्‍ब। मिनु आं मिम्‍शो इन मिम्‍शो, क्‍येङा इर बाक्‍ब।

यसैया 7:11

“इन परमप्रभु यावे, इन परमप्रभु कली चिन्‍ड का पुंइदीन। उइ बेक्‍शो मुर आन बाक्‍तीक रे हना यो, इर सरीङ रे हना यो चिन्‍ड का पुनीन” दें‍त।

रोमी 8:39

इर ङामी, उइ ङामी नु रागीम बाक्‍शो मारेइ मारेइमी इं कली इं प्रभु ख्रीस्‍त येसुम बाक्‍शो परमप्रभु यावे आ दाक्‍शो रे फ्राने मचाप्‍नीम” दे यो तुइक्‍ताक्‍ङ।

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०