हितोपदेस 15:3 - Sunuwar Bible

³ परमप्रभु यावेमी नेल्‍ल ताइब। मेकोमी रिम्‍शो पाइब नु मरिम्‍शो पाइब नेल्‍ल आन कली ताइब। २इतिहास १६:९

हितोपदेस 15:3 ပူးပေါင်းရင်းမြစ်များ

२ इतिहास 16:9

परमप्रभु यावेमी सु आन थुंम थमा पा मेको नु बाक्‍बा, मेकोमी रागी नेल्‍लेम माल्‍ना माल्‍न मेको कली कोव़शा, मेको आन कली बोल्‍यो सेल्‍ब। गे अराम ङा पिप नु गारशा मरिम्‍शो पाइतीनी। मुल रे गे लडाइ पस ङा पस बाक्‍चा माल्‍नीनी” देंमाक्‍त। हितोपदेस १५:३

अय्‍युब 24:23

परमप्रभुम मेको आन कली प्रोंइतु हना यो, मेकोमी मेको आन कली गेना हना यो कोव़शो बाक्‍ब।

अय्‍युब 28:24

मारदे हना मेकोमी रागी आ एर ओंथ नेल्‍ल ताइब। मिनु सरीङ आगा ङा मारेइ मारेइ नेल्‍ल आन कली कोव़ब।

अय्‍युब 31:4

परमप्रभुम आं पशो नेल्‍ल तुइक्‍ब। मिनु आं गाक्‍शो नेल्‍ल कोव़ब। अय्‍युब २३:१०

भजन संग्रह 33:13

परमप्रभु यावेमी स्‍वर्ग रे कोव़शा, मुर नेल्‍ल आन कली ताइब।

हितोपदेस 15:4

रिम्‍शो लोव़ मुर आन कली ब्रोंइचा गेब रवा खोदेंशो बाक्‍ब। तन्‍न दूली लोव़मी मुर आन थुं जिक्‍ब।

हितोपदेस 5:21

मारदे हना परमप्रभु यावेमी मुर आ पशो नेल्‍ल ताइब। मेकोमी मुर आन लां नाक्‍ब।

येरमीया 16:17

मारदे हना गो मेको आन लां नेल्‍ल तुइक्‍नुङ। मेको आं ङोंइती मख्रुइश्‍शो बाक्‍नीम। मेको आन मरिम्‍शो पशो यो आं ङोंइती मख्रुइश्‍शो बाक्‍ब। अय्‍युब ३४:२१

येरमीया 23:24

मिनु मुर आं ङोंइती रे ख्रुइश्‍शा बाक्‍ने चाप्‍नीमी ङा? मिनु गो मेको आन कली तने मचाप्‍नुङमी ङा? मार, सरीङ नु रागी निम्‍फा कली गो प्रिंने मचाप्‍नुङा ङा?” दे परमप्रभु यावेमी देंत। बजन संग्रह १३९:७-१६

येरमीया 32:19

इन अर्ती ठेयब नु इन गेय नेल्‍ल क्‍येङा सक्ति पाइश्‍शो बाक्‍नीम। मुर आन पशो मारेइ मारेइ इन ङोंइती तचा ङा पा बाक्‍नीम। गे मुर नेल्‍ल आन कली कोव़नीनी। गे नेल्‍ल आन लां नु आन पशो तशा इनाम गेनीनी। रोमी २:६

जकरिया 4:10

मिनु “सु आइक्‍च गेय गोशो नाक्‍ती आइक्‍च सेल्‍बा? नोले मेकोपुकीमी जेरूब-बाबेल आ गुइमी गारो थाप्‍तीक श्‍येले तशा, ग्‍येरसीनीम। हाग्‍गै २:३; जकरिया ४:७ मेको फुल्‍लु ङा ७ ओटा मिक्‍च परमप्रभु यावे आ मिक्‍च बाक्‍नीम। मेको मिक्‍चीमी रागी नेल्‍ल कोव़शो बाक्नीम” दे परमप्रभु आ लोव़ बाक्‍ब।

हिब्रू 4:13

मेको आ ङोंइती सुइमी मारेइ ख्रुइक्‍ने मचाप्‍नीम। नेल्‍लेमी पशो नु मिम्‍शो मेको आ ङोंइती तांइसीब।