हितोपदेस 22:15 - Sunuwar Bible

¹⁵ वोंइश आल आन थुंमी मरिम्‍शो पतीक यो बाक्‍ब। तन्‍न शेंशा इच्‍का तुप्‍शोनु, आ मरिम्‍शो पतीके प्रोंइब। हितोपदेस १३:२४; हितोपदेस २३:१३-१४; हितोपदेस २९:१७

हितोपदेस 22:15 ပူးပေါင်းရင်းမြစ်များ

अय्‍युब 14:4

सुमी ग्रांग्रा दिशो रे ग्रांग्रा मदिशो सेल्‍ने चाप्‍बा? सुइमी मचाप्‍ब।

भजन संग्रह 51:5

थमा पा, गो जरमेसी ङा रेन मरिम्‍शो पाइब बाक्‍ती। आं ममा आ कोव़जम जोल्‍ङा रेन मरिम्‍शो पाइब बाक्‍ती। रोमी ३:४; यूहन्‍ना ३:६

हितोपदेस 13:24

सुमी आ तौ कली शेंशा मतुप्‍बा, मेकोमी आ तौ कली मदाक्‍ब। तन्‍न सुमी आ तौ कली दाक्‍बा, मेकोमी आ तौ कली शेंब।

हितोपदेस 19:18

आस बाक्‍म सम्‍म इ तौ कली शेंशा तुपो। तन्‍न मेको कली तुप्‍शा मसतो। ब्‍यवस्‍था २१:१८-२१

हितोपदेस 20:30

तुप्‍शो गारमी लेंशा मरिम्‍शो मपपाइक्‍ब। मिनु तुप्‍शोमी यो मुर आन थुं कली रिम्‍शो पाइब सेल्‍ब।

हितोपदेस 29:15

वोंइश आल आन कली तुप्‍शा, हुइश्‍शोनु, जोक्‍ब तुइक्‍ब दुम्‍नीम। मारेइ मशेंशो वोंइश आलम चहिं आ आम कली मुने तोक्‍ब। हितोपदेस २२:१५; १राजा १:६

हितोपदेस 29:17

इ तौ कली रिम्‍शो पा शेंदो। मिनु मेकोमी इ थुं नाइक्‍पाइश्‍शा इ कली ग्‍येरपाइक्‍ब। हितोपदेस २३:१३

यूहन्‍ना 3:6

मुर आ रां रे जरमेशो मुरपुकी रागी कली ला गारनीम। परमप्रभु यावे आ सोक्‍त रे जरमेशो मुरपुकी चहिं परमप्रभु यावे आ राज्‍य कली गारनीम। यूहन्‍ना १:१३; रोमी ८:५-९

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६