हितोपदेस 20:18 - Sunuwar Bible

¹⁸ अर्ती नेंब मुर आ मिम्‍शो रिम्‍शो दुम्‍ब। जोक्‍ब तुइक्‍ब आन लोव़ नेंशा ला लडाइ पावो। हितोपदेस २४:६

हितोपदेस 20:18 ပူးပေါင်းရင်းမြစ်များ

१ राजा 1:12

मोपतीके मुल नेनीन। आंम इन कली नु इन तौ सोलोमन कली दोपा प्रोंइने चाम्‍सीबा, मेको आ पर्बम गो इन कली सल्‍ला गेनुङ।

२ राजा 18:20

गे लोव़ पा ला लडाइ ग्रानीनी ङा? सुम इन कली वारच पा आं क्‍येङा महिंथु, आं कली मटि‍पदा?

हितोपदेस 11:14

लां कोंइब मबाक्‍त हना, रागी खतम दुम्‍ब। तन्‍न अर्ती गेब शुश बाक्‍तेक्‍म हना, मेको लीब।

हितोपदेस 15:22

अर्ती मनेंथु गेय पाइब आन गेय शोर गाक्‍शो बाक्‍ब। तन्‍न अर्ती गेब शुश बाक्‍तेक्‍म हना, मेको आन गेय रिम्‍शो दुम्‍ब। हितोपदेस ११:१४

हितोपदेस 24:6

मारदे हना रिम्‍शो लां कोंइब बाक्‍त हना, लडाइ पने चाप्‍नीनी। अर्ती गेब शुश बाक्‍तेक्‍म हना, लडाइ ग्रा‍नीनी। हितोपदेस २०:२८; हितोपदेस ११:१४

हितोपदेस 25:8

गे मार मरिम्‍शो ताप्‍तीवी हना यो, रीब पा निसाफ पतीकेमी मलावो। मारदे हना इ नेक्‍था ङा मुरुम इ कली मुने तोक्‍ते हना, मार पाइनेवे। लूका १४:७-११

लूका 14:31

पिप काम आ बाक्‍शो १० हजार लडाइ पाइब लाइश्‍शा, २० हजार लडाइ पाइब बाक्‍शो पिप नु लडाइ पचा थुं पाप्‍तु हना, मेकोमी ग्राने चाप्‍नुङा देय मचाप्‍नुङा, दे ममिम्‍बा ङा?

न्‍यायाधीस 19:30

मेको ताइब नेल्‍लेमी “गो इस्राएलीपुकीम इजीप्‍त रागी रे पिशो रे मुलाक्‍त सम्‍म ओदेंशो मदुम्‍शो नु मतशो बाक्‍तय। मोपतीके मुल मार पचा मिम्‍तीन। मिनु सल्‍ला पने” देंमा बाक्‍त। होसे १०:९

न्‍यायाधीस 20:18

मिनु इस्राएलीपुकी रीब पा बेथेल लशा, परमप्रभु कली “आंइ इस्राएली आन दातेमी तेको थरमी नेल्‍ल क्‍येङा ङोंइती बेन्‍यामीन आ थर ङा मुर नु लडाइ पचा?” दे हिल्‍लो पामे बाक्‍त। मिनु परमप्रभु यावेमी “यहूदा आ थर ङा मुरपुकीमी ङोंइती लडाइ पचा माल्‍नीम” देंमाक्‍त। न्‍यायाधीस १:१-२; गन्‍ती २७:२१

न्‍यायाधीस 20:23

मिनु इस्राएलीपुकी लशा, नाक्‍दो सम्‍म परमप्रभु यावे आ ङोंइती ङाक्‍मा बाक्‍त। मिनु मेकोपुकीमी परमप्रभु यावे कली “आंम लोक्‍ब बेन्‍यामीन आ थर ङा मुर नु लेंशा लडाइ तोचा देय मतोचा” दे हिल्‍लो पामे बाक्‍त। मिनु परमप्रभु यावेमी “मेकोपुकी नु लडाइ पचा कली लन” देंमाक्‍त।

न्‍यायाधीस 20:7

मुल गे इस्राएली नेल्‍ल लोव़ पने। मार पचा माल्‍बा, इन मिम्‍शो शोव़ङीन” देंमाक्‍त।

न्‍यायाधीस 9:29

गो शेकेम ङा मुर आन कली सासन पाइब बाक्‍शो नङ हना, गो अबीमेलेक कली क्‍याम्‍दु वा। गो मेको कली ‘लडाइ पाइब शुश सेल्‍शा, लडाइ पय’ देङ वा” देंमाक्‍त।