हितोपदेस 19:16 - Sunuwar Bible

¹⁶ सुमी परमप्रभु यावे आ शेंशो टीनीमी, मेको ब्रोंइचा ताइनीम। सुमी मटीनीमी मेको बेक्‍चा माल्‍नीम। हितोपदेस १६:१७

हितोपदेस 19:16 ပူးပေါင်းရင်းမြစ်များ

अय्‍युब 5:2

गाइक्‍तीकेम मूर्ख आन कली साइक्‍ब। मिनु गेहे पतीकेम मारेइ मजोक्‍ब आन कली साइक्‍ब।

भजन संग्रह 103:18

सु सुमी कबल पा, आ शेंशो टीनीमी, मेकोपुकी नु आ गेना हना यो दाक्‍तीक लीब।

हितोपदेस 13:13

अर्ती ङा लोव़ मदाक्‍ब मुरुम आंम कली श्‍येत चाक्‍ब। तन्‍न अरेशो टीबपुकीमी इनाम ताइनीम।

हितोपदेस 15:32

सुमी रिम्‍शो अर्ती नेंशा मपाइबा, मेकोमी आंम कली यो मदाक्‍ब। तन्‍न अर्ती नेंबमी आ रुप्‍‍तीके बारपाइक्‍ब।

हितोपदेस 16:17

रिम्‍शो थुं पाइश्‍शो मुर मरिम्‍शो लां रे ङोन बाक्‍ब। मिनु मरिम्‍शो मपथु, होस पा बाक्‍ब ब्रोंइचा ताइनीम।

हितोपदेस 21:16

सुइ मुर रुप्‍तीक लां प्रोंइतु हना, मेको बेक्‍शो मुर आन बाक्‍तीक लशा नाइक्‍ब।

हितोपदेस 21:23

सुमी मिम्‍शा ठीक लोव़ पाइबा, मेकोमी आंम कली श्‍येत रे प्रोंइब। हितोपदेस १३:३

हितोपदेस 22:5

दूली पाइब आन लांम चू नु ग्‍याइल बाक्‍नीम। होस पाइबपुकी मेको आन क्‍येङा ङोन बाक्‍नीम।

हितोपदेस 29:18

परमप्रभु यावे आ लोव़ पाइब मुर मबाक्‍तेक्‍म हना, मुर नेल्‍ल हेंथे पाइ‍ब दुम्‍नीम। तन्‍न मेकोपुकीम आन परमप्रभु यावे आ अरेशो टिम्‍तेक्‍म हना, ग्‍येरसीशो मुर दुम्‍नीम।

हितोपदेस 3:1

आं तौ, आं अरेशो मप्रेंदो। मिनु आं शेंशो लोव़ इ थुंमी वोतो। लेवी १८:५

उपदेसक 12:13

नेनो, नेल्‍ल क्‍येङा नोले ङा लोव़ मार बाक्‍ब देंशा हना, परमप्रभु कली मान पा हिनो। मिनु मेको आ शेंशो टिवो। मारदे हना मुर नेल्‍ल आन पचा माल्‍शो एकोन बाक्‍ब। ब्‍यवस्‍था ६:२

उपदेसक 8:5

सुम परमप्रभु आ शेंशो टीबा, मेको कली मारेइ मरिम्‍शो मदुम्‍ब। मिनु जोक्‍ब तुइक्‍ब मुरुमी ठीक गेय पची ना गेय पस जोक्‍ब।

येरमीया 7:23

तन्‍न गो मेको आन कली मार अरेतीक का गेतामी देंशा हना ‘आं देंशो टिने। मिनु गो इन परमप्रभु नङ। मिनु गे आं मुर दुम्‍नीनी। गो इन कली तेको लां लचा, दे अरेनुङा, मेको लां गाक्‍कीन। मो पाइतीनी हना, इन कली रिम्‍शो दुम्‍ब’ देंती। येरमीया ११:४; येरमीया २४:७; येरमीया ३०:२२; येरमीया ३१:१,३३; येरमीया ३२:३८; लेवी २६:१२; इजीकीएल ११:२०; इजीकीएल १४:११; इजीकीएल ३४:३०; इजीकीएल ३७:२७

इजीकीएल 33:5

मेकोम तुराही ताप्‍शो नेंशा यो, मटितीके, मेको आ हुश आ दोस आंमा राइब। तन्‍न मेकोम टिशो हना, ब्रोंइ वा।

मत्ती 16:26

रागी नेल्‍ल आंम के सेल्‍शा, आ गिंम चहिं खतम दुम्‍त हना, मार रिम्‍शो दुम्म ङा? खतम दुम्‍शो गिंम मार गेशा लेन्‍ने चाप्‍बा ङा? लूका १२:२०; भजन संग्रह ४९:९

लूका 10:28

मिनु येसुमी “ठीक देंते। मेको इ देंशो खोदेंशो पाप्‍तीवी हना, गेना हना यो ब्रोंइशा बाक्‍चा ताइनेवे” देंमाक्‍त। लेवी १८:५; मत्ती १९:१७

लूका 11:28

मिनु येसुमी “आं ममा क्‍येङा परमप्रभु यावे आ लोव़ नेंशा, थुंमी वोइश्‍शा पाइबपुकी आसीक राइब नम” देंमाक्‍त। लूका ८:१५:२१

यूहन्‍ना 14:15

गेपुकी आं कली दाक्‍ताक्‍नी हना, आं अरेशो पाइनीनी। यूहन्‍ना १५:१०; १यूहन्‍ना ५:३

१ कोरिन्‍थी 7:19

मारदे हना ख्रोइक्‍तीक चिनु ख्रोइश्‍शो नु मख्रोइश्‍शो आन पर्बम मारेइ ममिम्‍सीब। तन्‍न परमप्रभु यावे आ अरेशो टिचा, ठेयब बाक्‍ब। गलाती ५:६; गलाती ६:१५

१ यूहन्‍ना 3:22

मिनु गो महिंथु पुंइतय हना, इं पुंइशो गेब। मारदे हना गोपुकी आ अरेशो लोव़ पशा, आ दाक्‍शो पाइनय। मर्कूस ११:२४

१ यूहन्‍ना 5:3

गोपुकीमी “परमप्रभु यावे कली दाक्‍नय” देंतय हना, आ अरेशो लोव़ टिशा पाइनय। आ देंशो लोव़ टिशा पचा श्‍येत ममाइ। यूहन्‍ना१४:१५,२३,२४; मत्ती११:३०

प्रकाश 22:14

ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। प्रकाश ७:१४