हितोपदेस 22:6 - Sunuwar Bible

⁶ इ तौ कली गारचा ङा पा रिम्‍शो शेंदो। मेकोमी खाल्‍पा दुम्‍चा सम्‍म मेको लां मप्रोंइब। हितोपदेस २०:११

हितोपदेस 22:6 ပူးပေါင်းရင်းမြစ်များ

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

एफिसी 6:4

गे आफपुकी, इन आल आन कली मगाइक्‍पतीन। तन्‍न मेको आन कली रिम्‍शो थुल्‍शा कोल्‍पतीन। मिनु मेको आन कली शेंशा, प्रभु सु बाक्‍बा मेको तुइक्‍पतीन। ब्‍‍यवस्‍था ६:२०-२५

ब्‍यवस्‍था 11:19

आंम खिंम बाक्‍नीनु, लां गाक्‍नीनु, इप्‍थ लनीनु नु बोक्‍नीनु इन तमी तौ आन कली मेको अरेशो आ पर्बम लोव़ पा शेंदीन।

ब्‍यवस्‍था 4:9

इन आंम तशो इन थुंम वोइश्‍शा, मप्रेंथु, होस पा बाक्‍कीन। गे ब्रोंइनी सम्‍म इन थुंम वोतीन। इन आल नु चच युइ आन आन कली शेंदीन। भजन संग्रह १०३:२

ब्‍यवस्‍था 6:7

मिनु गेपुकीम मेको लोव़ इन आल आन कली शेंचा माल्‍नीनी। मिनु खिंम बाक्‍नीनु, लांम गाक्‍नीनु, इप्‍शा बाक्‍नीनु, बोक्‍नीनु, मेको अरेशो लोव़ आन पर्बम लोव़ पने। उत्‍पत्ती १८:१९

२ तिमोथी 3:15

गे आल रे ना परमप्रभु यावे आ लोव़ तुइश्‍शो बाक्‍नेवे। मेको लोव़मी ख्रीस्‍त येसु कली थमा सुइश्‍शा “दोपा पाप रे प्रोंइचा” दे इ कली शेंने चाप्‍ब। यूहन्‍ना ५:३९

न्‍यायाधीस 13:12

मिनु मानोआहमी “इन देंशो लोव़ दुम ङा मेरे मेको वोंइश आलमी मार मार पचा दुम्‍बा, मार मार पचा मदुम्‍बा” दे हिल्‍लो पवा बाक्‍त।

१ सामुएल 1:28

मोपतीके गो एको कली परमप्रभु यावे कली जिम्‍मा गेनुङ। एको ब्रोंइशा बाक्‍म सम्‍म परमप्रभु यावे कली जिम्‍मा गेंसीशो बाक्‍ब” देंमाक्‍त। मिनु मेकोपुकी यो परमप्रभु यावे आ ङोंइती बाप्‍शा, मेको कली ठेयब सेल्‍मे बाक्‍त। १सामुएल १:११

१ सामुएल 2:26

मिनु सामुएल कोल्‍ना कोल्‍न लमेनु, परमप्रभु यावे नु मुर आन ङोंइती दाक्‍शो दुम्‍माक्‍त। लूका २:५२