हितोपदेस 15:30 - Sunuwar Bible

³⁰ ब्रशो कुलमी थुं कली ग्‍येरपाइक्‍ब। रिम्‍शो लोव़मी रां कली बोल्‍यो सेल्‍ब।

हितोपदेस 15:30 ပူးပေါင်းရင်းမြစ်များ

एज्रा 9:8

तन्‍न मुल परमप्रभु यावे, आंइ परमप्रभुमी आंइ कली का निक्‍शी लीशो मुर गेतीनी। आंइ वाइल दुम्‍तीक रे इच्‍का नाक्‍त कली नाइक्‍चा गेतीके आंइ परमप्रभु आ बाक्‍तीकेमी बाक्‍चा ताइतक। याम का कली आंइ कली शिशी पा ग्‍येरपाइक्‍तीनी।

भजन संग्रह 89:15

इन कली ग्‍येरशा ठेयब सेल्‍बपुकी ग्‍येरसीशो मुर बाक्‍नीम। मारदे हना मेकोपुकी, परमप्रभु यावे, इन ङोंइती ङा छेङछेङमी गाक्‍नीम।

हितोपदेस 12:25

सुर्ता पतीकेम मुर आन थुं लुक्‍च लपाइक्‍ब। तन्‍न रिम्‍शो लोव़मी मेको आन कली ग्‍येरपाइक्‍ब। हितोपदेस १६:२४

हितोपदेस 13:9

ठीक पाइब मुर बत्ती खोदेंशो छेङछेङ पा ब्राइनीम। तन्‍न परमप्रभु यावे आ अरेशो मटीब आन बत्ती काप्‍शा लाइब। अय्‍युब १८:५-६

हितोपदेस 15:29

परमप्रभु यावे आ अरेशो मटीब आन क्‍येङा ङोन बाक्‍ब। तन्‍न ठीक पाइब आन पुंइशो लोव़ नेंब। हितोपदेस १५:२९; यूहन्‍ना ९:३१

हितोपदेस 15:31

सुमी रिम्‍शो अर्ती नेंशा पाइबा, मेको जोक्‍ब तुइक्‍ब मुर आन दातेम बाक्‍ब।

हितोपदेस 17:22

ग्‍येरसीशो थुंमी रां कली सापाइक्‍ब। तन्‍न लुक्‍च लशो थुंमी मुर कली सोव़पाइक्‍ब। हितोपदेस १५:१३-१५

हितोपदेस 25:25

तूतू दाक्‍ब मुर कली ब्रोव़शो ब्‍वाक्‍कु खोदेंशो पा ङोन रागी रे जाक्‍शो रिम्‍शो लोव़ बाक्‍ब। हितोपदेस १५:२५

हितोपदेस 3:8

मो पाप्‍तीवी हना, मेको इ रां कली सापाइक्‍तीके बाक्‍ब। मिनु इ गुइ खोइल बोल्‍यो दुम्‍नीम।

उपदेसक 11:7

हाम्‍सो रिम्‍शो बाक्‍ब। मुरुमी नां कली तचा दाक्‍ब।

यसैया 58:11

मिनु परमप्रभु यावेमी इन कली गेना हना यो लां कोंइब। गे श्‍येत जनी ना इन माल्‍शो नेल्‍ल गेब। मिनु इन रुश बोल्‍यो सेल्‍ब। गे ब्‍वाक्‍कु लाब्‍वेशो फल फुल रू खोदेंशो बाक्‍नीनी। गे गेनायो मसोव़ब ब्‍वाक्‍कु बुक्‍तीके खोदेंशो दुम्‍नीनी। येरमीया ३१:१२

प्रकाश 21:23

मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। यसैया ६०:३,५,११,१९,२०

प्रकाश 22:5

मेको सहरमी गेनायो नाक्‍दो मदुम्‍ब। मिनु मेको सहरमी बाक्‍ब आन कली बत्ती नु नां आ छेङछेङ यो ममाल्‍नीम। मारदे हना परमप्रभु, परमप्रभु यावे मेको आन छेङछेङ बाक्‍ब। मिनु मेकोपुकीमी गेना हना यो सासन पाइनीम।