हितोपदेस 18:15 - Sunuwar Bible

¹⁵ निप्‍स पाइश्‍शो मुर आ जोक्‍तीके बारना बारन लाइब। जोक्‍ब तुइक्‍ब मुरुमी मेको क्‍येङा जोक्‍चा कली नोफा दाइक्‍ब।

हितोपदेस 18:15 ပူးပေါင်းရင်းမြစ်များ

१ राजा 3:9

मोपतीके इन गेय पाइब, आं कली इन मुर आन कली ठीक पा सासन पचा कली रुप्‍तीक थुं गेयीनी। मिनु गो रिम्‍शो नु मरिम्‍शो तिल्‍स जोक्‍नुङ। मो मदुम्‍त हना, एको इश्‍का इन मुर आन कली सुम सासन पने चाप्‍नीमी ङा” देंमाक्‍त।

अय्‍युब 8:10

मेको किकी पिपीम इन कली मशेंनीमी? इन कली लोव़ मपाइनीमी? इन कली आन रुप्‍शो लोव़ मशेंनीमी?

हितोपदेस 1:5

जोक्‍ब तुइक्‍ब नेल्‍लेमी एको लोव़ रिम्‍शो पा नेंबमी तेम्‍शा शुश रुप्‍ब दुम्‍नीम। निप्‍स पाइश्‍शो मुर जोक्‍ब दुम्‍शा,

हितोपदेस 10:14

जोक्‍ब तुइक्‍ब मुर नु जोक्‍तीक बाक्‍ब। तन्‍न हेंथे लोव़ पाइब मूर्खमी खतम दुम्‍तीक चाक्‍ब।

हितोपदेस 15:14

रुप्‍ब थुं पाइश्‍शो मुरुमी जोक्‍तीके माल्‍ब। तन्‍न मूर्खमी मूर्खे पचा ला दाक्‍नीम।

हितोपदेस 15:31

सुमी रिम्‍शो अर्ती नेंशा पाइबा, मेको जोक्‍ब तुइक्‍ब मुर आन दातेम बाक्‍ब।

हितोपदेस 23:23

थमा पतीक कली ग्यापो। मेको कली गेनायो मलेयङो। तुइक्‍तीक, शेंतीक नु रुप्‍तीक ग्यापो।

हितोपदेस 4:5

तुइक्‍तीके मालो नु जोक्‍ब तुइक्‍ब दुमो। आं देंशो लोव़ मप्रोनो।

हितोपदेस 4:7

तुइक्‍‍तीके आ गोतीक मार बाक्‍त देंशा हना, तुइक्‍तीके शुश माल्‍चा माल्‍नेवे। मार ताप्‍तीवी हना यो, नेल्‍ल क्‍येङा ठेयब जोक्‍ब तुइक्‍ब दुमो।

हितोपदेस 9:9

जोक्‍ब तुइक्‍ब आन कली अर्ती गेशोनु, ङोंइती क्‍येङा जोक्‍ब तुइक्‍ब दुम्‍नीम। ठीक पाइब आन कली शेंशोनु, मेको क्‍येङा ठीक पचा शेंसीनीम।

लूका 10:39

मारथा आ लोक्‍ब मरीयम येसु आ खोइल आ नेक्‍था बाक्‍शा आ शेंशो नेंना बाक्‍त।

एफिसी 1:17

मार लोव़ पना पन बाक्‍नुङ देंशा हना “परमप्रभु यावे, आंइ प्रभु येसु ख्रीस्‍त आ आफ ननी। गे नेल्‍ल छेङछेङ ङा आफ बाक्‍नीनी। गे एफिसस ङा थमा सुइक्‍ब आन कली येसु ख्रीस्‍त कली तुइक्‍तीकेमी रिम्‍शो गेय पस जोक्‍तीके नु नोले मार दुम्‍बा तुइक्‍तीक सोक्‍त गेने।

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६