हितोपदेस 20:24 - Sunuwar Bible

²⁴ परमप्रभु यावेमी मुर आन कली लां कोंइब। सुमी आंम लां रुप्‍ने चाप्‍बा ङा?

हितोपदेस 20:24 ပူးပေါင်းရင်းမြစ်များ

भजन संग्रह 25:12

सु सुमी परमप्रभु यावे कली मान पा हिंनीमी, मेको आन कली तेको लां लचा माल्‍नीमी, मेको शेंब।

भजन संग्रह 25:4

परमप्रभु यावे, आं कली इन लां कोंइदीनी। इन गाक्‍तीक लां शेंदीनी।

भजन संग्रह 37:23

परमप्रभु यावेमी आ मुर आन थेक्‍तीक बोल्‍यो सेल्‍ब। मेको आन कली तशा ग्‍येरब।

हितोपदेस 14:8

निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।

हितोपदेस 16:1

मुर आन थुंमी मिम्‍ना मिम्‍न बाक्‍नीम। तन्‍न लोव़ लेत्‍तीक परमप्रभु यावे रे जाक्‍ब।

हितोपदेस 16:9

मुरुमी आंम आ लां आंमान मिम्‍नीम। तन्‍न परमप्रभु यावेमी मेको आन गाक्‍तीक लां कोंइब। हितोपदेस १९:२१; येरमीया १०२३

येरमीया 10:23

परमप्रभु यावे, मुर आन ब्रोंइतीक आंम आन गुइम मबाक्‍ब, गो मेको तुइक्‍नुङ। बेक्‍शा लाइब मुरपुकीम आंम लां आंमा सेल्‍ने मचाप्‍नीम। हितोपदेस १६:९

दानीएल 5:23

‘गो स्‍वर्ग ङा परमप्रभु क्‍येङा ठेयब नङ’ दे आंम कली ठेयब सेल्‍तीनी। मिनु गे परमप्रभु आ खिं ङा बोसपुकी चाक्‍पाइश्‍शा, गे नु इन राज्‍यम अधिकार ताइब, इन ग्‍युंबे पशो मीशपुकी नु इन अरु चाक्‍शो मीशपुकीमी मेको बोसम अङगुर शांबु तूतीनी। मिनु सुन, चांदी, कांसा, फलाम, शी नु फुल्‍लु के सेल्‍शो मिक्‍च मताइब, मनेंब, मरुप्‍ब देवी देवता आन कली सेउ पाइतीनी। तन्‍न इन कली ब्रोंइतीक सोक्‍त गेब नु इन लां कोंइब परमप्रभु कली मान मपनी।

प्रेरित 17:28

मारदे हना परमप्रभु नु काथा बाक्‍शा ब्रोंइनय, दे तुइक्‍नय। गेपुकी नु बाक्‍ब ब्रेक्‍ब मुर कामी ‘गो नेल्‍ल परमप्रभु आ तमी तौ नय’ दे ब्रेक्‍शो बाक्‍त।