हितोपदेस 16:24 - Sunuwar Bible

²⁴ ब्रोव़शो लोव़ खुदो खोदेंशो बाक्‍ब। मेकोमी थुं कली ब्रोव़शो नु रां कली बोल्‍यो सेल्‍ब। हितोपदेस १२:२५

हितोपदेस 16:24 ပူးပေါင်းရင်းမြစ်များ

भजन संग्रह 119:103

इन देंशो लोव़ ब्रोव़शो बाक्‍ब। मेको खुदो क्‍येङा यो जिजी बाक्‍ब।

भजन संग्रह 19:10

मेको सुन क्‍येङा यो शुश माल्‍चा ङा, क्‍येख सुन क्‍येङा यो क्‍येट लाइब खोदेंशो बाक्‍ब। मेको चाका रे याप्‍शो खुदो क्‍येङा यो जिज बाक्‍ब।

हितोपदेस 12:18

मुर आन ममिम्‍थु पशो लोव़मी तरवार खोदेंशो पा थोक्‍ब। तन्‍न जोक्‍ब तुइक्‍ब मुर आन लोव़मी सापाइक्‍ब। हितोपदेस १३:३

हितोपदेस 15:23

मुरुम ठीक पा लोव़ लेन्‍ने चाप्‍तु हना, ग्‍येरपाइक्‍ब। माल्‍ची ना माल्‍शो लोव़ पचा, गिश रिम्‍शो बाक्‍ब।

हितोपदेस 15:26

परमप्रभु यावेमी मरिम्‍शो मुर आन मिम्‍शो लोव़ ग्रांग्रा दी‍ब। तन्‍न रिम्‍शो मुर आन लोव़ तशा ग्‍येरसीब।

हितोपदेस 17:22

ग्‍येरसीशो थुंमी रां कली सापाइक्‍ब। तन्‍न लुक्‍च लशो थुंमी मुर कली सोव़पाइक्‍ब। हितोपदेस १५:१३-१५

हितोपदेस 23:16

गे ठीक लोव़ पवीनु, गो आं थुं रेन साप्‍पा ग्‍येरसीनुङ।

हितोपदेस 27:9

ब्रोव़शो रिना पाइश्‍शो तेल नु धूपमी मुर आन थुं ग्‍येरशो सेल्‍ब। तन्‍न वारच आ अर्ती मेको क्‍येङा रिम्‍शो बाक्‍ब।

हितोपदेस 3:8

मो पाप्‍तीवी हना, मेको इ रां कली सापाइक्‍तीके बाक्‍ब। मिनु इ गुइ खोइल बोल्‍यो दुम्‍नीम।

हितोपदेस 4:22

मारदे हना सु मेको ताइबा, मेको आ ब्रोंइतीक दुम्‍ब। मिनु मेको आ रां नेल्‍ल कली सापाइक्‍तीक बाक्‍ब। हितोपदेस ३:८

उपदेसक 12:10

मिनु शेंबमी ठीक लोव़ माल्‍शा ग्रुंइताक्‍व। मिनु मेकोम मार ब्रेक्‍ता, मेको ठीक नु थमा बाक्‍नीम।

ठेयब कुम्सो 4:11

इ शोव़ रे फू आ रस खोदेंशो याप्‍ब। ए आं ग्‍युम्‍ली, इ लें आगाम दूध नु खुदो बाक्‍ब। इ वा ङा ब्रोव़शो रिना लेबानोन ङा रिना खोदेंशो बाक्‍ब।

येरमीया 15:16

इन लोव़ बाक्‍त हना, गो नोफा दाइश्‍शा नेंता। मेको आं कली ग्‍येरतीक नु आं थुं कली नाइक्‍पाइक्‍ब दुम्‍त। मारदे हना परमप्रभु यावे, मुर नेल्‍ल आन परमप्रभु, गो इन के नङ। ब्‍यवस्‍था ८:३; ब्‍यवस्‍था ३२:४६-४७; इजीकीएल ३:१-३; प्रकाश १०:८-९

ब्‍यवस्‍था 32:2

आं अरेशो लोव़ रेउ खोदेंशो पा यीब। आं अरेशो लोव़ सीत खोदेंशो पा दोक्‍ब। कल्‍लो घांस तार भूस भुसे रेउ खोदेंशो पा नु सुवा आन तार ठेयब रेउ खोदेंशो पा यीब। यसैया ५५:१०-११

प्रकाश 10:10

मिनु गो मेको इम्‍चीली किताब परमप्रभु यावे आ स्‍वर्ग ङा गेय पाइब आ गुइ रे ताक्‍शा ङा मिन जाता। आं शोव़मी खुदो खोदेंशो जिज दुम्‍त। दाक्‍गुनु चहिं आं कोव़ज कत।