हितोपदेस 21:20 - Sunuwar Bible

²⁰ जोक्‍ब तुइक्‍ब मुर आन खिंम शुश क्‍येट लाइब शोंप नु तेल बाक्‍ब। तन्‍न मूर्खमी आ बाक्‍शो नेल्‍ल थुम्‍‍ब।

हितोपदेस 21:20 ပူးပေါင်းရင်းမြစ်များ

अय्‍युब 20:15

मेकोपुकीम मेको आन नेक्‍शो शोंप लेंशा मेचा माल्‍नीम। परमप्रभुमी मेको आन कली मेपाइक्‍ब।

अय्‍युब 20:18

मेको आन श्‍येत पा चेम्‍शो मारेइ मारेइ मजथु लेश्‍शा गेचा माल्‍नीम। मिनु आन ग्‍याप्‍शा लेयशा चेम्‍शो क्‍येट ग्‍येरशा ज‍चा मताइनीम। ब्‍यवस्‍था २८:३०-३३

भजन संग्रह 112:3

मेको आन खिंमी शोंप बाक्‍ब। मेको आन ठीक पतीके गेना हना यो लीब।

भजन संग्रह 23:5

गे आं कली आं जोरी सत्रु आन ङोंइती थुल्‍नीनी। आं पिया तार तेल लुक्‍नीनी। आं कचौरा क्‍युप्‍चा ङा पा प्रिंताक्‍नी। भजन संग्रह ३६:९

हितोपदेस 10:22

परमप्रभु यावे आ आसीकम मुर आन कली शोंप पाइश्‍शो सेल्‍ब। मेकोमी मारेइ श्‍येत मतेम्‍ब। भजन संग्रह १२७:२

हितोपदेस 14:24

जोक्‍ब मुर आन तुइक्‍तीके आन सिरपेच खोदेंशो बाक्‍ब। तन्‍न मूर्ख आन पशो आन माला खोदेंशो बाक्‍ब।

हितोपदेस 15:6

ठीक पाइब मुर आन खिंमी शुश शोंप बाक्‍ब। तन्‍न परमप्रभु यावे आ अरेशो मटीबपुकी श्‍येत जाइनीम।

हितोपदेस 22:4

ब्रेम्‍शो थुं पाइश्‍शो नु परमप्रभु यावे कली मान पा हिंब मुर आन इनाम शोंप, मान ततीक नु ब्रोंइतीक बाक्‍ब। हितोपदेस १५:३३

हितोपदेस 8:21

आं कली दाक्‍ब आन कली गो शुश शोंप गेनुङ। गो मेको आन मार मार वोइक्‍तीक नेल्‍ल प्रिंशा गे‍नुङ।

उपदेसक 10:19

ग्‍येरसीचा कली भोज सेल्‍नीम। मिनु अङगुर शांबुमी मुर कली ग्‍येरपाइक्‍ब। तन्‍न मेको नेल्‍ल पचा कली क्‍येट माल्‍ब। बजन संग्रह १०४:१५

उपदेसक 5:19

मेको क्‍येङा लाक्‍शा परमप्रभुमी मुर आन कली शुश शोंप नु रूपुकी गेब। मिनु मेको कली मेको नेल्‍ल ताक्‍चा नु आंम गेयमी ग्‍येरशा बाक्‍चा गेब। मेको परमप्रभु आ गेतीक बाक्‍ब।

उपदेसक 7:11

जोक्‍तीक तुइक्‍तीके किकी पिपी आन गेशो शोंप खोदेंशो पा रिम्‍शो बाक्‍ब। मिनु मेकोमी ब्रोंइब आन कली रिम्‍शो पाइब।

येरमीया 41:8

तन्‍न मेको आन दाते ङा १० जना मुरपुकीम इश्‍माएल कली “आंइ कली मसाइक्‍की। गोपुकी नु रू कामी ख्रुइश्‍शा, वोइश्‍शो चेरब क्‍योव़जी तेल नु खुदो बाक्‍नीम” देंतेक्‍म। मोपतीके मेकोमी मेको आन कली प्रोंइतीमी। मेको आन कली अरु नु मसद।

मत्ती 25:8

मिनु निप्‍स मपाइश्‍शोपुकीमी निप्‍स पाइश्‍शो आन कली ‘आंइ बत्ती काप्‍चा चिक्‍ताक्‍म, इच्‍ची खोइ तेल आंइ कली यो गेचा नकी’ दे पुंइनीम।

लूका 15:14

मिनु मेको रागीमी अन्‍काल दुम्‍माक्‍त। मिनु कान्‍छामी श्‍येत जवा बाक्‍त।

लूका 16:1

काबु येसुमी आ शेंसीब आन कली “क्‍येट थीब मुर कामी आ मार मार बाक्‍मा, मेको नेल्‍ल हिसाब पाइब का कली जिम्‍मा गेशा वोइश्‍शो बाक्‍माक्‍त। मिनु काबु मुरपुकीमी ‘हजुर, इन हिसाब पाइबमी क्‍येट मारेइ मारेइ हेंथे पा थुम्‍तु’ दे शेंदमे बाक्‍त।

लूका 6:45

रिम्‍शो थुं पाइश्‍शो मुरुमी रिम्‍शो पाइब। पापम ब्रीशो थुं पाइश्‍शो मुरुमी चहिं मरिम्‍शो पाइब। मुर आन थुंमी मार बाक्‍मे, मेको आन लोव़ नेंशा रिम्‍शो देय मरिम्‍शो मेको तुंइ‍सीब। मारदे हना थुंम मार बाक्‍मे, मेको शोव़ रे ग्रूब।