हितोपदेस 25:2 - Sunuwar Bible

² परमप्रभुमी का निक्‍शी लोव़ ख्रुइश्‍शा आ सक्ति कोंइब। तन्‍न पिपमी नेल्‍ल तुइक्‍पाइश्‍शा, आ सक्ति ठेयब सेल्‍ब।

हितोपदेस 25:2 ပူးပေါင်းရင်းမြစ်များ

२ सामुएल 1:5

मिनु दाऊदम मेको लोव़ चाक्‍ब ठिटा कली “सावल नु आ तौ योनाथन साइक्‍चा पुंइसाक्स, दे दोपा तुइक्‍ती?” देंमाक्‍त।

२ सामुएल 14:19

मिनु पिपमी “मार, एको नेल्‍ल योआब आ देंशो बाक्मे?” देंमाक्‍त। मिनु मेको मीश मुरुमी “इन ब्रोंइशा बाक्‍शो खोदेंशो पा, आं प्रभु पिप, गे मारेइ लोव़ हिल्‍लो पनीनु, लोव़ लेप्‍ब के ग्‍युरा पेरा लतीक मबाक्‍ब। मारदे हना इन गेय पाइब योआबम आं कली मोदेंशो लोव़ पचा शेंशा सोइक्‍ताक्‍यी।

एज्रा 4:15

इन किकी पिपीमी ब्रेक्‍शा वोइश्‍शो ब्रेक्‍स माल्‍शा, कोव़ङीन। मेकेर मार ब्रेक्‍शो बाक्‍मे थित्‍नीनी। मेको सहरम काइ मटीब मुर बाक्‍नीम। मेकोपुकी पिप नु रागी कली मरिम्‍शो पाइब बाक्‍नीम। मोपतीके एको सहर कली खतम पोक्‍शो बाक्‍त।

एज्रा 4:19

मिनु गे इन देंशो खोदेंशो पा ब्रेक्‍शा वोइश्‍शो लोव़पुकी माल्‍पाइक्‍तामी। मिनु मार थिंसाक्‍व देंशा हना, मेको सहर ङा मुरुमी पिप आ सासन पतीकेमी मटिशो आ पर्बम शुश लोव़पुकी ब्रेक्‍शा वोइश्‍शो थिंसाक्‍व। मिनु साइ रे मोदेंशो मटितीके, पना पन पिशो बाक्‍तेक्‍म।

एज्रा 5:17

मोपतीके मुल पिप, गे दाक्‍नीनी हना, बेबीलोन ङा पिप आन पालामी मार मार दुम्‍शो बाक्‍मे, मेको ब्रेक्‍स वोइक्‍तीकेमी माल्‍पतीन। मिनु पिप कोरेसमी यरूसलेममी परमप्रभु आ खिं लेंशा सेल्‍चा कली हुकुम पशो लोव़ ब्रेक्‍शा ग्रुंइशो बाक्‍म कों मबाक्म? मिनु मेको आ पर्बम इन दाक्‍शो मार बाक्‍बा, मेको आंइ कली तुइक्‍पतीन, दे ब्रेक्‍शो बाक्‍त। एज्रा ८:३६

एज्रा 6:1

मिनु बेबीलोन रागीमी पिप दारामी सासन पा मार मार ब्रेक्‍स वोइक्‍तीकेमी पिप आन ब्रेक्‍स माल्‍तेक्‍म।

अय्‍युब 29:16

मारेइ मथीब आन कली आन आफ खोदेंशो दुम्‍ती। गो अर्को रागी ङा मुर आन कली आन मुददा कोव़शा गेतामी। अय्‍युब ३१:१८

अय्‍युब 38:4

गो रागी आ जग वोदुनु, गे ते बाक्‍ङे? गे रुप्‍‍नेवे हना आं कली देनो।

अय्‍युब 40:2

“नेल्‍ल क्‍येङा सक्ति पाइश्‍शो, गो आं कली दोस गेबमी आं कली लोव़ लेत्‍चा माल्‍ब” देंमाक्‍त। यसैया ४५:९

अय्‍युब 42:3

‘दूली लोव़ पा अर्ती गेब सु बाक्‍म? मारेइ मजोक्‍थु मार लोव़ पवा?’ देंतीनी गो थमा पा, आंमा मरुप्‍थु लोव़ पाता। मेको आं रुप्‍ने मचाप्‍शो थम छक लाक्‍चा ङा बाक्‍नीम। अय्‍युब ३८:२

हितोपदेस 25:27

शुश खुदो जचा नु आंम कली ठेयब मिम्‍शा मान पाइक्‍चा पुंइसीचा, निम्‍फा मुर कली मरिम्‍शो बाक्‍‍ब।

हितोपदेस 25:3

सरीङ गिश ग्‍येत्‍थ बाक्‍बा, रागी गिश लुक्‍च लाइबा नु पिप आ थुंमी मार मिम्‍बा, मेको सुइमी यो तुइक्‍ने मचाप्‍नीम।

उपदेसक 1:13

गो आं जोक्‍तीक तुइक्‍तीकेम रागीमी मार मार पांइसीबा, मेको नेल्‍ल तुइक्‍चा दाक्‍ताक्‍ङ। परमप्रभुमी मुर आन कली मोदेंशो तुइक्‍चा माल्‍तीक थुं गेशा, श्‍येत गेप्‍तु।

ब्‍यवस्‍था 29:28

मिनु परमप्रभु यावेमी चुरशा, गाइश्‍शा, आ ठेयब गाइश्‍शोम मेको आन कली आन रागी रे खेरशा, अर्को रागीम ताइक्‍ताक्‍व। मेको मोदेंशो मुलाक्‍त दुम्‍शो बाक्‍ब’ देंनीम।

ब्‍यवस्‍था 29:29

मिनु मारेइ मारेइ ख्रुइश्‍‍शो परमप्रभु यावे, इं परमप्रभु के बाक्‍ब। तन्‍न मेको अरेशो लोव़ नेल्‍ल टिचा नु मेको तुइक्‍तीके आंइ के नु आंइ तमी तौ के बाक्‍ब” देंत। ब्‍यवस्‍था ३२:३४