हितोपदेस 19:12 - Sunuwar Bible

¹² पिप आ गाइश्‍शो गुप्‍स आ ग्रीशो खोदेंशो बाक्‍ब। आ दाक्‍तीक चहिं घांस तार दोक्‍शो सुनी ङा सीत खोदेंशो बाक्‍ब। हितोपदेस १६:१४-१५

हितोपदेस 19:12 ပူးပေါင်းရင်းမြစ်များ

उत्पत्ती 27:28

परमप्रभुमी इ कली सरीङ ङा सीत रे नु रिम्‍शो खप रे शुश चेरब नु अङगुर शांबु गेवल।

२ सामुएल 23:4

मेको सुनी ङा नां खोदेंशो बाक्‍ब। मेको गोस्‍स मबाक्‍शो सुनी दाप्‍शो नां खोदेंशो बाक्‍ब। मिनु मेको रेउ यिम नोले वाशो घांस खोदेंशो बाक्‍ब’ देंत। न्‍यायाधीस ५:३१

एस्‍तर 1:12

तन्‍न पिपीममी पिप आ सोइश्‍शो मुर आन देंशो मबिस्‍से। मोपा वास्‍तीम मबिश्‍शो तशा, मेको पिप हिंचा ङा पा गाइक्‍ताक्‍व।

एस्‍तर 7:8

मिनु पिप फू रू रे लेश्‍शा, भोज जतीक कोठाम जाक्‍मेनु, हामान चहिं एस्‍तर आ इप्‍तीकेम बाप्‍शा, आ नेक्‍था गुर ब्‍वेशा बाक्‍शो ताप्‍तु। मिनु पिपमी ठेयब सेंदामी “मार, मेकोमी पिपीम कली आं ङोंइती थिचा मिम्‍बा?” देंत। मिनु पिपम मोदेंशो देंम नोले, पिप आ गेय पाइबपुकीमी हामान आ कुल सुम्‍तेक्‍म।

भजन संग्रह 133:3

मेको हेरमोन डांडा ङा सीत सियोन डांडाम यिशो खोदेंशो बाक्‍ब। मेको गेना हना यो ब्रोंइतीक परमप्रभु यावे आ आसीक बाक्‍ब।

भजन संग्रह 72:6

मिनु मेको घांस रिक्‍शो दिंममी रेउ यिशो खोदेंशो दुम्‍ल। रेउमी रागी कली जिप्‍पाइश्‍शो खोदेंशो दुम्‍ल।

हितोपदेस 20:2

पिप आन शुश गाइश्‍शो गुप्‍स आन ग्रीशो खोदेंशो बाक्‍ब। सुम मेको कली गाइक्‍पाइक्‍बा, मेको साइक्‍चा पुंइसीब। हितोपदेस १६:१४

हितोपदेस 28:15

परमप्रभु यावे आ अरेशो मटीबमी प्रुङग आन कली सासन पाप्‍तु हना, मेको ग्रीब गुप्‍स नु प्रेक्‍शा ग्राम्‍ब वां खोदेंशो बाक्‍ब।

उपदेसक 8:4

पिप आ लोव़मी सक्ति बाक्‍ब। सुम मेको कली “हजुर, गे मार पनी” देंने चाप्‍बा?

यसैया 18:4

मारदे हना परमप्रभु यावेमी आं कली “गो आं बाक्‍तीके रे पा सिक्‍सी पा कोव़नुङ। नाप्‍शो नां ङा नाक्‍त खोदेंशो नु बाली नाली रिक्‍ची ना हुप्‍शो नांमी गोस्‍स का ग्रूशो खोदेंशो पा सिक्‍सी पा कोव़शा बाक्‍नुङ।

दानीएल 5:19

मोपा परमप्रभुमी मेको कली ठेयब दुम्‍तीके गेतीके जात जात नु रागी रागी ङा आंम आंम लोव़ पाइब मुर नेल्‍ल मेको क्‍येङा हिंशा, ख्रिंख्रि पाम्‍तेक्‍म। मिनु मेकोमी सु कली साइक्‍चा दाक्‍ता, मेको कली साइक्‍तु। सु कली ब्रोंइचा गेचा दाक्‍ता, मेको कली ब्रोंइचा गेप्‍तु। मिनु मान बारपाइक्‍चा दाक्‍शो कली मान बारपाइक्‍तु। सु कली दिप्‍चा दाक्‍ता, मेको कली दिप्‍तु।

दानीएल 6:24

मिनु पिपमी “दानीएल कली दोस गेब, आन मीश नु आन तमी तौ नेल्‍ल आन कली गुप्‍स वोइक्‍तीकेमी तोक्‍कीन” दे हुकुम पाप्‍तु। मिनु मेको आन कली मेकेर तोक्‍तेक्‍म। मिनु मेकोपुकी गुप्‍स आन बाक्‍तीके मजाक्‍दीत्‍थु, गुप्‍सपुकी प्रेक्‍शा ग्राम्‍शा मेको आन रुश का यो मवोइक्‍थु नेक्‍तेक्‍म।

होसे 14:5

गो इस्राएल कली सीत खोदेंशो दुम्‍नुङ। मेको लिली फू खोदेंशो पा बोइक्‍ब। लेबानोन ङा लाइश्‍शो रवा खोदेंशो पा मेकोमी शाक्‍श थोक्‍ब।

मीका 5:7

याकूब आ लीशो मुर शुश आन दातेम परमप्रभु यावे रे जाक्‍शो सीत नु घांस तार जुक्‍शो रेउ खोदेंशो दुम्‍नीम। मेकोमी “सुइ मुरुम वारच पाइनीमी कों” दे मकोव़नीम। मिनु मुर आन आस मपाइनीम।

ब्‍यवस्‍था 33:28

मोपतीके इस्राएली मारेइ मदुम्‍थु, रिम्‍शो पा बाक्‍ब। याकूब आ बाक्‍तीकेमी श्‍येत मजाइनीम। मेको अन्‍न नु अङगुर आ रागीमी सीत यीब। लेवी २५:१८; १राजा ५:५; भजन संग्रह ६८:२७-२८; यसैया ५१:१-२; उत्‍पत्ती २७:२८