हितोपदेस 19:27 - Sunuwar Bible

²⁷ आं तौ, गे जोक्‍ब मुर आन लोव़ रे हेंथे लचा प्रोनो। मो पाप्‍तीवी हना गे शेंशो लोव़ नेंने चाप्‍नेवे। याकूब १:२२

हितोपदेस 19:27 ပူးပေါင်းရင်းမြစ်များ

२ सामुएल 13:5

मिनु योनादाबमी “रोइ पाता, देंखु पा इप्‍शा बाक्‍को। मिनु इ आफ इ कली कोव़थ जाक्‍त हना, गे मेको कली ‘आं समी तामारम आं कली जचा थोव़क सेल्‍शा गेयील। मेकोम जचा थोव़क आं ङोंइती सेलल। मिनु गो मेको आ सेल्‍शो कोव़नुङ। मिनु मेको आ गुइ रे जाइ‍नुङ’ देंनो” देंमाक्‍त।

२ इतिहास 10:10

मिनु मेको नु काथा कोल्‍शो ठिटापुकीम “इन आफोम आंइ कली हेल्‍शो गेय गेशो बाक्‍त। मुल मेको सोपी सेल्‍शा गेकी, दे पुंइब मुर आन कली ‘आं आइक्‍च ब्रेप्‍चो आं आफ आ क्रातो क्‍येङा ठेयब बाक्‍ब।

हितोपदेस 14:7

मूर्खपुकी नु मगाक्‍को। मारदे हना मेकोपुकी नु जोक्‍‍तीक लोव़ मबाक्‍ब।

हितोपदेस 19:26

सुमी आ आफ कली श्‍येत गेबा नु आ आ‍म कली खेरबा, मेको ग्रांग्रा दिशो नु मुने तोक्‍ब तौ बाक्‍ब।

हितोपदेस 19:28

शोर गाक्‍शो सांकछीमी निसाफ पतीक आ पर्बम शुक्‍शी पाइब। मेकोमी परमप्रभु यावे आ अरेशो मटीब। मरिम्‍शो पतीके जचा थोव़क खोदेंशो पा दाक्‍ब।

येरमीया 27:9

मोपतीके गेपुकी ‘बेबीलोन ङा पिप आ वाइल दुम्‍चा माल्‍नीनी’ देंब, इन नोले दुम्‍ब लोव़ पाइबपुकी, लिंक्‍यु कोव़बपुकी, ङोमु ङा लोव़ शेंबपुकी, टुना मुना नु मन्‍तर तन्‍तर पाइक्‍ब आन लोव़ मनेनीन। येरमीया १४:१३-१४

मत्ती 16:12

“गे फरिसी नु सदुकी आन शेंतीक लोव़ नेंशा, होस पांइसीन, दे शेंशो बाक्‍माक्‍त” दे रुप्‍तेक्‍म।

मत्ती 16:6

मिनु येसुमी “फरिसी नु सदुकी आन शोब्‍लेमी सुप्‍शो बोरपाइक्‍ब ओख्‍ती रे होस पांइसीने” दे माइक्‍तीमी। लूका १२:१

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

मर्कूस 4:24

मिनु येसुमी “गे मार नेंनी, मेको नोफा दाइश्‍शा नेनीने। दोपा नाक्‍शा गेनीनी, मोपा नाक्‍चा पुंइसीनीनी। मत्ती ७:२

यूहन्‍ना 10:5

सेंदा मतुइश्‍शो मुर आ नोले मखोइक्‍नीम। मेको कली तशा प्रोक्‍नीम। मारदे हना आ सेंदा मतुइक्‍नीम” दे येसुमी शेंताक्‍मी।

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

१ तिमोथी 4:7

तन्‍न मुरुमी सेल्‍शो नु मरिम्‍शो कथापुकी मनेनो। परमप्रभु यावे कली मिम्‍शा दाक्‍शा बाक्‍को। १तिमोथी ६:२०; २तिमोथी २:१६,२३; २तिमोथी ४:४; तीतस १:१४; तीतस ३:९

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५

२ यूहन्‍ना 1:10

सुइ मुर इन बाक्‍तीके जाक्‍शा, थमा शेंतीके लोव़ मपाप्‍तु हना, मेको कली खिं ओव़चा मगेने। मिनु मेको कली “रिम्‍शो बाक्‍को” दे यो मदेनीन। २थिस्‍सलोनिकी ३:६

प्रकाश 2:2

मेकोमी “गो इन पशो गेय, इन फाल्‍शो श्‍येत नेल्‍ल तुइक्‍नुङ। मिनु गे मरिम्‍शो मुर आन कली फाल्‍ने मचाप्‍नीनी। मिनु गे सोइश्‍शो, आं लोव़ शेंब दुम्‍खु पाइब मुर आन कली नाक्‍शा, जोल्‍फे बाक्‍नीम, दे तुइक्‍नीनी। १यूहन्‍ना ४:१