हितोपदेस 24:19 - Sunuwar Bible

¹⁹ काइ मरिम्‍शो पाइब आन पर्बम मगाइक्‍तो। परमप्रभु यावे आ अरेशो मटीब आन पर्बम गेहे मपावो। भजन संग्रह ३७:१

हितोपदेस 24:19 ပူးပေါင်းရင်းမြစ်များ

भजन संग्रह 1:1

सु परमप्रभु आ अरेशो लोव़ मटीब नु मगाक्‍बा, पापी आन लां मखोइक्‍बा नु परमप्रभु आ पर्बम शुक्‍शी पाइब नु मबाक्‍बा, मेको ग्‍येरसीशो मुर दुम्‍‍ब। भजन संग्रह २६:४; भजन संग्रह ११९:१; हितोपदेस ४:१४; येरमीया १५:१७

भजन संग्रह 119:115

गो आं परमप्रभु आ शेंतीके पने चबुल, गे मरिम्‍शो पाइबपुकी, आं क्‍येङा ङोन लने।।

भजन संग्रह 37:1

परमप्रभु आ अरेशो मटीब आन कली तशा, गाइश्‍शा, चुरशा मपने। दूली पाइब आन कली तशा, गेहे मपने। हितोपदेस २४:१९

भजन संग्रह 73:3

मारदे हना गो परमप्रभु आ अरेशो मटीब आन रिम्‍शो दुम्‍शो तशा नु मेको आन ठेयब लेश्‍शो तशा, गेहे पाता।

हितोपदेस 13:20

सु जोक्‍ब तुइक्‍ब नु गाक्‍बा, मेको जोक्‍ब तुइक्‍ब दुम्‍ब। तन्‍न मूर्ख नु गाक्‍ब श्‍येत जाइब।

हितोपदेस 23:17

पापी आन कली गेहे मपावो। तन्‍न नाक्‍त किंत किंत परमप्रभु यावे कली मान पा हिनो।

हितोपदेस 24:1

मरिम्‍शो पाइब मुर आन मार मार तशा, गेहे मपने। मिनु मेको नु मबाक्‍कीन।

हितोपदेस 24:18

गे मेको तशा ग्‍येरसाक्‍वे हना, परमप्रभु यावेमी इ पशो मदाक्‍ब। मिनु इ जोरी सत्रु आन पर्बम गाइश्‍शो नाइश्‍‍शा मेको आन कली वारच पाइब।

गन्‍ती 16:26

मिनु मेकोम नेल्‍ल मुर आन कली “मेको मरिम्‍शो मुर आन ताम्‍बु रे दिल्‍शा बाक्‍कीन। मेको आन के मारेइ मथिने। मो मपाइतीनी हना, मेको आन पापमी पतीके गेपुकी यो साइक्‍चा पुंइसीनीनी” दे माइक्‍तीमी।

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

प्रकाश 18:4

मिनु नोले स्‍वर्ग रे अर्को सेंदा का नेंता। मेको सेंदामी “आं मुरपुकी, मेको सहर रे ग्रूशा पिने। मेकेर रे मग्रूतीनी हना, गे मेकोपुकी खोदेंशो मरिम्‍शो पाइनीनी। मोपा मरिम्‍शो पाइतीनी हना, मेको खोदेंशो पा सजाइ ताइनीनी। यसैया ४८:२०; येरमीया ५०:८; येरमीया ५१:६,४५; २कोरिन्‍थी ६:१७