हितोपदेस 21:15 - Sunuwar Bible

¹⁵ निसाफ दुम्‍मेनु ठीक पाइब ग्‍येरसीनीम। तन्‍न मरिम्‍शो पाइबपुकी हिंनीम।

हितोपदेस 21:15 ပူးပေါင်းရင်းမြစ်များ

भजन संग्रह 112:1

परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। भजन संग्रह १:२; हितोपदेस २०:७

भजन संग्रह 119:16

गो इन फुल्‍लुम मुशा ब्रेक्‍शो लोव़ तुइश्‍शा, ग्‍येरसाक्‍यी। इन लोव़ मप्रेंनुङ।

भजन संग्रह 119:92

इन अरेशो लोव़म आं कली मग्‍येरपाइश्‍शो हना, गो आं श्‍येतम बेक्‍ङ वा। येरमीया १५:१६

भजन संग्रह 40:8

परमप्रभु, गो इन दाक्‍शो पशोमी आं कली ग्‍येरपाइक्‍ब। इन अरेशो लोव़ आं थुंम बाक्‍ब।

हितोपदेस 10:29

परमप्रभु यावे आ लां रिम्‍शो थुं पाइश्‍शो मुर आन कली ख्रुइश्‍शा ब्रोंइशा बाक्‍तीक बाक्‍ब। तन्‍न मरिम्‍शो पाइब आन कली मेको लां खतम दुम्तीक बाक्‍ब।

हितोपदेस 21:12

ठीक पाइबमी परमप्रभु यावे आ अरेशो मटीब मुर आन खिं कोव़ना कोव़न बाक्‍ब। मिनु परमप्रभुमी आ अरेशो मटीब आन कली खतम पोक्‍ब।

हितोपदेस 21:16

सुइ मुर रुप्‍तीक लां प्रोंइतु हना, मेको बेक्‍शो मुर आन बाक्‍तीक लशा नाइक्‍ब।

हितोपदेस 5:20

आं तौ, गे मारदे मारेइ मतुइक्‍थु हेंथे मीश मुर नु गाक्‍नेवे? गे मारदे अरु मुर आ मीश कली मुप्‍नेवे?

उपदेसक 3:12

मुर ब्रोंइमा सम्‍म ग्‍येरशा नु रिम्‍शो पा बाक्‍चा माल्‍नीम। मेको क्‍येङा रिम्‍शो अरु मारेइ यो मबाक्‍ब, दे तुइक्‍नुङ। उपदेसक २:२४

यसैया 64:5

गे ग्‍येरशा ठीक पतीके मिम्‍शा पाइब आन कली वारच पाइब बाक्‍नीनी। मेको मुरपुकी इन लांम गाक्‍शा, इन कली मिम्‍ब बाक्‍नीम। गे आंइ पाप पशो आ पर्बम गाइक्‍ताक्‍नी। मारदे हना गे ख्रुंइसाक्‍नी। मिनु गो हेंथे गाक्‍तक।

मत्ती 7:23

मोदेंब आन कली ‘गो इन कली गेनायो मतुइक्‍तन्‍नी। ए मरिम्‍शो पाइबपुकी, ङोन लने’ दे हुइक्‍नुङमी। मत्ती २५:१२; २तिमोथी २:१९

यूहन्‍ना 4:34

येसुमी मेको आन कली “आं जचा थोव़क मार बाक्‍ब देंशा हना, आं कली सोइक्‍ब आ दाक्‍शो पचा नु आ देंशो गेय थुम्‍चा। मेको आं के जचा थोव़क बाक्‍ब। यूहन्‍ना ६:३८; यूहन्‍ना १७:४

रोमी 7:22

गो आं थुंमी परमप्रभु यावे आ अरेशो लोव़ दाक्‍शा ग्‍येरसीनुङ।