हितोपदेस 22:22 - Sunuwar Bible

²² प्रुङग आन के मारेइ मबाक्‍ब, दे मेको आन के मारेइ मरोइक्‍तो। मिनु श्‍येत जाइब कली ठीक निसाफ पावो। प्रस्‍थान २३:६

हितोपदेस 22:22 ပူးပေါင်းရင်းမြစ်များ

अय्‍युब 31:16

गो प्रुङग आन कली आन माल्‍शो थोव़क मगेशो बाक्‍‍ती हना, आन वोंइश बेक्‍शो मीश मुर आन कली ङाक्‍पाइश्‍शो बाक्‍‍ती हना, अय्‍युब २९:१२

अय्‍युब 31:21

गो रोम रोइक्‍च आन कली मरिम्‍शो पशो बाक्‍ती हना, ठेयब लाप्‍चोम बाक्‍बपुकीमी ‘गे ठीक पाइब बाक्‍नीनी’ देंशो बाक्‍तेक्‍म हना, रूथ ४:१-१०

प्रस्‍थान 23:3

दूली पाइब मुर प्रुङग बाक्‍त हना यो मेको कली वारच मपतीन। लेवी १९:१५

प्रस्‍थान 23:6

मिनु प्रुङग मुर का पित हना, मेको कली प्रुङग बाक्‍त हना यो, ठीक निसाफ पने। ब्‍यवस्‍था २५:१९; भजन संग्रह ८२:२-४; उपदेसक ५:७; यसैया १:१७

हितोपदेस 21:7

परमप्रभु यावे आ अरेशो मटीब आन हुश ख्राक्‍श पोक्‍तीकेमी साइक्‍चा पुंइसीनीम। मारदे हना मेकोपुकीमी मार ठीक बाक्‍मे, मेको पचा मबित्‍नीम।

हितोपदेस 22:16

आंम कली शोंप पाइश्‍‍शो सेल्‍चा कली प्रुङग आ थोव़क लाइक्‍चा नु क्‍येट थीब कली कोसेली गेचा, मेको निम्‍फा प्रुङग दुम्‍तीक गेय बाक्‍ब।

यसैया 10:2

क्‍येट मथीब आन कली ठीक निसाफ मपाइ‍नीमी, आन मुर आन दाते ङा प्रुङग आन कली ठीक मपाइनीमी, मेकोपुकीम वोंइश बेक्‍शो मीश मुर आन मार मार योल्‍नीमी, रोम रोइक्‍च आन बाक्‍शो नेल्‍ल रोइक्‍नीम।

इजीकीएल 22:29

मिनु मेको रागी ङा मुरपुकीम गेन कि गेन, दे क्‍येट लाइक्‍नीम। मेकोपुकीमी मार मार रोइक्‍नीम। मेकोपुकीम प्रुङग नु मारेइ मथीब आन कली दिप्‍नीम। मिनु अर्को रागी ङा मुर आन कली दला दाक्‍स पाइनीम।

लेवी 19:13

गे आंम नेक्‍था ङा मुर आन कली श्‍येत गेशा, मदिपीन। मिनु मेको आन मार मार मरोइक्‍तीन। गाल्‍च ताक्‍शा गेय पाइब आन क्‍येट काब नाक्‍दो यो इन खिंम वोइक्‍चा मदुम्‍ब। ब्‍यवस्‍था २४:१४-१५; येरमीया २२:१३; याकूब ५:४

लेवी 25:17

गेपुकी आंम आंमा मठगेपामुने। तन्‍न परमप्रभु क्‍येङा हिनीन। मारदे हना गो परमप्रभु यावे, इन परमप्रभु नङ।

जकरिया 7:10

वोंइश बेक्‍शो मीश मुर, रोम रोइक्‍च, अर्को रागी ङा मुर नु प्रुङग आन कली मदिपीन। मरिम्‍शो पमुचा ममिम्‍तीन। प्रस्‍थान २२:२०-२१

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

ब्‍यवस्‍था 23:16

मेको इन दातेमी आ दाक्‍शो सहरमी बाक्‍चा गेने। गेपुकीमी मेको कली श्‍येत मगेने। फिलेमोन १२-१६