हितोपदेस 20:19 - Sunuwar Bible

¹⁹ लोव़ क्‍याल्‍ब मुरुमी ख्रुइश्‍शा पशो लोव़ यो फ्राइब। मोपतीके शुश लोव़ पाइब मुर नु वारच मदुमो।

हितोपदेस 20:19 ပူးပေါင်းရင်းမြစ်များ

भजन संग्रह 101:5

सु आ नेक्‍था ङा मुर आन पर्बम मरिम्‍शो लोव़ पाइबा, गो मेको कली खतम सेल्‍नुङ। ठेयब लेश्‍शो नु बोरशो थुं पाइश्‍शो मुर आन कली आं नेक्‍था बाक्‍चा मगेनुङ।

हितोपदेस 11:13

लोव़ क्‍याल्‍बमी ख्रुइश्‍शो लोव़ यो फ्राइनीम। तन्‍न थमा सुइक्‍चा पुंइसीब मुरुमी मोदेंशो लोव़ ख्राप्‍शा वोइक्‍नीम।

हितोपदेस 13:3

मिम्‍शा लोव़ पाइब मुरुम आंम कली ब्रोंइपाइक्‍नीम। तन्‍न ममिम्‍थु ब्‍वाक्‍बपुकीमी आंम कली खतम सेल्‍नीम। हितोपदेस १२:१८; हितोपदेस २१:२३

हितोपदेस 16:29

हुश ख्राक्‍श पोक्‍ब मुरुमी आ नेक्‍था ङा मुर आन कली यो हेंथे पपाइक्‍ब। मिनु मेको आन कली मरिम्‍शो लां खोइक्‍पाइक्‍ब।

हितोपदेस 18:8

नोफा मुइक्‍ब आन लोव़ शुश ब्रोव़शो जचा थोव़क खोदेंशो बाक्‍ब। मेको मुर आन थुं सम्‍म जाक्‍दीप्‍ब। हितोपदेस २६:२२

हितोपदेस 24:21

आं तौ, परमप्रभु यावे नु पिप कली मान पा हिनो। मेको आस कली मटीब नु मगाक्‍को। १ पत्रुस २:१७

लेवी 19:16

गेपुकी मुर आन पर्बम जोल पा लोव़ मपमुने। गे इन नेक्‍था ङा मुर कली साइक्‍चा ममालीन। गो परमप्रभु यावे नङ। प्रस्‍थान २३:७

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४