हितोपदेस 2:6 - Sunuwar Bible

⁶ मारदे हना परमप्रभु यावे तुइक्‍‍तीक थुं गेब बाक्‍ब। आ शोव़ रे जोक्‍तीक नु रुप्‍तीक लोव़ ग्रूब। दानीएल २:२०-२३

हितोपदेस 2:6 ပူးပေါင်းရင်းမြစ်များ

१ राजा 10:24

रागी नेल्‍ल ङा मुरपुकी परमप्रभुम सोलोमन कली गेशो जोक्‍शो तुइश्‍शो लोव़ नेंचा कली जाक्‍‍बाक्‍मा बाक्‍त।

१ राजा 3:12

मुल गो इ पुंइशो गे‍नुङ। गो थमा पा इ कली जोक्‍तीक तुइक्‍तीक थुं नु रुप्‍तीक थुं गेनन। ङोंइती इ खोदेंशो अर्को सुइ मबाक्‍म। मिनु नोले यो इ खोदेंशो सुइ मदुम्‍नीम। ब्‍यवस्‍था २६:१४

१ राजा 3:9

मोपतीके इन गेय पाइब, आं कली इन मुर आन कली ठीक पा सासन पचा कली रुप्‍तीक थुं गेयीनी। मिनु गो रिम्‍शो नु मरिम्‍शो तिल्‍स जोक्‍नुङ। मो मदुम्‍त हना, एको इश्‍का इन मुर आन कली सुम सासन पने चाप्‍नीमी ङा” देंमाक्‍त।

१ राजा 4:29

परमप्रभुमी सोलोमन कली शुश जोक्‍तीक तुइक्‍तीक थुं गेवा बाक्‍त। मेको आ रुप्‍तीके समुन्‍द्र ङा बाल्‍वा खोदेंशो पा शुश बाक्‍माक्‍त।

१ इतिहास 22:12

परमप्रभु यावेमी इ कली रुप्‍तीक नु जोक्‍ब तुइक्‍ब थुं गेवल। मेकोमी इ कली इस्राएल कली सासन पचा गेवानु, गे परमप्रभु यावे, इ परमप्रभु आ अरेशो लोव़ टिशा पाइब दुम्‍नेवे।

एज्रा 7:25

मिनु गे, एज्रा इ परमप्रभुमी इ कली तुइक्ब थुं गेशो बाक्‍त। मोपतीके युफ्रेटीस आइक्‍ची हांबु ङा रागी कली हुकुम पाइब नु निसाफ पाइब योव़शा वोइक्‍चा माल्‍नेवे। मेकोपुकीमी युफ्रेटीस आइक्‍ची हांबु ङा मुर नेल्‍ल आन कली निसाफ पचा माल्‍नीम। मेको परमप्रभु आ अरेशो लोव़ तुइक्‍ब दुम्‍चा माल्‍नीम। गे मतुइक्‍ब आन कली शेंचा माल्‍नेवे।

नेहेम्‍याह 7:5

मिनु आं परमप्रभुमी आं कली “ठेयब मुर, सरकार ङा अधिकार ताइब नु अरु मुर नेल्‍ल आन कली बुक्‍पाइश्‍शा, मेको नु आन खिं ङा मुर आन नें ब्रेक्‍चा माल्‍नुङ” दे मिम्‍पाइक्‍ती। मिनु गो ग्‍याइश्‍शा लाइक्‍चा पुंइसीशो रे, यरूसलेम लेश्‍शा जाक्‍ब आन नें ब्रेक्‍शो किताब थित्‍ता। मिनु मेको किताबम सु सु आन नें ब्रेक्‍शो बाक्‍तेक्‍म देंशा हना,

अय्‍युब 12:13

मिनु परमप्रभु नु तुइक्‍तीक नु सक्ति बाक्‍शो बाक्‍ब। मेको नु अर्ती गेतीके नु रुप्‍तीक थुं बाक्‍शो बाक्‍ब।

अय्‍युब 12:16

सक्ति नु तुइक्‍तीक परमप्रभु नु बाक्‍ब। दूली पाइ‍ब नु दूली पपाइक्‍ब, निम्‍फा आ केन बाक्‍नीस। १राजा १२:२८-३०; २राजा १९:१०-३७

अय्‍युब 22:22

मेको आ शेंशो पने। मिनु इन थुंम वोतीन।

अय्‍युब 32:8

बेक्‍शा लाइब मुरपुकी नु नेल्‍ल क्‍येङा ठेयब सक्ति पाइश्‍शो आ सोक्‍त बाक्‍ब। मिनु मेकोमी मुर आन कली रुप्‍तीक थुं गेब।

भजन संग्रह 119:104

इन ब्रेक्‍शा अरेशो लोव़ रे रुप्‍ब दुम्‍ती। मोपतीके गो दूली पतीक नेल्‍ल काइ मदाक्‍नुङ। भजन संग्रह ११९:२९

भजन संग्रह 119:34

गे आं कली रुप्‍‍तीक थुं गेयीनी। मिनु गो इन अरेशो लोव़ आं थुं नेल्‍लेमी पाइनुङ।

भजन संग्रह 119:98

गे इन शेंशो लोव़म आं जोरी सत्रु आन क्‍येङा आं कली तुइक्‍ब सेल्‍ब। मारदे हना मेको गेना हना यो गो नु बाक्‍ब।

भजन संग्रह 19:7

परमप्रभु यावे आ अरेशो लोव़ नेल्‍ल आन कली गारब। मेकोमी लेंशा ब्रोंइपाइक्‍ब। परमप्रभु यावे आ देंतीके थमा लोव़ बाक्‍ब। मेकोमी मतुइक्‍ब आन कली तुइक्‍ब सेल्‍ब।

भजन संग्रह 19:8

परमप्रभु यावे आ ब्रेक्‍शा अरेशो लोव़ ठीक बाक्‍शा, मुर आन थुं ग्‍येरपाइक्‍ब। परमप्रभु यावे आ शेंशोमी मुर मिक्‍च ताइब दुम्‍नीम।

भजन संग्रह 51:6

गे आंम पर्बम आंम थुं ङा थमा मिम्‍तीकेम दाक्‍नीनी। मोपतीके गे आं थुं कली जोक्‍तीक तुइक्‍तीक शेंदीने।

भजन संग्रह 94:10

रागी रागी ङा मुर आन कली सजाइ गेबमी इन कली सजाइ मगेबा ङा? मेकोमी मुर आन कली मारेइ मारेइ तुइक्‍पाइक्‍ब।

प्रस्‍थान 31:3

गो मेको कली आं सोक्‍तीमी प्रिंशा, मार मार सेल्‍चा कली जोक्‍ब तुइक्‍ब सेल्‍ता। मिनु पने चाप्‍तीक सक्ति यो गेता।

हितोपदेस 6:23

मारदे हना मेको अरेशो बत्ती नु शेंशो छेङछेङ बाक्‍नीस। ठीक पचा कली हुइक्‍तीके ब्रोंइचा गेब लां बाक्‍ब।

उपदेसक 2:26

परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८

यसैया 54:13

मिनु परमप्रभु यावेमी इ तमी तौ नेल्‍ल आन कली शेंब। मेको आन थुं नाइश्‍शा हेम्‍मा पा बाक्‍चा ताइनीम। यूहन्‍ना ६:४५

यसैया 8:20

गे शेंतीक नु अरेशो लोव़ आ पर्बम परमप्रभु कली हिल्‍लो पचा माल्‍नीनी। अरु लोव़ पाइब मुर काइ मरुप्‍ब बाक्‍नीम।

दानीएल 1:17

मिनु परमप्रभुमी मेको ४ जना आन कली नेल्‍ल ब्रेक्‍तीकेमी नु तुइक्‍तीकेमी जोक्‍ब तुइक्‍ब सेला बाक्‍त। मिनु दानीएल कली मार पचा, दे ततीके नु ङोमु रुप्‍तीक थुं यो गेप्‍तु। इजीकीएल २८:३

दानीएल 2:21

गे हिउंद नु बर्खा फाइक्‍ब, पिप आन कली वोइक्‍ब नु तिल्‍ब बाक्‍नीनी। गे जोक्‍ब तुइक्‍ब आन कली तुइक्‍तीक थुं गेनीनी। मिनु रुप्‍ब थुं पाइश्‍शो मुर आन कली जोक्‍तीक थुं गेनीनी। दानीएल ४:१४,२२,२९

दानीएल 2:23

आं किकी पिपी आन परमप्रभु, गो इन कली ‘गे रिम्‍शो पाइब बाक्‍नीनी। गे नेल्‍ल क्‍येङा ठेयब बाक्‍नीनी। मारदे हना गे आं कली तुइक्‍तीक थुं नु सक्ति गेतीनी। मिनु आंइ पुंइशो नेल्‍ल गेतीनी। पिप आ तुइक्‍चा माल्‍शो नेल्‍ल आंइ कली तुइक्‍पाइक्‍तीनी’ ” दे परमप्रभु कली ठेयब सेल्‍शा, देंत।

लूका 21:15

मारदे हना मोपा राप्‍पदमेनु, इन जोरी सत्रुमी लेन्‍ने मचाप्‍चा ङा लोव़ इन शोव़ रे पपाइक्‍नन्‍नी। इन कली ठीक लोव़ पपाइक्‍नुङ। मिनु मेकोपुकीमी इन लोव़ ख्रोइक्‍ने मचाप्‍नीम। प्रेरित ६:१०

यूहन्‍ना 6:45

मिनु परमप्रभु यावे आ लोव़ पाइब आन किताबमी ‘परमप्रभु यावेमी नेल्‍ल आन कली शेंब’ दे ब्रेक्‍शो बाक्‍त। तेकोमी आं आफ आ लोव़ नेंशा शेंसीबा, मेको आं गे पीब। यसैया ५४:१३

याकूब 1:17

हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६