हितोपदेस 15:9 - Sunuwar Bible

⁹ परमप्रभु यावे आ अरेशो मटीब मुर आन लां परमप्रभु यावे कली ग्रांग्रा बाक्‍ब। तन्‍न सुमी ठीक पाइ‍बा, मेको कली दाक्‍ब।

हितोपदेस 15:9 ပူးပေါင်းရင်းမြစ်များ

भजन संग्रह 1:6

परमप्रभु यावेमी ठीक पाइब आन कली लां कोंइब। आ अरेशो मटीब आन लां चहिं जाम्‍शा लाइब।

भजन संग्रह 11:7

परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। मत्ती ५:८

भजन संग्रह 139:24

गो आं थुंम इन अरेशो मटितीके बाक्‍म कों? कोव़ङीन। मिनु गे आं कली गेना हना यो ब्रोंइशा बाक्‍तीक लांम खुल्‍यीनी।

भजन संग्रह 5:5

ठेयब लेश्‍शो मुरपुकी इन ङोंइती राप्‍ने मचाप्‍नीम। गे मरिम्‍शो पाइब आन कली मदाक्‍नीनी।

हितोपदेस 15:10

नोले शोंइसीशो मुर हिंचा ङा सजाइ ताइनीम। तन्‍न हुइश्‍शो काइ मदाक्‍ब मुर बेक्‍चा माल्‍ब।

हितोपदेस 21:21

सु मुरुमी ठीक पतीके नु शिशी पतीके आ नोले खोइक्‍बा, मेको ब्रोंइशा, सोशा बोशा दुम्‍शा मान ताइब दुम्‍ब।

हितोपदेस 21:4

ठेयब लेश्‍शो नु बोरशो मुर दुम्‍चा, परमप्रभु यावे आ अरेशो मटीब आन छेङछेङ बाक्‍ब। मेको पाप बाक्‍ब।

हितोपदेस 21:8

दोस ताइब मुर आन लां हिरशो बाक्‍ब। दोस मताइब मुर आन पतीक चहिं ठीक बाक्‍ब।

हितोपदेस 4:19

परमप्रभु यावे आ अरेशो मटीब आन लां क्‍येर नाक्‍दो ङा छिङछिङ खोदेंशो बाक्‍ब। मेकोपुकीम मारेइमी दाइल पाइक्‍नीम, दे मतुइक्‍नीम।

हितोपदेस 8:13

परमप्रभु यावे कली मान पा हिंचा, मरिम्‍शो पचा कली काइ मदाक्‍चा बाक्‍ब। फुरती कोंइचा, ठेयब लेश्‍शो दुम्‍चा, मरिम्‍शो थुं ङा गेय पचा नु दूली लोव़ पचा काइ मदाक्‍नुङ।

यसैया 26:7

ठीक निसाफ पाइब आ लां ग्‍येत्‍थ बाक्‍ब। गे ठीक पाइब आ लां थेल्‍तीनी।

यसैया 51:1

परमप्रभु यावे कली माल्‍ब नु ठीक पचा दाक्‍ब आन कली “आं लोव़ नेनीन। तेको सेरथे फुल्‍लु रे मुचा पुंइसीशो बाक्‍नी नु तेको खप रे दो‍शा ग्रुंइचा पुंइसीनी, मेको कली कोव़ङीन। यसैया ४८:१; ब्‍यवस्‍था ३३:२८

यसैया 51:7

गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

येरमीया 44:4

मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

हबकुक 1:13

गे मरिम्‍शो पशो काइ तने मचाप्‍नीनी। मरिम्‍शो पशो फाल्‍ने मचाप्‍नीनी। मोदेंशो बाक्‍त हना यो, थम मरिम्‍शो पाइब आन कली तशा, मारदे मारेइ मदेंनीनी? इन अरेशो मटीबपुकीमी आंम क्‍येङा ठीक पाइब मुर आन कली सद‍मेनु, गे मारदे सिक्‍सी पा बाक्‍नीनी?

मत्ती 7:13

आइक्‍च लाप्‍चो रे ओव़ङीन। मारदे हना जाम्‍शा लतीक लाप्‍चो ठेयब नु लां ब्रेम्‍शो नु ग्‍युप्‍शो बाक्‍ब। मोपतीके शुश मुर मेकेर गाक्‍नीम। लूका १३:२४

ब्‍यवस्‍था 7:13

मेकोमी इन कली दाक्‍शा, आसीक गेशा, शुश सेल्‍ब। मेकोमी इन आल आन कली आसीक गेब। इन किकी पिपी आन कली कसम जशा गेशो रागीमी इन रू ङा फल फुल, इन अन्‍न, इन अङगुर शांबु नु तेल, इन बी ब्‍यफ आन बाछा नु इन क्‍यारश भेडा आन चाइक्‍ब नेल्‍ल आन कली आसीक गेब। होसे २:७-१२

१ तिमोथी 6:11

मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२

२ तिमोथी 2:22

ठिटी ठिटा आन दला दाक्‍स रे ङोन बाक्‍को। रिम्‍शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्‍चा, दाक्‍चा नु थुं नाइक्‍चा ला मिम्‍तो। १तिमोथी ४:१२; १तिमोथी ६:११; हिब्रू १२:१४