हितोपदेस 16:12 - Sunuwar Bible

¹² पिपमी मरिम्‍शो पाइब आन कली तशा ग्रांग्रा दी‍ब। मारदे हना ठीक पतीकेमी आ राज्‍य बोल्‍यो सेल्‍ब।

हितोपदेस 16:12 ပူးပေါင်းရင်းမြစ်များ

२ इतिहास 17:5

मोपतीके परमप्रभु यावेम मेको आ राज्‍य बोल्‍यो सेला बाक्‍त। मिनु यहूदा ङा मुर नेल्‍लेमी येहो-शाफात कली मार मार चाक्‍गमे बाक्‍त। मिनु मेको शुश शोंप पाइश्‍शो नु मान ताइब दुम्‍माक्‍त। २इतिहास १८:१

भजन संग्रह 99:4

सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। यसैया ९:६

हितोपदेस 16:13

पिपमी ठीक लोव़ पाइब आन कली तशा ग्‍येरसीब। थमा लोव़ पाइब आन कली दाक्‍ब।

हितोपदेस 20:18

अर्ती नेंब मुर आ मिम्‍शो रिम्‍शो दुम्‍ब। जोक्‍ब तुइक्‍ब आन लोव़ नेंशा ला लडाइ पावो। हितोपदेस २४:६

हितोपदेस 25:5

मोपा पिप आ ङोंइती रे परमप्रभु यावे आ अरेशो मटीब आन कली तिलीन। मिनु पिप आ हुकुम पतीके बोल्‍यो दुम्‍ब। हितोपदेस १६:१२

हितोपदेस 28:9

सुमी परमप्रभु यावे आ अरेशो लोव़ नेंशा मटीबा, मेको आ परमप्रभु कली पुंइतीक लोव़ यो ग्रांग्रा दिशो बाक्‍ब। हितोपदेस १५:८

हितोपदेस 29:14

प्रुङग आन कली ठीक पा निसाफ पाइब पिप आ सासन गेना हना यो लीब। हितोपदेस १६:१२

हितोपदेस 29:4

पिप आ ठीक पतीकेमी आ रागी लीब। तन्‍न मेकोमी शुश तिरो पोक्‍तु हना, आ रागी खतम सेल्‍ब।

लूका 12:48

होव़प आ देंशो मतुइक्‍थु, मरिम्‍शो पाप्‍तु हना, इच्‍का ला तुप्‍‍चा पुंइसीब। सुमी शुश रुप्‍शा तुइश्‍शो बाक्‍मे, मेकोम शुश जिम्‍मा ब्राइबा। मिनु सुमी शुश जिम्‍मा ब्राइबा, मेको शुश जिम्‍मा वारी दुम्‍ब” दे शेंदीमी बाक्‍त।

ब्‍यवस्‍था 25:16

मारदे हना मरिम्‍शो पुक्‍बपुकी, परमप्रभु यावे, इन परमप्रभु आ ङोंइती ग्रांग्रा दित्‍चा ङा बाक्‍नीम।

प्रकाश 19:11

मिनु नोले गो स्‍वर्ग रोक्‍सीशा, बुश शारा का ताता। मेको शारा तार ङोइक्‍ब का बाक्‍त। मेको शारा ङोइक्‍ब सु बाक्‍त देंशा हना, दीगो नु थमा पाइब माइश्‍शो बाक्‍त। मेको घूस मताक्‍थु ठीक पा निसाफ पाइब बाक्‍त। लडाइ पाइब यो बाक्‍त। मत्ती २४:३०; प्रकाश ३:३४; यसैया ११:४-५