हितोपदेस 21:11 - Sunuwar Bible

¹¹ शुक्‍शी पाइब कली सजाइ गेशोनु, मारेइ मजोक्‍ब मुर इच्‍का जोक्‍ब तुइक्‍ब दुम्‍नीम। मिनु जोक्‍ब तुइक्‍ब मुर आन कली शेंशोनु, आन जोक्‍तीके बारब। हितोपदेस १९:२५

हितोपदेस 21:11 ပူးပေါင်းရင်းမြစ်များ

हितोपदेस 1:5

जोक्‍ब तुइक्‍ब नेल्‍लेमी एको लोव़ रिम्‍शो पा नेंबमी तेम्‍शा शुश रुप्‍ब दुम्‍नीम। निप्‍स पाइश्‍शो मुर जोक्‍ब दुम्‍शा,

हितोपदेस 15:14

रुप्‍ब थुं पाइश्‍शो मुरुमी जोक्‍तीके माल्‍ब। तन्‍न मूर्खमी मूर्खे पचा ला दाक्‍नीम।

हितोपदेस 18:1

सु मुर रे ब्राशा बाक्‍बा, मेकोमी आंम कली ला रिम्‍शो पचा दाक्‍ब। मेकोमी रुप्‍तीक थुं पाइश्‍शो मुर आन लोव़ काइ मनेंब।

हितोपदेस 18:15

निप्‍स पाइश्‍शो मुर आ जोक्‍तीके बारना बारन लाइब। जोक्‍ब तुइक्‍ब मुरुमी मेको क्‍येङा जोक्‍चा कली नोफा दाइक्‍ब।

हितोपदेस 19:25

शुक्‍शी पाइब आन कली तुप्‍शोनु, मारेइ मजोक्‍बपुकी होस पा बाक्‍चा शेंसीनीम। निप्‍स पाइश्‍शो मुर कली हुइश्‍शोनु, मेको क्‍येङा जोक्‍‍ब दुम्‍ब। हितोपदेस २१:११

हितोपदेस 9:7

सुमी शुक्‍शी पाइब आन कली “रिम्‍शो दुमो” देंबा, मेको दिप्‍चा पुंइसीब। सुमी परमप्रभु यावे आ अरेशो मटीब आन कली हुइक्‍बा, मेको मरिम्‍शो पाइक्‍चा पुंइसीब।

हितोपदेस 9:9

जोक्‍ब तुइक्‍ब आन कली अर्ती गेशोनु, ङोंइती क्‍येङा जोक्‍ब तुइक्‍ब दुम्‍नीम। ठीक पाइब आन कली शेंशोनु, मेको क्‍येङा ठीक पचा शेंसीनीम।

गन्‍ती 16:34

मिनु आन नेक्‍था बाक्‍ब इस्राएली नेल्‍लेमी मेको आन वाइ ब्रेश्‍शो नेंशा “गोपुकी इं कली यो मुल रागीम दाक्‍ब” देंना देंन प्रोक्‍तेक्‍म।

प्रेरित 5:5

मिनु हनानीयामी पत्रुस आ देंशो नेंशा, दिङ गोल्‍शा बेक्‍माक्‍त। मिनु मुरपुकीमी मेको लोव़ नेंशा, शुश हिंमा बाक्‍त।

ब्‍यवस्‍था 13:11

मिनु इस्राएली नेल्‍ल मेको नेंशा, हिंचा माल्‍नीम। मिनु इन दातेमी मोदेंशो मरिम्‍शो गेनायो मपमेक्‍ल।

ब्‍यवस्‍था 21:21

मिनु मेको सहर ङा मुर नेल्‍लेमी मेको कली फुल्‍लु आप्‍शा साइक्‍चा माल्‍नीम। मिनु गेपुकीमी इन दाते ङा मरिम्‍शो क्‍याम्‍चा माल्‍नीनी। मिनु इस्राएली नेल्‍लेमी मेको नेंशा, हिंचा माल्‍नीम।

प्रकाश 11:13

मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।