हितोपदेस 15:27 - Sunuwar Bible

²⁷ शिंममी आंम खिं ङा मुर आन कली श्‍येत गेनीम। तन्‍न घूस मजाइबपुकी ब्रोंइनीम। भजन संग्रह १५:५

हितोपदेस 15:27 ပူးပေါင်းရင်းမြစ်များ

१ राजा 2:40

मिनु शिमेइ रीब पा आ गधाम लगम पाइश्‍शा, आ वाइल आस कली माल्‍थ गाथ ङा अकीश आ बाक्‍तीक लमाक्‍त। मोपा शिमेइमी गाथ रे आ वाइल निक्‍शी आस कली चाक्‍‍सी बाक्‍त।

२ राजा 5:27

मुल नामान आ कोव़र पतीक रोइ गे नु इ चच युइ इन खिंम गेना हना यो खोक्‍शा लीब” दे मदा बाक्‍त। मिनु गेहाजी मेको आ ङोंइती रे लमाक्‍त। मिनु मेको फुं खोदेंशो पा बुश पा कोव़र मुमाक्‍त।

भजन संग्रह 15:5

सुमी क्‍येट जेर गेशा, चाइक्‍ब मताक्‍बा, सुमी दोस मताइब कली श्‍येत गेचा कली घूस मजाइबा, मोदेंशो मुर गेना हना यो महिम्‍सीथु, परमप्रभु यावे आ बाक्‍तीकेम बाक्‍चा ताइब। प्रस्‍थान २२:२४; ब्‍यवस्‍था २३:२०-२१

प्रस्‍थान 18:21

गे मुर नेल्‍ल आन दाते रे रिम्‍शो गेय पने चाप्‍ब परमप्रभु कली मान पा हिंब, थमा सुइक्‍चा पुंइसीब नु ख्रुइश्‍शा मार मार ताक्‍शा मजाइब मुरपुकी योव़चा माल्‍नेवे। नोले मेको मुर आन कली कोव़ब ठेयब मुर वोतो। मेको आन कली १० जना मुर आन कली कोव़ब, ३० जना मुर आन कली कोव़ब, सहे सहे जना मुर आन कली कोव़ब नु हजार हजार जना मुर आन कली कोव़ब ठेयब मुर आन कली योव़ङो।

प्रस्‍थान 23:8

गेपुकी ख्रुइश्‍शा मारेइ मताक्‍कीन। मारदे हना मेकोमी मिक्‍च सिल्‍ब। मिनु ख्रुइश्‍शा ताक्‍शोमी ठीक पाइब आ मुददा लोक्‍ब। ब्‍यवस्‍था २७:२५; १सामुएल ८:३; हितोपदेस १७:२३

हितोपदेस 1:19

मुर आन मार मार रोइश्‍शा, तेल्‍सीबपुकी मोदेंशो पा साइक्‍चा पुंइसीनीम।

हितोपदेस 11:19

सु गेना हना यो ठीक पाइब बाक्‍बा, मेको ब्रोंइब। तन्‍न सु मरिम्‍शो पचा कली चुइक्‍बा, मेको बेक्‍ब। हितोपदेस १९:२३

हितोपदेस 11:29

आंम खिं ङा मुर आन कली श्‍येत चाक्‍बमी मारेइ मथेरब। मिनु मूर्खपुकी जोक्‍ब तुइक्‍ब आन वाइल दुम्‍नीम।

हितोपदेस 15:26

परमप्रभु यावेमी मरिम्‍शो मुर आन मिम्‍शो लोव़ ग्रांग्रा दी‍ब। तन्‍न रिम्‍शो मुर आन लोव़ तशा ग्‍येरसीब।

हितोपदेस 20:21

ङोंइती रीब पा थेरशो रू नोले आसीक मराइब।

हितोपदेस 23:4

क्‍येट थीब मुर खोदेंशो दुम्‍चा कली मिम्‍शा बोल मपावो। जोक्‍ब तुइक्‍ब दुम्‍शा मोदेंशो मिम्‍चा प्रोनो। हितोपदेस २८:२२

हितोपदेस 28:16

मरुप्‍ब हुकुम पाइब मरिम्‍शो दिप्‍ब मुर बाक्‍ब। तन्‍न जोल पा चेम्‍शो क्‍‍येट काइ मदाक्‍ब मुर शुश नाक्‍ती ब्रोंइब।

हितोपदेस 28:25

शिंम मुरुमी जिचा पोक्‍ब। तन्‍न सुमी परमप्रभु यावे कली थमा सुइक्‍बा मेको आसीक ताइब।

हितोपदेस 29:4

पिप आ ठीक पतीकेमी आ रागी लीब। तन्‍न मेकोमी शुश तिरो पोक्‍तु हना, आ रागी खतम सेल्‍ब।

येरमीया 17:11

मुर, आंम आ मपशो ब्‍वोफु पुप्‍ब क्‍येन्‍रे खोदेंशो बाक्‍ब। मेकोमी हेंथे पा शोंप चेम्‍ब। मेको आ ब्रोंइतीक नाक्‍ती उइक्‍थ दुम्‍मेनु, मेको आ शोंपोम मेको मुर कली प्रोंइब। मिनु आ बेक्‍ची ना मेको कली मूर्ख मिम्‍सीब। लूका १२:२०

ब्‍यवस्‍था 16:19

निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३

ब्‍यवस्‍था 7:26

मिनु गेपुकीमी मारेइ ग्रांग्रा दिचा ङा थोव़क इन खिंम मचाक्‍कीन। मो पाइतीनी हना गेपुकी यो मेको आन खोदेंशो पा सराप राइब दुम्‍नीनी। गेपुकीमी मेको नेल्‍ल कली ग्रांग्रा दिशो दुम्‍तीके, तिल्‍चा माल्‍नीनी” देंत। यहोसु ७:११-१२

१ तिमोथी 6:10

क्‍येट कली दाक्‍ब मरिम्‍शो आन क्‍येङा यो मरिम्‍शो बाक्‍ब। मोपा क्‍येट दाक्‍ब का निक्‍शीमी थमा सुइक्‍तीके प्रोंइशा, आंम थुं कली तूशो खोदेंशो पा शुश खाइक्‍पाइक्‍तेक्‍म। एफिसी ५:५; १तिमोथी १:१९

१ तिमोथी 6:9

तन्‍न सु सु शुश क्‍येट थीब दुम्‍चा दाक्‍नीमी, मेको आन थुं थाम्‍चा पुंइसीशा, ग्‍याइलीम रेश्‍शो खोदेंशो पा, निप्‍स मपाइश्‍‍शो नु श्‍येत जाइब दुम्‍नीम। आंम कली खतम सेल्‍सीशो बाक्‍नीम। हितोपदेस २८:२२; मत्ती १३:२२

यहोसु 6:18

मिनु परमप्रभुमी खतम सेल्‍चा, देंशो थोव़क लाइक्‍चा मदुम्‍ब। होस पा बाक्‍कीन। गे परमप्रभु आ देंशो मटिथु, मारेइ लाइक्‍तीनी हना, गे आंमा खतम दुम्‍नीनी। सुइमी मारेइ खुइ पा, इस्राएली आन बाक्‍तीकेम वोइक्‍तीनी हना, मेको खतम दुम्‍ब। मिनु मुर नेल्‍ल आन कली श्‍येत जपाइक्‍ब। लेवी २७:२८; ब्‍यवस्‍था १३:१८

१ सामुएल 12:3

गो एक बाक्‍ती। आं पर्बम मारेइ मरिम्‍शो लोव़ पचा बाक्‍त हना, परमप्रभु यावे नु आ तेल लुक्‍शो आ ङोंइती देनीन। गो सुका आ ब्‍यफ, गधा रोइश्‍शो बाक्‍ङा? गो सु सु कली श्‍येत गेङा? गो सु सु आन कली दि‍बुमी? मिनु सु सु आन निसाफ पची ना घूस जङा? आं कली देंनीन। मिनु गो मेको थाप्‍नुङ” दे माइक्‍मी बाक्‍त। गन्‍ती १६:१५