हितोपदेस 17:7 - Sunuwar Bible

⁷ मूर्खपुकीमी रिम्‍शो लोव़ पचा मशिरनीम। मेको क्‍येङा ठेयब मुरपुकीमी जोल पचा मशिरब।

हितोपदेस 17:7 ပူးပေါင်းရင်းမြစ်များ

२ सामुएल 23:3

इस्राएली आन परमप्रभुम लोव़ पाप्‍तु। इस्राएली आन सेरथे फुल्‍लुमी आं कली ‘सुमी मुर आन कली ठीक निसाफ पाइ‍बा, सुम परमप्रभु कली मान पा हिंशा हुकुम पाइ‍बा,

अय्‍युब 34:12

एको थमा लोव़ बाक्‍ब। परमप्रभुम गेनायो मरिम्‍शो मपाइब। नेल्‍ल क्‍येङा ठेयब सक्ति पाइश्‍शोमी दूली निसाफ मपाइब। अय्‍युब १९:६

भजन संग्रह 31:18

ठेयब लेश्‍शो मुरपुकीम ठीक पाइब आन कली आइक्‍च सेल्‍शा, मरिम्‍शो पाइनीम। जोल पा लोव़ पाइनीम। मेको आन शोव़ ख्रेप्‍तीन।

हितोपदेस 12:19

थमा लोव़ पाइब मुर गेना हना यो लीनीम। तन्‍न जोल पाइब मुर याम का ला लीनीम।

हितोपदेस 12:22

परमप्रभु यावेम जोल पाइब आन कली तशा ग्रांग्रा दी‍ब। जोल मपथु, आ अरेशो टीब आन कली तशा ग्‍येरसीब।

हितोपदेस 19:10

मूर्ख मुर क्‍येट थीब मुर खोदेंशो पा बाक्‍चा मशिरब। मिनु वाइलमी ठेयब मुर आन कली हुकुम पचा यो मशिरब।

हितोपदेस 24:7

मूर्खपुकीमी तुइक्‍तीके रुप्‍ने मचाप्‍नीम। मेकोपुकीमी ठेयब लाप्‍चो ङा ग्रुम्‍तीकेमी लोव़ पने मचाप्‍नीम।

हितोपदेस 26:1

हुप्‍शो महिनाम फुं नु अन्‍न रुप्‍ची ना रेउ यिशो खोदेंशो पा मूर्ख आन कली मान पशो मगारचा ङा बाक्‍ब।

हितोपदेस 26:7

मूर्ख आन देंतीके लोव़ खोरन्‍डे मुर आ खोइल खोदेंशो पा शोर गाक्‍शो बाक्‍ब।

हितोपदेस 29:12

सासन पाइबमी जोल लोव़ नेंतु हना, मेको आ गेय पाइब नेल्‍ल परमप्रभु यावे आ अरेशो मटीब दुम्‍‍नीम।

हितोपदेस 6:17

मेको मार बाक्‍नीम देंशा हना, ठेयब लेत्‍तीके, जोल पतीके, दोस मताइब मुर आन कली हुश ख्राक्‍श पोक्‍तीके,

मत्ती 7:5

कपटी, ङोंइती इन मिक्‍चीम बाक्‍शो मुढा फेत्‍तीने। मिनु ला मिक्‍च ठीक ताइब दुम्‍शा, इन लोक्‍ब आ मिक्‍चीम बाक्‍शो कसीङगर फेत्‍तीने।