21 ङोंइती रीब पा थेरशो रू नोले आसीक मराइब।
रिम्शो मुरुमी आ चच युइ आन कली शोंप हेंशा वोइक्ब। तन्न मरिम्शो पाइब आन शोंप ठीक पाइबपुकीम ताइनीम।
सुम आ आम आफ आस कली सराप पाइबा, मेको आ बत्ती नेल्ल क्येङा छिङछिङमी काप्ब। हितोपदेस ३०:१७; प्रस्थान २१:१७
गे मरिम्शो पाइब कली क्येक्क लेत्नुङ मदेनो। परमप्रभु यावेमी पाइब, दे रिम्दो। मिनु इ कली वारच पाइब। हितोपदेस २४:२९; रोमी १२:१७
जोल पा शुश शोंप चेम्तीके फशेमी योल्शा जाम्शो कुन खोदेंशो बाक्ब। मोदेंशो पाइबपुकी साइक्चा पुंइसीनीम।
क्येट थीब मुर खोदेंशो दुम्चा कली मिम्शा बोल मपावो। जोक्ब तुइक्ब दुम्शा मोदेंशो मिम्चा प्रोनो। हितोपदेस २८:२२
थमा सुइक्ब मुर शुश आसीक ताइनीम। तन्न सुम रीब पा क्येट चेम्चा दाक्बा, मेको सजाइ मतथु, मब्रोंइब। हितोपदेस १३:११
कुंइद मुर रीब पा क्येट थीब दुम्चा दाक्ब। मिनु “नोले थमा पा प्रुङग दुम्नुङ” दे मेकोमी ममिम्ब। हितोपदेस २३:४; १तिमोथी ६:९
सुम आ क्येट मुर कली शुश चाइक्ब ताक्चा कली गेबा, मेको आ क्येट प्रुङग आन कली शिशी पाइब मुर कली हेक्ब।
मिनु “मुर नेल्लेमी मोदेंशो मुर आ पर्बम मुने तोक्चा ङा लोव़ पाइनीम। मेको आ पर्बम शुक्शी लोव़ पा, आबी आबी, गे अरु मुर आन शोंप आंम कली तेल्तीवी। गे गेना सम्म अरु मुरुमी इ कली गेशो क्येट आंम कली वोइक्नेवे?
मिनु मुर नेल्ल आन परमप्रभु यावेमी “गो मेको ब्रेक्स सोइक्ताक्ङ। मिनु मेको खुइ नु आं नेंमी जोल पा सांकछी बाक्ब आन खिंमी ओव़ब। मेकेर बाक्शा, खिं खतम सेल्शा, शी फुल्लु का यो मलीपाइक्ब” देंत।
गे इन नोफा मदाइक्ताक्नी नु आं नें कली मान पचा कली ममिम्ताक्नी हना, गो इन कली सराप पाइनन्नी। इन कली गेशो आसीक सराप दुम्ब। मारदे हना गे काइ मटीब बाक्नीनी। गो थमा पा इन आसीक कली सराप सेल्नुङ। ब्यवस्था २८:१५
तन्न सु सु शुश क्येट थीब दुम्चा दाक्नीमी, मेको आन थुं थाम्चा पुंइसीशा, ग्याइलीम रेश्शो खोदेंशो पा, निप्स मपाइश्शो नु श्येत जाइब दुम्नीम। आंम कली खतम सेल्सीशो बाक्नीम। हितोपदेस २८:२२; मत्ती १३:२२
