हितोपदेस 18:1 - Sunuwar Bible

¹ सु मुर रे ब्राशा बाक्‍बा, मेकोमी आंम कली ला रिम्‍शो पचा दाक्‍ब। मेकोमी रुप्‍तीक थुं पाइश्‍शो मुर आन लोव़ काइ मनेंब।

हितोपदेस 18:1 ပူးပေါင်းရင်းမြစ်များ

प्रस्‍थान 33:16

गो नु इन मुरपुकीमी इन ङोंइती शिशी तशो बाक्‍नीकी, दे गो दोपा तुइक्‍नीकी? गे गो नु लाइतीनी हना ला, तुइक्‍नीकी। मोपा ला गो नु इन मुरपुकी रागी ङा मुरपुकी नु खाल का ङा मदुम्‍नीकी” दें‍त। ब्‍यवस्‍था ४:६-८

हितोपदेस 14:10

थुं ङा श्‍येत थुंम ला तुइक्‍ब। मिनु थुं आ ग्‍येरसीशो थुंमी ला तुइक्‍ब। रोमी १२:१५

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

हितोपदेस 20:19

लोव़ क्‍याल्‍ब मुरुमी ख्रुइश्‍शा पशो लोव़ यो फ्राइब। मोपतीके शुश लोव़ पाइब मुर नु वारच मदुमो।

हितोपदेस 20:3

राम्‍शी पतीक रे ङोन बाक्‍ब मुरुमी मान ताइब। तन्‍न मूर्ख नेल्‍ल रीब पा राम्‍शी पाइब बाक्‍नीम।

हितोपदेस 24:21

आं तौ, परमप्रभु यावे नु पिप कली मान पा हिनो। मेको आस कली मटीब नु मगाक्‍को। १ पत्रुस २:१७

हितोपदेस 26:17

सु मुर आन जितीक खेतीकेम ओव़बा, मेको लांम गाक्‍शो कुचुम आ नोफा ग्‍याइश्‍शा कीशो खोदेंशो बाक्‍ब।

हितोपदेस 3:21

आं तौ, आं देंशो गेय पचा क्‍येङा ङोंइती मिम्‍शा, गेनायो मप्रोनो। ठीक तुइक्‍तीके नु होस पतीके गे नु बाक्‍ल।

हितोपदेस 8:14

अर्ती नु ठीक पा तुइक्‍तीक गो नु बाक्‍नीस। गो नु जोक्‍तीक तुइक्‍तीक नु बोल यो बाक्‍नीम।

येरमीया 15:17

गो दला दाक्‍स पा बाक्‍ब आन हुलम गेनायो मल‍ङ। गो मेकोपुकी नु मग्‍येरसीङ। गो आं कान बाक्‍ती। मारदे हना इन गुइ आं तार बाक्‍त। मिनु गे आं कली गाइक्‍तीकेम प्रिंशो बाक्‍तीनी।

जकरिया 7:3

मिनु मुर नेल्‍ल आन परमप्रभु यावे आ खिंमी चढ़ेब नु परमप्रभु यावे आ लोव़ पाइब आन कली ‘गोपुकी मुल सम्‍म शुश बर्स ङोंइती रे प‍शो खोदेंशो पा ५ महिनामी रोंका पा माइजा बाक्‍चा माल्‍नीकी ङा?’ दे हिल्‍लो प‍चा कली सोइश्‍शो बाक्‍तेक्‍म” देंत। जकरिया ८:१९; २राजा २५:८-९; येरमीया ५२:१२-१३

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

मत्ती 13:44

स्‍वर्ग ङा राज्‍य ओदेंशो यो बाक्‍ब, रू कामी शोंप थिम्‍शा वोइश्‍शो बाक्‍माक्‍त। मिनु काबु मुर कामी मेको शोंप थिदा बाक्‍त। मिनु थम ग्‍येरसीशा, लेंशा थिम्‍शा वोइश्‍शा, आइक्‍के बाक्‍शो नेल्‍ल लेश्‍शा, मेको रू ग्‍यबा बाक्‍त। मत्ती १९:२९; लूका १४:३३; फिलिप्‍पी ३:७

मर्कूस 1:35

आ दीसा सुनी नां मसोव़थु, येसु बोक्‍शा मेकेर रे गाक्‍शा, सुइ मबाक्‍तीकेमी जाक्‍दीश्‍शा, प्रार्थना पवा बाक्‍त। मत्ती १४:२३; मत्ती २६:३६; लूका ५:१६; लूका ११:१

मर्कूस 4:11

मिनु येसुमी “परमप्रभु यावे आ राज्‍य दोदेंशो बाक्‍ब दे इन कली रुप्‍‍तीक थुं गेशो बाक्‍त। लाङगाम बाक्‍ब आन कली चहिं कथा सेल्‍शा शेंनुङमी।

रोमी 1:1

गो ख्रीस्‍त येसु आ वाइल पावल नङ। आ सोइश्‍शो दुम्‍शा, परमप्रभु यावेमी आ ग्‍येरपाइक्‍ब लोव़ तुइक्‍पाइक्‍चा कली योव़चा पुंइसाक्‍यी। प्रेरित ९:१५; प्रेरित १३:२; गलाती १:१५

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

ब्‍यवस्‍था 14:6

मिनु गेपुकीमी जन्‍तु आन दातेमी तेको नेल्‍ल गेंच चेश्‍शो नु शोकोल हेक्‍ब बाक्‍नीमी, मेको आन कली ब्‍वचा दुम्‍ब।

यहूदा 1:19

मेकोपुकीम मुर आन कली ब्रापाइक्‍नीम। परमप्रभु यावे कली ममिम्‍थु, परमप्रभु यावे आ सोक्‍त मपाइश्‍शो बाक्‍नीम। १कोरिन्‍थी २:१४