हितोपदेस 21:2 - Sunuwar Bible

² मुरुमी आंम कली गेना हना यो “ठीक पाता” दे मिम्‍नीम। तन्‍न परमप्रभु यावेमी मुर आन थुं नाक्‍ब।

हितोपदेस 21:2 ပူးပေါင်းရင်းမြစ်များ

अय्‍युब 31:6

परमप्रभुमी आं कली ठीक नाक्‍तीकेमी नाक्‍तील। मिनु मेकोमी आं गेना हना यो रिम्‍शो पशो तुइक्‍ब।

भजन संग्रह 36:2

मेकोपुकी ठेयब लेश्‍शा “आंइ मरिम्‍शो पशो गेनायो मतुंइसीब, गो दोस मताइनय” दे मिम्‍नीम। रोमी ३:१८

हितोपदेस 12:15

मूर्खपुकी आंम लां नेल्‍ले “ठीक बाक्‍ब” दे मिम्‍नीम। तन्‍न जोक्‍ब तुइक्‍बमी अर्ती नेंनीम।

हितोपदेस 16:2

आंमा पशो गेय आंमा कली ठीक मिम्‍सीब। तन्‍न परमप्रभु यावेमी मुर आन थुं नाक्‍ब।

हितोपदेस 16:25

मुरुमी का निक्‍शी लां रिम्‍शो बाक्‍ब, दे मिम्‍‍नीम। तन्‍न नोले मेको लां बेक्‍‍तीक लां बाक्‍ब।

हितोपदेस 17:3

सुन चांदी यपाइश्‍शा नाक्‍चा कली ग्‍योंब नु मी माल्‍ब। तन्‍न परमप्रभु यावेमी मुर आन थुं नाक्‍ब भजन संग्रह ६६:१०

हितोपदेस 20:6

शुश मुरुमी “गो रिम्‍शो मुर नङ” दे अरु आन कली तुइक्‍पाइक्‍नीम। तन्‍न थमा सुइक्‍चा ङा मुर सु थिन्‍ने चाम्‍सीबा ङा?

हितोपदेस 24:12

मिनु गे “गो मेको मतुइक्‍तु” देंते हना, थुं नाक्‍‍बम इ मरिम्‍शो पशो तुइक्‍ब। इ कली कोव़बमी नेल्‍ल तुइक्‍ब। मेकोमी मुर आ मरिम्‍शो पशो ङा क्‍येक्‍क लेप्‍ब।

हितोपदेस 30:12

का निक्‍शी मुरुमी आंम कली “गो गेना हना यो रिम्‍शो पाइब मुर नङ” देंनीम। तन्‍न मेको आन मरिम्‍शो पशो मक्‍याम्‍सीशो बाक्‍ब। हितोपदेस २०:९

येरमीया 17:10

गो, परमप्रभु यावेमी मुर आन कली नाक्‍नुङ। आन थुंम मार बाक्‍मे, मेको कोव़नुङ। आन गाक्‍शो लां नु आन पशो कोव़शा, इनाम गेनुङमी।

दानीएल 5:27

टेकेल आ अर्थ ‘गे नाक्‍तीकेम नाक्‍चा पुंइसीशा, सोपी दुम्‍तीनी’ देंशो बाक्‍ब।

लूका 16:15

मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्‍नीम। परमप्रभु यावेमी चहिं इन मिम्‍शो नेल्‍ल तुइक्‍ब। मुर आन दातेमी हिक्‍सीशो नेल्‍ले परमप्रभु यावे आ ङोंइती थम आइक्‍च दुम्‍नीम। लूका १८:९-१४

गलाती 6:3

सुइ ठेयब मसुंइ‍सेक्‍ल। मजोक्‍थु यो जोक्‍ब तुइक्‍ब नङ, दे ठेयब लेप्‍बमी आंम कली जोल पांइसीब।

याकूब 1:22

गेपुकी परमप्रभु यावे आ लोव़ नेनीन। नेंचा ला ममाइ, मार मार देंशो बाक्‍मे, मेको यो पचा माल्‍नीनी। गेपुकीमी मेको लोव़ नेंशा मपाइतीनी हना, जोल पांइसीनीनी। मत्ती ७:२१; रोमी २:१३

प्रकाश 2:23

आ आल आन कली मुर साइक्‍ब रोइम साइक्‍नुङमी। मेको आन श्‍येत जशा, बेक्‍शो तशा ‘गोम पाप्‍तु’ दे थमा सुइक्‍ब नेल्‍लेमी तुइक्‍नीमी। मिनु थमा सुइक्‍ब आन ग्रुम्‍तीके ङा मुर नेल्‍लेमी ‘येसु ख्रीस्‍तमी मुर आन थुं नु आन पशो तुइक्‍ब। मिनु नोले दोपा पामे, मोपा गेब’ दे तुइक्‍नीम। भजन संग्रह ७:१०; येरमीया १७:१०

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४