हितोपदेस 23:31 - Sunuwar Bible

³¹ गे लल अङगुर शांबु कोव़स ङा कोव़स मबाक्‍को। गिश दारशो बाक्‍मे, दे मकोव़ङो। मेको रिम्‍शो पा कोव़जम लाइब।

हितोपदेस 23:31 ပူးပေါင်းရင်းမြစ်များ

२ सामुएल 11:2

काबु नाक्‍ती नाक्‍नाक्‍दो दाऊद आ इप्‍तीक रे बोक्‍शा, खिं तार हिरसेनु, मेकोमी मीश मुर का चिक्‍शो तवा बाक्‍त। मेको थम दारशो बाक्‍माक्‍त। मत्ती ५:२८-२९

अय्‍युब 33:1

अय्‍युब, मुल आं लोव़ नेनीन। आं देंशो लोव़ नेल्‍ल नोफा दाइश्‍शा नेनीन।

भजन संग्रह 119:37

मरिम्‍शो थोव़क मकोव़पाइय्‍यीनी। इन दाक्‍चा ङा पा ब्रोंइचा गेयीनी।

हितोपदेस 6:25

मेको आ दारशो कुल तशा इ थुंमी मवलो। मेको आ कोव़शोमी इ कली हेंथे मगाक्‍पदल।

ठेयब कुम्सो 7:9

इ पुक्‍पु पाइश्‍शो ब्रोव़शो अङगुर शांबु खोदेंशो बाक्‍ब। अङगुर शांबु शोव़ नु ख्रुइ रे ओंखां पा शाइश्‍शो खोदेंशो बाक्‍ब।

मर्कूस 9:47

इ मिक्‍चीमी तेक्‍तु हना, मेको मिक्‍च फेश्‍शा ताइक्‍तो। मारदे हना मिक्‍च निम्‍फा पाइश्‍शो दुम्‍शा, नरकम ओव़चा क्‍येङा, काना दुम्‍शा, परमप्रभु यावे आ राज्‍यमी ओव़चा तचा रिम्‍शो बाक्‍ब। मत्ती ५:२९

एफिसी 5:18

राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४

१ यूहन्‍ना 2:16

मिनु रागीमी मार बाक्‍ब देंशा हना, मेको मुर आन रांमी मार मार पचा दाक्‍नीमी, मेकोन पाइनीमी। मेको आन मिक्‍चीमी मार मार कोव़चा दाक्‍नीमी, मेकोन कोव़थ लाइनीम। आन शुश शोंप आ पर्बम ठेयब लेत्‍तीके इं आफ परमप्रभु यावे रे ममाइ, रागी ङा मुर आन पतीके बाक्‍ब।