हितोपदेस 19:8 - Sunuwar Bible

⁸ सुम आंम कली दाक्‍बा मेकोमी तुइक्‍तीक माल्‍ब। रुप्‍ब मुर सोशा बोशा ग्‍येत्‍थ लाइब।

हितोपदेस 19:8 ပူးပေါင်းရင်းမြစ်များ

भजन संग्रह 19:11

मेकोमी इन गेय पाइब कली होस पा बाक्‍पाइक्‍ब। मेको लोव़ टीबपुकीम ठेयब इनाम ताइनीम।

हितोपदेस 16:20

सुम शेंशो लोव़ नोफा दाइश्‍शा नेंबा, मेको मुर सोशा बोशा ग्‍येत्‍थ लाइब। सु परमप्रभु यावे कली थमा सुइक्‍बा, मेको ग्‍येरसीशो बाक्‍ब।

हितोपदेस 17:16

मूर्ख आ गुइमी तुइक्‍तीक थुं ग्‍याप्‍चा कली क्‍येट मारदे माल्‍बा ङा?। मेको के शेंसीतीक थुं मबाक्‍ब।

हितोपदेस 19:9

जोल पा सांकछी बाक्‍ब मुर सजाइ मतथु मब्रोंइब। मिनु जोल पाइब मुर खतम दुम्‍नीम

हितोपदेस 22:18

मारदे हना मेको लोव़ इ थुंमी वोइक्‍तीवी हना, इ कली रिम्‍शो दुम्‍ब। मिनु गे मेको गेना हना यो शेंने चाप्‍नेवे।

हितोपदेस 3:18

मेको नु बाक्‍बपुकी शुश नाक्‍त ब्रोंइनीम। मेको कली मुप्‍शा बाक्‍ब आन पर्बम मुरपुकीमी “मेकोपुकी ग्‍येरसीशो मुर बाक्‍नीम” देंनीम। हितोपदेस ११:३०; हितोपदेस १३:१२; हितोपदेस १५:४

हितोपदेस 3:21

आं तौ, आं देंशो गेय पचा क्‍येङा ङोंइती मिम्‍शा, गेनायो मप्रोनो। ठीक तुइक्‍तीके नु होस पतीके गे नु बाक्‍ल।

हितोपदेस 3:22

मारदे हना मेको इ ब्रोंइतीक नु इ दारस बाक्‍नीस।

हितोपदेस 4:21

आं लोव़ कली गेना हना यो मिम्‍तो। मिनु मेको कली इ थुंमी वोतो।

हितोपदेस 4:4

मिनु आं आफोमी आं कली “आं लोव़ इ थुंमी वोतो। मिनु आं शेंशो टिशा ब्रोनो। लेवी १८:५

हितोपदेस 4:6

मेको कली मप्रोंइतीवी हना, इ कली कोव़ब। मेको कली दाक्‍ताक्‍वी हना, इ कली खाल पाइब।

इजीकीएल 36:26

गो इन कली नक थुं का गेनुङ। मिनु गो इन थुंम नक सोक्‍त का कुर पाइनुङ। गो इन आगा रे फुल्‍लु के थुं ग्रुंइशा, मेको आ पा ङा श्‍ये के थुं कुर पाइनुङ। इजीकीएल ११:१९-२०; येरमीया ३१:३३

यूहन्‍ना 12:25

सुमी आंम दला दाक्‍स पाइबा, मेको गेना हना यो ब्रोंइशा बाक्‍चा मताइब। सुमी चहिं रागीमी बाक्‍शा, आंम कली ममिम्‍थु, परमप्रभु यावे आ देंशो टीबा, मेको गेना हना यो ब्रोंइशा बाक्‍चा ताइब। मत्ती १०:३९; मत्ती १६:२५; लूका १७:३३

यूहन्‍ना 14:21

सुमी आं अरेशो तुइश्‍शा पाइबा, मेकोमी आं कली दाक्‍ब। सुमी आं कली दाक्‍बा, आं आफोमी मेको कली यो दाक्‍ब। मिनु गो मेको कली दाक्‍शा, आं कली तुइक्‍पांइसीनुङ” दे येसुमी देंत। १यूहन्‍ना ५:३; यूहन्‍ना १६:२७

१ पत्रुस 3:10

मिनु परमप्रभु यावे आ लोव़मी “सु सु ब्रोंइचा नु रिम्‍शो बाक्‍चा दाक्‍नीमी, मेकोमी शुक्‍शी लोव़ मपने। सुइ आन कली जोल मपने। मुर नु दुशा बाक्‍कीन। याकूब १:२६