हितोपदेस 19:1 - Sunuwar Bible

¹ दूली लोव़ पा गाक्‍ब मूर्ख दुम्‍चा क्‍येङा प्रुङग नु गेना हना यो रिम्‍शो पाइब मुर दुम्‍चा रिम्‍शो बाक्‍ब। हितोपदेस २८:६

हितोपदेस 19:1 ပူးပေါင်းရင်းမြစ်များ

भजन संग्रह 26:11

गो चहिं, मारेइ दोस तचा ङा गेय मपथु, बाक्‍शो बाक्‍नुङ। आं कली शिशी पचा मप्रोंइयीनी।

भजन संग्रह 37:26

मिनु मेकोपुकीमी नेल्‍ल नाक्‍ती हाइश्‍शो दुम्‍‍शा, प्रुङग आन कली मार मार गेनीम। मिनु मेको आन आलपुकीमी आसीक ताइनीम।

हितोपदेस 12:26

ठीक पाइबपुकीमी आन वारच आन कली रिम्‍शो अर्ती गेनीम। तन्‍न परमप्रभु यावे आ अरेशो मटीबपुकीमी दूली लां कोंइनीम।

हितोपदेस 14:2

सु रिम्‍शो थुं पाइश्‍शो मुर बाक्‍मे, मेकोमी परमप्रभु यावे कली मान पा हिंब। तन्‍न सु हेंथे गाक्‍बा, मेको मुरुमी परमप्रभु यावे कली मदाक्‍ब।

हितोपदेस 15:16

शुश शोंप नु मेको आ पर्बम श्‍येत जचा क्‍येङा इच्‍का ला शोंप बाक्‍शा परमप्रभु यावे कली मान पा हिंचा रिम्‍शो बाक्‍ब।

हितोपदेस 16:8

मरिम्‍शो पा चेम्‍शो शुश क्‍येट क्‍येङा रिम्‍शो पा चेम्‍शो इच्‍का खोइ क्‍येट ठीक बाक्‍ब। हितोपदेस १५:१६

हितोपदेस 19:22

शिशी पाइब मुर दुम्‍चा रिम्‍शो बाक्‍ब। जोल पाइब दुम्‍चा क्‍येङा प्रुङग दुम्‍चा रिम्‍शो बाक्‍ब।

हितोपदेस 20:7

ठीक पाइब मुर गेना हना यो रिम्‍शो पाइब बाक्‍ब। मेको आ आलपुकी ग्‍येरसीशो बाक्‍नीम। भजन संग्रह ११२:१२

हितोपदेस 28:6

हेंथे गाक्‍ब, थुं निक्‍शी पाइश्‍शो नु शुश क्‍येट थीब मुर दुम्‍चा क्‍येङा रिम्‍शो थुं पाइश्‍शो ठीक लां गाक्‍ब प्रुङग मुर दुम्‍चा रिम्‍शो बाक्‍ब। हितोपदेस १९:१

हितोपदेस 4:24

इ शोव़ कली मरिम्‍शो लोव़ पचा मगेवो। हेंथे लोव़ इ क्‍येङा ङोन वोतो।

यसैया 59:3

इन गुइ हुश लुम्‍सीशो बाक्‍नीम। गे नेल्‍ल मरिम्‍शो पाइब बाक्‍नीनी। गे जोल पना पन बाक्‍तीनी। गे ओल ओल लोव़ पाइनीनी। यसैया १:१५

मत्ती 16:26

रागी नेल्‍ल आंम के सेल्‍शा, आ गिंम चहिं खतम दुम्‍त हना, मार रिम्‍शो दुम्म ङा? खतम दुम्‍शो गिंम मार गेशा लेन्‍ने चाप्‍बा ङा? लूका १२:२०; भजन संग्रह ४९:९

१ सामुएल 25:17

गे मार पचा माल्‍नीनी मेको रिम्‍शो पा मिम्‍तीन। मारदे हना, आंइ होव़प नु आ खिं थमा पा खतम दुम्‍ब। आंइ होव़प थम मरिम्‍शो बाक्‍ब। मेको नु लोव़ पने सुइ मचाप्‍ब” देंमाक्‍त।

१ सामुएल 25:25

आ प्रभु, मेको शोर गाक्‍शो मुर आ पर्बम मगाइक्‍तीन। मेको आ नें दोपा नाबाल बाक्‍मे, मेको मो देंशोन बाक्‍ब। आ नें नाबाल बाक्‍ब। मिनु मेको मूर्ख बाक्‍ब। तन्‍न गो, इन गेय पाइबम, इन सोइश्‍शो ठिटा आन कली मतङमी।