हितोपदेस 16:27 - Sunuwar Bible

²⁷ हिंचा ङा पा मरिम्‍शो पाइब मुरुमी मरिम्‍शो ला मिम्‍ब। मेको आ लोव़ मी खोदेंशो पा ब्रशो बाक्‍ब।

हितोपदेस 16:27 ပူးပေါင်းရင်းမြစ်များ

२ सामुएल 20:1

शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६

भजन संग्रह 57:4

गो गुप्‍स आन दातेमी बाक्‍शो बाक्‍नुङ। गो मुर ब्‍वाइब जन्‍तु आन दातेमी गोल्‍शो बाक्‍नुङ। मेको मुर आन ख्रुइ तूतीक नु ब्रा खोदेंशो बाक्‍नीम। मेको आन लें हेश्‍शो तरवार खोदेंशो बाक्‍ब।

हितोपदेस 16:26

गेय पाइब आन कोव़जमी मेको कली गेय पपाइक्‍ब। मेको आ शोव़लुमी गेय पतीक थुं गेब।

हितोपदेस 16:28

दूली मुरुमी जिचा पोक्‍ब। मिनु नोफा मुइक्‍बमी गारशो वारच आन कली फ्राब।

हितोपदेस 16:30

मिक्‍च रिक्‍‍बमी दूली गेय पचा मिम्‍शो बाक्‍नीम। मोदेंशो मिम्‍शा सिक्‍सी पा बाक्‍बमी मरिम्‍शो पचा चिक्‍शो बाक्‍ब।

हितोपदेस 19:28

शोर गाक्‍शो सांकछीमी निसाफ पतीक आ पर्बम शुक्‍शी पाइब। मेकोमी परमप्रभु यावे आ अरेशो मटीब। मरिम्‍शो पतीके जचा थोव़क खोदेंशो पा दाक्‍ब।

हितोपदेस 2:4

गे मेको कली चांदी खोदेंशो पा माल्‍तीवी नु थिम्‍शा वोइश्‍शो शोंप माल्‍शो खोदेंशो पा दोप्‍तीवी हना,

हितोपदेस 6:12

हिंचा ङा मरिम्‍शो पाइब नु शोर गाक्‍शो मुर हेंथे लोव़ पा गाक्‍नीम। हितोपदेस १०:३१-३२

हितोपदेस 6:14

मेको आन दूली थुंमी मरिम्‍शो मिम्‍नीम। मेकोपुकीमी गेना हना यो मुर आन कली जि‍पा‍इक्‍नीम।

यसैया 5:18

आबी, गे मरिम्‍शो पतीके कली जोल के डोरीम नु पाप कली ठेयब डोरीम पाइश्‍शा, इन नोले कीनीनी।

हबकुक 2:13

जात जात ङा मुर आन गेय नेल्‍ल मी कली ला दुम्‍ब। रागी रागी ङा मुरपुकी मली‍चा ङा गेय पचा कली सोम्‍सीनीमी, दे मुर नेल्‍ल आन परमप्रभु यावे आ देंशो मबाक्‍बा ङा? येरमीया ५१:५८

याकूब 3:6

मुर आ लें मी खोदेंशो बाक्‍ब। मेकोमी रां नेल्‍ल मरिम्‍शो सेल्‍ब। मेकोमी मरिम्‍शो लोव़ पशा, रां कली पापी सेल्‍ब। रागी नेल्‍ल कली क्रोइक्‍ब। आंमा यो नरकमी ग्रोइक्‍ब। हितोपदेस १६:२७; मत्ती १२:३६-३७; मत्ती १५:११,१८

१ सामुएल 25:17

गे मार पचा माल्‍नीनी मेको रिम्‍शो पा मिम्‍तीन। मारदे हना, आंइ होव़प नु आ खिं थमा पा खतम दुम्‍ब। आंइ होव़प थम मरिम्‍शो बाक्‍ब। मेको नु लोव़ पने सुइ मचाप्‍ब” देंमाक्‍त।