हितोपदेस 18:16 - Sunuwar Bible

¹⁶ सुमी कोसेली गेबा, मेकोमी ठेयब मुर नु लोव़ पचा यो ताइब। उत्‍पत्ती ४३:११

हितोपदेस 18:16 ပူးပေါင်းရင်းမြစ်များ

उत्पत्ती 32:20

मिनु ‘इन गेय पाइब आंइ नोले पिना पिन बाक्‍ब’ देंचा मप्रेंदीन” दे माइक्‍मी बाक्‍त। मारदे हना याकूबमी “गो आं ङोंइती सोइश्‍शो कोसेलीमी गो मेको कली लेम्‍नुङ। मिनु नोले मेको कली ग्रुम्‍नुङ, आं कली ब्राइबा कों” दे मिम्‍ता बाक्‍त।

उत्पत्ती 33:10

मिनु याकूबमी “मदुम्‍ब। गो इन ङोंइती शिशी ताता हना, आं कोसेली ताक्‍कीन। मारदे हना गो इन कुल तशा, परमप्रभु आ कुल तशो खोदेंशो पा ग्‍येरसाक्‍यी। गे आं कली दाक्‍शा ब्राइतीनी। उत्‍पत्ती ३२:३१

उत्पत्ती 43:11

मिनु आन आफ इस्राएलमी “मुल मो दुम्‍चा माल्‍शो बाक्‍त हना, गे मेको ठेयब मुर कली इं रागी ङा नेल्‍ल क्‍येङा रिम्‍शो फल, इच्‍का ख्रेक्‍तीक तेल, इच्‍का खुदो, मस्‍लापुकी, ब्रोव़शो रिना पाइब थोव़क, फोरो नु देसी बदाम कोसेली लतीन। हितोपदेस १८:१६

२ राजा 5:5

मिनु अराम ङा पिपमी “दुम्‍ब, गे लावो। गो इस्राएल ङा पिप कली चिठी का ब्रेक्‍नुङ” देंमाक्‍त। मोपतीके नामान १० टलेन्‍ट चांदी, ६ हजार शेकेल सुन नु १० जोर फेक्‍तीक वा कुरशा लमाक्‍त। टलेन्‍ट का ३४ किलो बाक्‍ब। शेकेल का ११.५ ग्राम बाक्‍ब।

हितोपदेस 17:8

घूस गेबमी आ घूसमी मारेइ मारेइ पने चाप्‍ब, दे मिम्‍ब। मेको ते लत हना यो आ देंशो खाप्‍ब।

हितोपदेस 18:17

सुमी जितीकेमी ङोंइती ब्‍वाक्‍बा, मेको कली नोले ङा मुर मब्‍वाक्‍म सम्‍म नेल्‍लेमी ठीक मिम्‍शा थमा सुइक्‍नीम।

हितोपदेस 19:6

शुश मुरुमी ठेयब मुर आन शिशी दाक्‍नीम। मिनु सुमी अरु कली गेबा, मेको आ वारच शुश बाक्‍नीम।

हितोपदेस 21:14

ख्रुइश्‍शोमी मार मार गेशोनु, चुरब मुर यो मचुरनीम। मिनु वा आगामी ख्रुइश्‍शा गेशोमी ठेयब गाइक्‍तीक तेक्‍ब। १सामुएल २५:१८-३५

१ सामुएल 16:20

मिनु येस्‍सेमी कुशुल के थैलो का शांबु, पाठा का इच्‍का खोइ शोब्‍ले कुर पा नु आ तौ दाऊद कली सावल आ बाक्‍तीक सोइक्‍ता बाक्‍त।

१ सामुएल 25:27

मिनु इन गेय पाइबम, आ प्रभु, इन कली चाक्‍शो कोसेली इन नोले खोइक्‍ब ठिटा आन कली गेन।