हितोपदेस 15:5 - Sunuwar Bible

⁵ मूर्खमी आ आम आफ आस शेंशो लोव़ मपाइब। तन्‍न सुमी शेंशो नेंशा पाइबा, मेको होस पाइब बाक्‍ब।

हितोपदेस 15:5 ပူးပေါင်းရင်းမြစ်များ

१ इतिहास 28:20

मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६

१ इतिहास 28:9

आं तौ सोलोमन, इ आफ आ परमप्रभु कली तुइश्‍शा मालो। इ थुं नेल्‍लेमी ग्‍येरशा मेको आ नोले खोतो। मारदे हना परमप्रभु यावेमी इ थुं कोव़ना कोव़न, इन मिम्‍शो नु पशो नेल्‍ल तुइक्‍ब। गे मेको कली माल्‍तीवी हना, गे थित्‍नेवे। तन्‍न गे मेको कली प्रोंइतीवी हना, इ कली गेना हना यो कली प्रोंइब। येरमीया २९:१३-१४; १राजा ११:३१,३३

भजन संग्रह 141:5

ठीक पाइबमी आं कली तुप्‍‍यील। मेको आं शिशी बाक्‍ब। मेकोमी आं कली हुइक्‍तील। मेको आं पियाम लुक्‍शो तेल खोदेंशो दुम्‍ब। तन्‍न इन अरेशो मटीब आन तेल आं पियाम मलुम्‍सेक्‍ल। मो हना यो गो मेको आन मरिम्‍शो पशो आ पर्बम पुंइना पुंइन बाक्‍नुङ। लेवी १९:१७; हितोपदेस २७:५-६

हितोपदेस 1:23

गे आं हुइश्‍शो लोव़ नेनीन। आं मिम्‍शो इन कली देंनुङ। आं लोव़ इन कली तुइक्‍पाइक्‍नुङ।

हितोपदेस 1:7

परमप्रभु यावे कली मान पा हिंचा तुइक्‍तीक दुम्‍चा कली गोतीक बाक्‍ब। मूर्खपुकीमी तुइक्‍‍तीके नु अर्ती मदाक्‍नीम। हितोपदेस ८:१३; हितोपदेस ९:१०; अय्‍युब २८:२८; भजन संग्रह १११:१०

हितोपदेस 10:1

जोक्‍ब तुइक्‍ब तौमी आ आफ कली ग्‍येरपाइक्‍ब। तन्‍न मूर्ख तौमी चहिं आ ममा कली सुर्ता पपाइक्‍ब।

हितोपदेस 13:1

जोक्‍ब तुइक्‍ब तौमी आ आफ आ शेंशो दाक्‍ब। तन्‍न शुक्‍शी पाइबमी हुइश्‍शो मनेंब। हितोपदेस १:८; १२:३

हितोपदेस 13:18

सुमी अर्ती मनेंबा, मेको प्रुङग नु सुइम मदाक्‍शो मुर दुम्‍ब। तन्‍न हुइश्‍शो नेंब मुरुम मान ताइब।

हितोपदेस 15:4

रिम्‍शो लोव़ मुर आन कली ब्रोंइचा गेब रवा खोदेंशो बाक्‍ब। तन्‍न दूली लोव़मी मुर आन थुं जिक्‍ब।

हितोपदेस 15:6

ठीक पाइब मुर आन खिंमी शुश शोंप बाक्‍ब। तन्‍न परमप्रभु यावे आ अरेशो मटीबपुकी श्‍येत जाइनीम।

हितोपदेस 19:20

नोफा दाइश्‍शा अर्ती नेंशा, शेंतीक टिने। मो पाइतीनी हना, तुइक्‍तीक पाइश्‍शो मुर दुम्‍नीनी।

हितोपदेस 25:12

जोक्‍ब तुइक्‍ब मुर आ हुइक्‍तीक लोव़ नेंब मुर कली सुन के औंठी नु गहना खोदेंशो बाक्‍ब।

हितोपदेस 6:23

मारदे हना मेको अरेशो बत्ती नु शेंशो छेङछेङ बाक्‍नीस। ठीक पचा कली हुइक्‍तीके ब्रोंइचा गेब लां बाक्‍ब।

तीतस 1:13

मेको आ देंशो थमा बाक्‍ब। मोपतीके गे मेको आन कली शुश अरेवो। मोपा ला आन थमा सुइक्‍तीके ठीक दुम्‍ने चाप्‍ब। २तिमोथी ४:२

तीतस 2:15

मेको लोव़ शेंदीमी। मिनु गे अधिकार पाइश्‍शो दुम्‍शा, मुर आन कली अरेवो। मिनु मुरपुकीमी “एको ठिटामी आंइ कली शेंने मचाप्‍ब” देंचा मपुंइसो। १तिमोथी ४:१२