8 मरिम्शो पा चेम्शो शुश क्येट क्येङा रिम्शो पा चेम्शो इच्का खोइ क्येट ठीक बाक्ब। हितोपदेस १५:१६
परमप्रभु आ अरेशो मटीब आन शुश शोंप क्येङा ठीक पाइब आन इच्का खोइ शोंप रिम्शो बाक्ब। हितोपदेस १५:१६
शुश शोंप नु मेको आ पर्बम श्येत जचा क्येङा इच्का ला शोंप बाक्शा परमप्रभु यावे कली मान पा हिंचा रिम्शो बाक्ब।
काइ मदाक्शो मुर नु ब्रोव़शो श्ये खमे जचा क्येङा, दाक्मुशा चूले खमे जशो रिम्शो बाक्ब।
परमप्रभु यावेमी मुर आन पशो तशा ग्येरसाक्व हना, मेको कली आ जोरी सत्रु नु यो गारपाइश्शा वोइक्ब। उत्पत्ती ३१:२४; उत्पत्ती ३३:४
मुरुमी आंम आ लां आंमान मिम्नीम। तन्न परमप्रभु यावेमी मेको आन गाक्तीक लां कोंइब। हितोपदेस १९:२१; येरमीया १०२३
जिना जिन ब्रोव़शो जचा क्येङा सिक्सी पा थुं नाइश्शा पोकतो खमे जचा रिम्शो बाक्ब। हितोपदेस १५:१७
हेंथे गाक्ब, थुं निक्शी पाइश्शो नु शुश क्येट थीब मुर दुम्चा क्येङा रिम्शो थुं पाइश्शो ठीक लां गाक्ब प्रुङग मुर दुम्चा रिम्शो बाक्ब। हितोपदेस १९:१
फश कली खेदा पशो खोदेंशो पा, शुश श्येत पा शुश चेम्चा क्येङा, थुं नाइश्शा इच्का खोइ चेम्चा रिम्शो बाक्ब। हितोपदेस १५:१६
मुर, आंम आ मपशो ब्वोफु पुप्ब क्येन्रे खोदेंशो बाक्ब। मेकोमी हेंथे पा शोंप चेम्ब। मेको आ ब्रोंइतीक नाक्ती उइक्थ दुम्मेनु, मेको आ शोंपोम मेको मुर कली प्रोंइब। मिनु आ बेक्ची ना मेको कली मूर्ख मिम्सीब। लूका १२:२०
गो मेको आ अरेशो मटीब आ खिं ङा मरिम्शो पा चेम्शो शोंप प्रेंदु? इन आइक्च सेल्शो सराप रशो पुक्तीक प्रेंदु? लेवी १९:३५