हितोपदेस 15:28 - Sunuwar Bible

²⁸ ठीक पाइब मुरपुकीमी लोव़ लेत्‍चा क्‍येङा ङोंइती मिम्‍नीम। तन्‍न परमप्रभु यावे आ अरेशो मटीबपुकीम हेंथे लोव़ पाइनीम।

हितोपदेस 15:28 ပူးပေါင်းရင်းမြစ်များ

भजन संग्रह 59:7

मेकोपुकीमी आन शोव़ रे मार ग्रुंइबाक्‍मा? मेकोपुकीमी साइक्‍चा ङा लोव़ पाइनीम। मिनु मेकोपुकीमी “सुम नेंबा ङा” देंनीम।

हितोपदेस 10:19

शुश लोव़ पाइब मुरपुकीमी शुश गल्‍ती पाइनीम। होस पाइब मुर शुश मब्‍वाक्‍नीम।

हितोपदेस 10:32

ठीक पाइब मुरुमी रिम्‍शो लोव़ पस जोक्‍ब। तन्‍न परमप्रभु यावे आ अरेशो मटीबपुकी दूली ला ब्‍वाक्‍स जोक्‍नीम।

हितोपदेस 13:16

जोक्‍ब तुइक्‍ब मुरुमी निप्‍स खाप्‍शा नेल्‍ल गेय पाइब। तन्‍न मूर्खमी आंम मूर्ख दुम्‍तीके कोंइब।

हितोपदेस 15:2

जोक्‍ब तुइक्‍ब मुरपुकीमी लोव़ पाम्‍तेक्‍म हना, नेंबपुकी जोक्‍ब दुम्‍चा दाक्‍नीम। तन्‍न मूर्ख आन लोव़ शोर गाक्‍शो बाक्‍ब।

हितोपदेस 16:23

जोक्‍ब तुइक्‍ब मुरुमी लोव़ पचा क्‍येङा ङोंइती मिम्‍नीम। मोपा आन जोक्‍तीक बारना बारन लाइब।

हितोपदेस 29:11

मूर्ख मुरुमी आ गाइक्‍चा नेल्‍ल कोंइब। जोक्‍ब तुइक्‍ब मुरुम चहिं आ गाइश्‍शो तेक्‍शा, मकोंइब। हितोपदेस १२:२३; हितोपदेस २५:२८

हितोपदेस 29:20

ममिम्‍थु लोव़ पाइब क्‍येङा मूर्खन रिम्‍शो बाक्‍ब। उपदेसक १:२; याकूब १:१९

उपदेसक 5:2

ब्‍वाक्‍चा कली मचुइक्‍‍तीन। परमप्रभु आ ङोंइती रीब पा लोव़ मपन। परमप्रभु स्‍वर्गमी बाक्‍ब। गे चहिं रागीम बाक्‍नीनी। मोपतीके शुश मब्‍वाक्‍कीन।

उपदेसक 5:6

इ लोव़मी इ कली पाप मपपदल। मिनु परमप्रभु आ खिं ङा लोव़ कुरब कली “आं कबल पशो प्रेंदु बाक्‍त” मदेंनीन। इ लोव़मी पतीके परमप्रभु गाइश्‍शा इ गेय नेल्‍ल खतम पोक्‍ब।

मत्ती 12:34

ए बुस्‍स आ खलकपुकी, गे मरिम्‍शो थुं पाइश्‍शो ननी। मिनु इन शोव़ रे दोपा रिम्‍शो लोव़ ग्रूबा ङा? थुं मारम ब्रीशो बाक्‍मे, मेकोन लोव़ पा ग्रूब। मत्ती ३:७

१ पत्रुस 3:15

तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। १पत्रुस २:२१-१४

२ पत्रुस 2:18

मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्‍ब दुम्‍शो मुर आन कली आन हेंथे पतीके ग्रांग्रा दिचा ङा गेय पपाइक्‍नीम।