हितोपदेस 18:24 - Sunuwar Bible

²⁴ का निक्‍शी मुरुमी “वारच नङ” देंखु पाइनीम। तन्‍न आंम लोक्‍ब क्‍येङा थमा पा दाक्‍ब वारच गेना हना यो आ वारच नु काथा बाक्‍ब। हितोपदेस १७:१७

हितोपदेस 18:24 ပူးပေါင်းရင်းမြစ်များ

२ सामुएल 1:26

आं लोक्‍ब योनाथन, गो इ पर्बम रोंका पाइ‍नुङ। गो इ कली थाम्‍पा दाक्‍ताक्‍न। इ आं कली दाक्‍शो ठेयब बाक्‍त। मीश मुर आन कली दाक्‍तीक क्‍येङा यो लाक्‍शो बाक्‍त।

२ सामुएल 15:21

तन्‍न इत्‍ताइमी पिप कली “परमप्रभु यावे ब्रोंइशा बाक्‍शो खोदेंशो पा नु आं प्रभु पिप इन ब्रोंइशा बाक्‍शो खोदेंशो पा, गे ते लाइतीनी हना यो, गो मेक लाइक्‍नुङ। ब्रोंइतीनी हना यो, बेक्‍तीनी हना यो, गो इन गेय पाइब, इन नु बाक्‍नुङ” दे मदा बाक्‍त।

२ सामुएल 16:17

तन्‍न अब्‍सालोममी हुशाइ कली “इ वारच कली मप्रोंइतीके, मोदेंशो बाक्‍बा ङा? मारदे गे इ वारच नु मलवे” दे मदा बाक्‍त।

२ सामुएल 21:7

तन्‍न पिपमी परमप्रभु यावे आ नेंम नु सावल आ तौ योनाथन नु कसम जतीके सावल आ चच योनाथन आ तौ मेफी-बोशेथ कली प्रोंइशा वोदा बाक्‍त। १सामुएल २०:१५-१७;

हितोपदेस 17:17

वारचमी गेना हना यो दाक्‍ब। लोक्‍बपुकी चहिं श्‍येत जशो ना वारच पचा कली जरमेशो बाक्‍नीम।

हितोपदेस 27:10

इ वारच कली नु इ आफ आ वारच कली मप्रोनो। श्‍येत जवी ना, इ लोक्‍ब आ खिं मलावो। मारदे हना ङोन बाक्‍शो लोक्‍ब क्‍येङा नेक्‍था बाक्‍ब मुर रिम्‍शो बाक्‍ब। हितोपदेस १८:२४

हितोपदेस 27:9

ब्रोव़शो रिना पाइश्‍शो तेल नु धूपमी मुर आन थुं ग्‍येरशो सेल्‍ब। तन्‍न वारच आ अर्ती मेको क्‍येङा रिम्‍शो बाक्‍ब।

१ सामुएल 18:1

मोपा दाऊदम सावल नु लोव़ पने थुमा बाक्‍त। नोले योनाथनमी, दाऊद कली आंम कली खोदेंशो पा आ थुं रेन दाक्‍चा गोवा बाक्‍त। मेको सावलम तुइक्‍ता बाक्‍त।

१ सामुएल 18:3

मिनु योनाथन नु दाऊद आस थुं रेन थमा पा वारच बु दुम्‍सा बाक्‍त। मारदे हना मेको निक्‍शी काम अर्को कली आंम कली खोदेंशो पा दाक्‍मुसा बाक्‍त। मिनु कबल का पाम्‍से बाक्‍त। १सामुएल २३:१८; २सामुएल २१:७; १सामुएल १९:१; १सामुएल २०:१७; २सामुएल १:२६