हितोपदेस 20:29 - Sunuwar Bible

²⁹ ठिटा आन दारस आन बोल्‍यो रां बाक्‍ब। मिनु खाल्‍पा आन दारस आन बोइश्‍शो चां बाक्‍ब।

हितोपदेस 20:29 ပူးပေါင်းရင်းမြစ်များ

अय्‍युब 41:32

मेको गाक्‍मेनु आ नोले टल्‍केशो लां प्रोंइशा गाक्‍ब। मेको लां ठेयब समुन्‍द्र ङा बुश चां खोदेंशो तांइसीब।

हितोपदेस 16:31

बोइश्‍शो चां मान ततीक सिरपेच खोदेंशो बाक्‍ब। मेको ठीक पाइब मुर आन लांम ला थीसीब। हितोपदेस २०:२९

हितोपदेस 20:30

तुप्‍शो गारमी लेंशा मरिम्‍शो मपपाइक्‍ब। मिनु तुप्‍शोमी यो मुर आन थुं कली रिम्‍शो पाइब सेल्‍ब।

लेवी 19:32

गे खूशो आ ङोंइती बोक्‍कीन। खाल्‍पी खाल्‍पा आन कली मान पने। मिनु इन परमप्रभु कली मान पा हिनीन। गो परमप्रभु यावे नङ।

१ यूहन्‍ना 2:14

मिनु आं आलपुकी, गो इन कली मारदे ब्रेक्‍ताक्‍ङ देंशा हना, गे इं आफ कली तुइक्‍नीनी। गो आम आफ इन कली मारदे ब्रेक्‍ताक्‍ङ देंशा हना, गे ङोंइती रे बाक्‍ब कली तुइक्‍ब बाक्‍नीनी। गो ठेयब वोंइश आल इन कली मारदे ब्रेक्‍ताक्‍ङ देंशा हना, गेपुकी बोल्‍यो दुम्‍तीनी। गे परमप्रभु यावे आ लोव़ इन थुंमी वोइश्‍‍शा, सैतान कली ग्रातीनी। मोपतीके गो इन कली ब्रेक्‍ताक्‍ङ। एफिसी ६:१०;