हितोपदेस 21:30 - Sunuwar Bible

³⁰ मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

हितोपदेस 21:30 ပူးပေါင်းရင်းမြစ်များ

२ सामुएल 11:9

तन्‍न उरीयाह उइ आ खिं मलथु, पिप आ ओव़तीक लाप्‍चो आ नेक्‍था इम्‍माक्‍त। मेकेर आ प्रभु आ गेय पाइबपुकी यो इप्‍शो बाक्‍मा बाक्‍त।

१ राजा 14:6

मिनु अहीयाहमी आ लाप्‍चोम खोइल थेक्‍शो नेंशा, मेको कली “ए येरोबाम आ मीश खिंङगा पिवो। गे मारदे अर्को मीश मुर खोदेंशो दुम्‍खु पवी? गो इ कली मरिम्‍शो लोव़ देंचा माल्‍नुङ।

२ राजा 6:12

मिनु मेको लडाइ पाइब आन ठेयब मुर आन दाते ङा काम “आं प्रभु पिप, आं प्रभु, गो सुइम मो मपक। तन्‍न इस्राएल ङा परमप्रभु यावे आ लोव़ पाइब एलीशाम गे इन इप्‍तीक कोठाम ब्‍वाक्‍शो यो शेंब” देंमाक्‍त।

अय्‍युब 41:2

गे मेको आ नें ख्रिश्‍शा डोरी लिक्‍ने चाप्‍नेवे? मेको आ शांपे बोल्‍सीम ब्‍वेक्‍ने चाप्‍नेवे।

हितोपदेस 19:21

मुर आ थुंमी शुश मिम्‍तीक बाक्‍नीम। तन्‍न परमप्रभु यावे आ मिम्‍शो ला दुम्‍ब। हितोपदेस १६:९

उपदेसक 6:10

मार बाक्‍बा, मेको नेल्‍ल आन नें वोइक्‍ने थुम्‍शो बाक्‍ब। मिनु मुर आ थुंम मार बाक्‍बा, मेको तुंइसीब। आंम क्‍येङा बोल्‍यो मुर कली सुइमी मारेइ देंने मचाप्‍ब। अय्‍युब ९:२-४,३२

यसैया 14:27

मारदे हना मुर नेल्‍ल आन परमप्रभु यावेमी मोदेंशो पचा कली मिम्‍शो बाक्‍ब। सुम मेको कली तेक्‍ने चाप्‍बा ङा? आ दिंशो गुइ सुम लेप्‍पाइक्‍ने चाप्‍बा ङा? सुइम मचाप्‍नीम” देंत।

यसैया 36:5

गे इन फश लोव़म लडाइ दोपा पचा तुइक्‍तीक नु लडाइ पतीक सक्ति बाक्‍बा? गे आं कली मटिथु, सु कली आस पा थमा सुइक्‍नेवे?

यसैया 45:9

आबी, सुमी आ कली सेल्‍ब कली दोस गेबा, मेको गर आ गम्‍टे का खोदेंशो बाक्‍ब। मार, खपीमी खप के ग्‍योंब सेल्‍ब कली ‘मार पवी?’ देंबा ङा? गेयमी गेय पाइब कली ‘मजोक्‍ब बाक्‍ते’ देंबा ङा? अय्‍युब ४०:२; यसैया २९:१६; येरमीया १८:६; रोमी ९:२०

येरमीया 9:23

परमप्रभु यावेम “जोक्‍ब तुइक्‍ब मुरपुकी आन जोक्‍तीक तुइक्‍तीक आ पर्बम ठेयब मलेम्‍मल। सक्ति पाइश्‍शो मुरपुकी आन सक्ति आ पर्बम ठेयब मलेम्‍मल। शुश शोंप पाइश्‍शो मुरपुकी आन शुश शोंपोम ठेयब मलेम्‍मल।

योना 1:13

मिनु मेको मुरपुकीमी लेंशा डोंगा रागीम चाक्‍चा कली शुश खीयेमे बाक्‍त। तन्‍न मचाप्‍मे बाक्‍त। मारदे हना फश गिवार शुश बारशो बाक्‍माक्‍त।

प्रेरित 5:38

मोपतीके मेको येसु माइश्‍शो आ नोले खोइक्‍ब आन कली मारेइ मपाइय्‍य। मो प्रोंइशा सोइक्‍तय। मेको आन लोव़ मुरुमी मिम्‍शो लोव़ बाक्‍त हना, मारेइ मदुम्‍थु जाम्‍शा लाइब। मत्ती १५:३३

प्रेरित 5:39

परमप्रभु यावे आ पशो बाक्‍त हना चहिं, गेपुकीमी तेक्‍शा यो मतेक्‍सीब। मेको ला ममाइ। गेपुकी परमप्रभु यावे कली मरिम्‍शो पाइब दुम्‍नीनी” दे माइक्‍मी बाक्‍त।

यहोसु 2:2

मिनु मेकेर ङा मुर कामी यरीको ङा पिप कली “हजुर, मुलाक्‍त नाक्‍दो इस्राएल ङा मुर निक्‍शी एको रागी कली क्‍यारी पथ, जाक्‍ताक्‍स” दे मदा बाक्‍त।

१ पत्रुस 2:8

मिनु लेंशा “मेको फुल्‍लुमी मुर आन कली दाइल प‍पाइक्‍ब। मेको ठेयब फुल्‍लुमी मुर आन कली थिप्‍पाइक्‍ब” दे ब्रेक्‍शो बाक्‍ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्‍ब। भजन संग्रह ११८:२२; यसैया ८:१४; रोमी ९:३३; लूका २:३४