हितोपदेस 19:11 - Sunuwar Bible

¹¹ निप्‍स पाइश्‍शो मुर ओंखां पा गाइक्‍नीम। मिनु अरुमी थुं खाइक्‍तीक लोव़ पाम्‍तेक्‍म हना यो, मेको सिक्‍सी पा बाक्‍चा आ मान बाक्‍ब। हितोपदेस १४:२९

हितोपदेस 19:11 ပူးပေါင်းရင်းမြစ်များ

२ राजा 5:12

मार, आबाना, फारपार नु दमस्‍कस ङा खोला मेर ङा ब्‍वाक्‍कु इस्राएल ङा ब्‍वाक्‍कु नेल्‍ल क्‍येङा रिम्‍शो ममाइ ङा? मार, गो मेकेर ङा ब्‍वाक्‍कुम चिक्‍शा साने मचाप्‍नुङा ङा?” दे गाइश्‍शा गाक्‍माक्‍त।

हितोपदेस 11:13

लोव़ क्‍याल्‍बमी ख्रुइश्‍शो लोव़ यो फ्राइनीम। तन्‍न थमा सुइक्‍चा पुंइसीब मुरुमी मोदेंशो लोव़ ख्राप्‍शा वोइक्‍नीम।

हितोपदेस 12:16

मूर्खपुकीमी आन गाइक्‍चा रीब पा कोंइनीम। तन्‍न होस पाइश्‍शो मुर कली मरिम्‍शो लोव़ पाम्‍तेक्‍म हना यो, सिक्‍सी पा बाक्‍ब।

हितोपदेस 14:29

रीब पा मगाइक्‍ब शुश रुप्‍ब मुर बाक्‍ब। तन्‍न रीब पा गाइक्‍ब मुर मूर्ख दुम्‍शा लाइब। हितोपदेस १६:३२; हितोपदेस १९:११

हितोपदेस 15:18

शुश गाइक्‍ब मुरुमी जिचा पोक्‍ब। तन्‍न रीब पा मगाइक्‍ब मुरुमी जितीके तेक्‍ब।

हितोपदेस 16:32

लडाइ पाइब बोल्‍यो मुर दुम्‍चा क्‍येङा फाल्‍ब मुर दुम्‍चा रिम्‍शो बाक्‍ब। मिनु सहर कली ग्राब क्‍येङा आंम गाइक्‍चा कली तेक्‍ब रिम्‍शो बाक्‍ब। हितोपदेस १४:२९

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

हितोपदेस 20:22

गे मरिम्‍शो पाइब कली क्‍येक्‍क लेत्‍नुङ मदेनो। परमप्रभु यावेमी पाइब, दे रिम्‍दो। मिनु इ कली वारच पाइब। हितोपदेस २४:२९; रोमी १२:१७

हितोपदेस 20:3

राम्‍शी पतीक रे ङोन बाक्‍ब मुरुमी मान ताइब। तन्‍न मूर्ख नेल्‍ल रीब पा राम्‍शी पाइब बाक्‍नीम।

हितोपदेस 25:21

इ जोरी सत्रु शोव़लु बेक्‍तेक्‍म हना, मेको आन कली थुलो। तूतू दाक्‍तेक्‍म हना, मेको आन कली ब्‍वाक्‍कु तूचा गेवो। रोमी १२:२०

हितोपदेस 29:11

मूर्ख मुरुमी आ गाइक्‍चा नेल्‍ल कोंइब। जोक्‍ब तुइक्‍ब मुरुम चहिं आ गाइश्‍शो तेक्‍शा, मकोंइब। हितोपदेस १२:२३; हितोपदेस २५:२८

एफिसी 4:32

मिनु रिम्‍शो पा कोव़मुने। दोपा परमप्रभु यावेमी ख्रीस्‍त मिम्‍शा, इन कली माफ गेवा, मोपा गेपुकी यो माफ गेमुने। मत्ती ६:१४; मत्ती १८:२२-३५; कलस्‍सी ३:१३

याकूब 1:19

आं दाक्‍शो लोक्‍बपुकी, मार तुइक्‍चा माल्‍नीनी देंशा हना, गेपुकी नेंस ङा नेंस बाक्‍कीन। शुश मब्‍वाक्‍कीन। शुश मचुरीन। हितोपदेस २९:२०; उपदेसक ५:१-२; उपदेसक ७:९