हितोपदेस 16:19 - Sunuwar Bible

¹⁹ ठेयब लेश्‍शो आन रोइश्‍शो थोव़क योक्‍सीचा क्‍येङा ब्रेम्‍शो दुम्‍शा, श्‍येत जशो आइक्‍च मुरपुकी नु बाक्‍चा रिम्‍शो बाक्‍ब।

हितोपदेस 16:19 ပူးပေါင်းရင်းမြစ်များ

भजन संग्रह 138:6

परमप्रभु यावे नेल्‍ल क्‍येङा ठेयब बाक्‍त हना यो, मेकोमी आइक्‍च मुर आन कली कोव़ब। तन्‍न ठेयब लेश्‍शो मुर आन क्‍येङा ङोन बाक्‍ब।

भजन संग्रह 34:18

परमप्रभु यावे थुं लुक्‍च लशो आन नेक्‍था बाक्‍ब। आन थुं बेक्‍शो आन कली प्रोंइब। भजन संग्रह ५१:१९

प्रस्‍थान 15:9

आंइ जोरी सत्रुमी ‘मेको आन कली खेदा पा, ब्रो ब्रु थित्‍नय। गो ग्‍येरशा, इं ग्राशो थोव़क योक्‍मुइनय। इं तरवार शोइश्‍शा, नेल्‍ल आन कली साइक्‍नय’ देंतेक्‍म।

हितोपदेस 1:13

मिनु गोपुकीम आ बाक्‍शो शोंप नेल्‍ल रोइक्‍नय। मेको रोइश्‍शोमी आंम आंम खिं प्रिंनय।

हितोपदेस 1:14

गे, गोपुकी नु लते हना, नेल्‍ल गारशा योक्‍सय” देंतेक्‍म हना यो,

हितोपदेस 25:7

मारदे हना ठेयब आन दातेमी इ कली “याक्‍सो”, माइक्‍चा पुंइसीचा क्‍येङा “एक कुने, नि‍स्‍सीन” दे ब्रेश्‍शो रिम्‍शो बाक्‍ब।

हितोपदेस 29:23

मुर आन ठेयब लेश्‍शोमी मेको कली आइक्‍च सेल्‍ब। ब्रेम्‍शो थुं पाइश्‍शो मुर चहिं मान ताइब।

हितोपदेस 3:34

मिनु परमप्रभु यावेमी ठेयब लेश्‍शो शुक्‍शी पाइब मुर आन कली शुक्‍शी पाइब। ब्रेम्‍शो थुं पाइश्‍शो आन कली चहिं शिशी पाइब। १ पत्रुस ५:५

यसैया 10:6

गो अस्‍सुर कली आं कली मटीब रागी कली लडाइ पथ सोइक्‍नुङ। अस्‍सुर कली आं कली गाइक्‍पाइक्‍ब मुर नु सोइक्‍नुङ। मारेइ मारेइ रोइक्‍पाइक्‍चा कली सोइक्‍नुङ। मिनु मेको आन कली लांम दिम्‍पाइक्‍चा कली सोइक्‍नुङ।

यसैया 53:12

मोपतीके गो मेको कली ठेयब नु सक्ति पाइश्‍शो नु वोइक्‍नुङ। मेकोमी बोल्‍यो मुर नु मार मार योक्‍सीब। मारदे हना मेको साइक्‍ब नु मरिम्‍शो मुरपुकी नु हिक्‍सीचा पुंइसाक्‍व। शुश पापी आन पाप कुरतु। मिनु हेंथे गाक्‍ब मुर आन पर्बम परमप्रभु यावे कली पुंइतु। मर्कूस १५:२८; लूका २२:३७; लूका २३:३३-३४

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 9:3

परमप्रभु, गे रागी रागी ङा मुर आन कली सोशा बोशा दुम्‍पाइक्‍तीनी। मेको आन कली थाम्‍पान ग्‍येरपाइक्‍तीनी। मेको आन कली इन ङोंइती बाली नाली ओंइची ना खोदेंशो पा ग्‍येरपाइक्‍तीनी। लडाइ ग्राशा, आन रोइश्‍शो मार मार योक्‍सीची ना खोदेंशो पा ग्‍येरपाइक्‍तीनी।

मत्ती 5:3

“महिक्‍सीशो मुरपुकी आसीक राइनीम। मारदे हना स्‍वर्ग ङा राज्‍य मेको आन केन बाक्‍ब। यसैया ५७:१५

न्‍यायाधीस 5:30

मेको आन रोइश्‍शो नेल्‍ल योक्‍गमे कों? मुर नेल्‍ल कली मीश आल का कि निक्‍शी ताइनीम कों? मिनु सीसेरामी रिम्‍शो रङ पाइश्‍शो वा ताइबा कों? आं कली बुटा आप्‍शो दारशो कुप्‍नी निक्‍शी चाक्‍बा कों? दे आंमा नु लोव़ पशो बाक्‍त।