हितोपदेस 16:21 - Sunuwar Bible

²¹ जोक्‍ब तुइक्‍ब थुं पाइश्‍शो मुर कली रुप्‍ब मुर देंनीम। ब्रोव़शो लोव़म शेंतीक कली बारपाइक्‍ब।

हितोपदेस 16:21 ပူးပေါင်းရင်းမြစ်များ

१ राजा 3:12

मुल गो इ पुंइशो गे‍नुङ। गो थमा पा इ कली जोक्‍तीक तुइक्‍तीक थुं नु रुप्‍तीक थुं गेनन। ङोंइती इ खोदेंशो अर्को सुइ मबाक्‍म। मिनु नोले यो इ खोदेंशो सुइ मदुम्‍नीम। ब्‍यवस्‍था २६:१४

भजन संग्रह 45:2

गे वोंइश मुर आन दातेमी नेल्‍ल क्‍येङा रिम्‍शो बाक्‍नीनी। इन लोव़ यो शुश रिम्‍शो बाक्‍ब। मारदे हना परमप्रभुमी इन कली गेना हना यो लीब आसीक गेशो बाक्‍ब।

हितोपदेस 10:13

मिम्‍ब मुर आन लोव़ रुप्‍चा ङा बाक्‍ब। तन्‍न ममिम्‍ब मुरपुकी तुप्‍चा पुंइसीनीम।

हितोपदेस 10:23

मूर्ख मरिम्‍शो पचा कली ग्‍येरसीनीम। रुप्‍ब मुर जोक्‍ब तुइक्‍ब गेय तशा ग्‍येरसीनीम।

हितोपदेस 10:8

जोक्‍ब तुइक्‍ब थुं पाइश्‍शो मुरुमी शेंशो लोव़ टीब। तन्‍न हेंथे लोव़ पाइब मूर्ख खतम दुम्‍ब।

हितोपदेस 15:7

जोक्‍ब तुइक्‍ब मुर आन लोव़मी जोक्‍तीक फ्राइब। मूर्ख आन लोव़ मोदेंशो मबाक्‍ब।

हितोपदेस 16:22

सु नु तुइक्‍तीके बाक्‍बा, मेको ब्रोंइचा गेब ब्‍‍वाक्‍कु बुक्‍तीके खोदेंशो बाक्‍ब। तन्‍न मूर्ख आन मूर्ख पतीकेमी सजाइ ताइनीम।

हितोपदेस 23:15

आं तौ, गे जोक्‍ब तुइक्‍ब दुम्‍ते हना, आं थुं यो ग्‍येरसीब।

हितोपदेस 27:9

ब्रोव़शो रिना पाइश्‍शो तेल नु धूपमी मुर आन थुं ग्‍येरशो सेल्‍ब। तन्‍न वारच आ अर्ती मेको क्‍येङा रिम्‍शो बाक्‍ब।

उपदेसक 12:10

मिनु शेंबमी ठीक लोव़ माल्‍शा ग्रुंइताक्‍व। मिनु मेकोम मार ब्रेक्‍ता, मेको ठीक नु थमा बाक्‍नीम।

यसैया 50:4

परमप्रभु, परमप्रभु यावेमी आं कली शेंब सेल्‍ती। गो मचाप्‍शो मुर आन कली लोव़ पा आन थुं बारपाइक्‍ब दुम्‍ती। मेकोम आं कली सुनी कुस कुस पोक्‍ब। आं कली शेंसीब खोदेंशो पा नोफा दाइश्‍शा नेंब सेल्‍ब।

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

मत्ती 11:25

काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९

लूका 4:22

नेंबपुकीमी मेको आ पर्बम रिम्‍शो लोव़ पामे बाक्‍त। येसु आ रिम्‍शो लोव़ नेंशा छक लाक्‍शा “एको योसेफ आ तौ ममाइ ङा?” देंमुमा बाक्‍त। लूका ३:२३

यूहन्‍ना 7:46

“मेको मुरुम शेंशो खोदेंशो पा सुइमी गेनायो मशेंदेम” देंमा बाक्‍त। मत्ती ७:२८-२९

रोमी 16:19

गे शेंतीक लोव़ नेंशा, टीब मुर ननी, दे नेल्‍लेमी तुइक्‍ताक्‍मे। एको नेंशा, गो ग्‍येरसाक्‍यी। तन्‍न रिम्‍शो गेय मरिम्‍शो गेय, थमा शेंतीक दूली शेंतीक, थमा नु जोल तुइक्‍ब दुमीने, देंनुङ। मोपतीके ब्रेक्‍शा, शुश शेंताक्‍न्‍नी। रोमी १:८; १कोरिन्‍थी १४:२०

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।