हितोपदेस 21:21 - Sunuwar Bible

²¹ सु मुरुमी ठीक पतीके नु शिशी पतीके आ नोले खोइक्‍बा, मेको ब्रोंइशा, सोशा बोशा दुम्‍शा मान ताइब दुम्‍ब।

हितोपदेस 21:21 ပူးပေါင်းရင်းမြစ်များ

भजन संग्रह 112:4

रिम्‍शो थुं पाइश्‍शो मुर छिङछिङम बाक्‍तेक्‍म हना यो, छेङछेङ दुम्‍ब। मेको मुर आन कली दाक्‍ब, शिशी पाइब नु ठीक पाइब बाक्‍नीम।

हितोपदेस 10:16

ठीक पाइब मुर आन गेय पतीकेमी ब्रोंइनीम। परमप्रभु यावे आ अरेशो मटीब आन चेम्‍शो नेल्‍ल मरिम्‍शो गेय पा नुप्‍शा लाइब।

हितोपदेस 11:19

सु गेना हना यो ठीक पाइब बाक्‍बा, मेको ब्रोंइब। तन्‍न सु मरिम्‍शो पचा कली चुइक्‍बा, मेको बेक्‍ब। हितोपदेस १९:२३

हितोपदेस 15:9

परमप्रभु यावे आ अरेशो मटीब मुर आन लां परमप्रभु यावे कली ग्रांग्रा बाक्‍ब। तन्‍न सुमी ठीक पाइ‍बा, मेको कली दाक्‍ब।

हितोपदेस 22:4

ब्रेम्‍शो थुं पाइश्‍शो नु परमप्रभु यावे कली मान पा हिंब मुर आन इनाम शोंप, मान ततीक नु ब्रोंइतीक बाक्‍ब। हितोपदेस १५:३३

हितोपदेस 3:22

मारदे हना मेको इ ब्रोंइतीक नु इ दारस बाक्‍नीस।

यसैया 51:1

परमप्रभु यावे कली माल्‍ब नु ठीक पचा दाक्‍ब आन कली “आं लोव़ नेनीन। तेको सेरथे फुल्‍लु रे मुचा पुंइसीशो बाक्‍नी नु तेको खप रे दो‍शा ग्रुंइचा पुंइसीनी, मेको कली कोव़ङीन। यसैया ४८:१; ब्‍यवस्‍था ३३:२८

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

मत्ती 5:6

ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५

रोमी 14:19

मोपतीके दुशा गारशा नु थमा सुइक्‍तीक थुं बारपाइक्‍मुशा बाक्‍य। रोमी १२:१८; रोमी १५:२

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

फिलिप्‍पी 3:12

मुल सम्‍म गो मेको नेल्‍ल मतङ। मिनु ठीक मदुम्‍ङ। तन्‍न मेको आं के दुम्‍ल, दे शुश गेय पाइनुङ। मारदे हना ख्रीस्‍त येसुम आं कली आ मुर सेल्‍ती। कलस्‍सी १:२९; १तिमोथी ६:१२; प्रेरित ९:३-६

१ थिस्‍सलोनिकी 5:21

तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।

१ तिमोथी 6:11

मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२

२ तिमोथी 2:22

ठिटी ठिटा आन दला दाक्‍स रे ङोन बाक्‍को। रिम्‍शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्‍चा, दाक्‍चा नु थुं नाइक्‍चा ला मिम्‍तो। १तिमोथी ४:१२; १तिमोथी ६:११; हिब्रू १२:१४

हिब्रू 12:14

मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०