हितोपदेस 24:24 - Sunuwar Bible

²⁴ सुमी पाप पाइब कली “गे ठीक पाइब बाक्‍नीनी” देंबा, जात जात ङा मुरपुकीमी मेको कली सराप पाइनीम। रागी रागी ङा मुरपुकी मेको आ पर्बम ग्रांग्रा दीनीम।

हितोपदेस 24:24 ပူးပေါင်းရင်းမြစ်များ

हितोपदेस 11:26

अरु आन कली अन्‍न मगेथु खेक्‍शा वोइक्‍ब मुर सराप पाइक्‍चा पुंइसीब। तन्‍न अन्‍न लेयब मुर आसीक ताइब।

हितोपदेस 17:15

सुमी परमप्रभु यावे आ अरेशो मटीब आ पर्बम “ठीक पाइब बाक्‍ब” देंबा, मिनु ठीक पाइब आ पर्बम “ठीक पाइब मबाक्‍ब” देंबा, मेको निम्‍फा आस कली परमप्रभु यावेमी ग्रांग्रा दी‍ब। यसैया ५:२३

हितोपदेस 28:27

सुमी प्रुङग कली गेबा, मेको आंमा यो श्‍येत मजाइब। तन्‍न सुमी प्रुङग आन पर्बम शिशी मपाइबा, मेको शुश सराप ताइब।

हितोपदेस 30:10

गेय पाइब आ पर्बम आ होव़प नु मरिम्‍शो लोव़ मपावो। मो पाप्‍तीवी हना, मेकोमी इ कली सराप पाइब। मिनु गे श्‍‍येत जाइनेवे।

यसैया 5:20

आबी, मरिम्‍शो कली रिम्‍शो नु रिम्‍शो कली मरिम्‍शो देंबपुकी, छिङछिङ कली छेङछेङ नु छेङछेङ कली छिङछिङ देंबपुकी नु कशो कली जिज नु जिज कली कशो देंबपुकी श्‍येत जाइब बाक्‍नीनी।

यसैया 5:23

गेपुकीम घूस जशा, ठीक मपाइब कली “ठीक पाइब बाक्‍ब” नु ठीक पाइब कली “ठीक मपाइब बाक्‍ब” देंनीनी। प्रस्‍थान २३:८

यसैया 66:24

मिनु मेकोपुकी ग्रूशा आं कली काइ मटीब आन बेक्‍शो रां कोव़थ लाइनीम। मेको आन लुस्‍पु मबेक्‍नीम, आन मी यो मकाप्‍ब। मेको मुर नेल्‍ल आन कली ग्रांग्रा दितीके दुम्‍नीम” दे परमप्रभु यावेमी देंत। मर्कूस ९:४८

इजीकीएल 13:22

मारदे हना गे जोल पा दोस गेशा ठीक पाइब मुर आन कली आन थुं लुक्‍च लपाइक्‍तीनी। गो मोदेंशो मपङ। मिनु आं अरेशो लोव़ मटीब आन कली टीब मदुमीन, देंशा ब्रोंइचा मगेनी। येरमीया २३:१४