हितोपदेस 15:25 - Sunuwar Bible

²⁵ परमप्रभु यावेमी ठेयब लेश्‍शो मुर आन खिं प्रेश्‍शा गेब। तन्‍न वोंइश बेक्‍शो मीश मुर आन के रू ङा सांद एर ओंथ दुम्‍चा मगेब।

हितोपदेस 15:25 ပူးပေါင်းရင်းမြစ်များ

अय्‍युब 24:21

मेकोपुकीमी आल मथीब मीश मुर आन कली श्‍येत गेनीम। मिनु आ वोंइश बेक्‍शो मीश मुर आन कली मारेइ रिम्‍शो मपाइ‍नीम।

भजन संग्रह 10:14

परमप्रभु, गे नेल्‍ल ताइतीनी। गे श्‍येत जाइब नु मरिम्‍शो पाइक्‍चा पुंइसीब आन कली वारच पाइश्‍शा, क्‍येक्‍क लेप्‍ब बाक्‍नीनी। मेको श्‍येत जाइबपुकी इन कली जिम्‍मा गेंसीशो बाक्‍नीम। गे रोम रोइक्‍च आन कली वारच पाइब बाक्‍नीनी। भजन संग्रह ६८:६; प्रस्‍थान २२:२२

भजन संग्रह 138:6

परमप्रभु यावे नेल्‍ल क्‍येङा ठेयब बाक्‍त हना यो, मेकोमी आइक्‍च मुर आन कली कोव़ब। तन्‍न ठेयब लेश्‍शो मुर आन क्‍येङा ङोन बाक्‍ब।

भजन संग्रह 146:9

मिनु परमप्रभु यावेमी अर्को रागी ङा मुर आन कली कोव़ब। मेकोमी वोंइश बेक्‍शो मीश मुर नु रोम रोइक्‍च आन कली यो कोव़ब। तन्‍न आ अरेशो मटीब आन मिम्‍शो दुम्‍चा मगेब। प्रस्‍थान २२:२०-२१

भजन संग्रह 52:1

गे थम बोल्‍यो मुर, मारदे मरिम्‍शो पचा आ पर्बम बोरनीनी? परमप्रभु आ शिशी नाक्‍त रे लीब।

भजन संग्रह 52:5

परमप्रभुमी थमा पा इन कली गेना हना यो कली खतम सेल्‍ब। मेकोमी इन कली इन बाक्‍तीके रे कीशा, ग्रुंइब। मिनु मेकोमी इन कली ब्रोंइशा बाक्‍तीक रागी रे इन शाक्‍श सुन्‍दा उइश्‍शा, ताइक्‍ब। ठेयब सेंदा पा।।

हितोपदेस 12:7

परमप्रभु यावे आ अरेशो मटीबपुकी बेक्‍शा जाम्‍शा लाइनीम। ठीक पाइब नु मेको आन खिं ङा मुर नोले सम्‍म लीनीम। हितोपदेस १०:२५

हितोपदेस 14:11

परमप्रभु यावे आ अरेशो मटीब आ खिं प्रेत्‍चा पुंइसीब। तन्‍न रिम्‍शो थुं पाइश्‍शो मुर आन ताम्‍बु सोशो बोशो दुम्‍शा लाइब। हितोपदेस १२:७

हितोपदेस 15:26

परमप्रभु यावेमी मरिम्‍शो मुर आन मिम्‍शो लोव़ ग्रांग्रा दी‍ब। तन्‍न रिम्‍शो मुर आन लोव़ तशा ग्‍येरसीब।

हितोपदेस 23:10

गे साइ ङोंइती वोइश्‍शो सांद ङा फुल्‍लु मयाक्‍तो। मिनु रोम रोइक्‍च आन रू मचाइक्‍‍तो। हितोपदेस २२:२८

यसैया 1:17

रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६

यसैया 2:12

मिनु मुर नेल्‍ल आन परमप्रभु यावेमी काबु नाक्‍ती ठेयब लेश्‍‍शो, बोरशो मुर नु “गो ठेयब नङ” देंब आन कली आइक्‍च सेल्‍ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्‍याह १:१४

येरमीया 5:28

मेकोपुकी दोम्‍शा लल जिशो नु शोंप पाइश्‍शो दुम्‍शो बाक्‍नीम। मेको आन परमप्रभु यावे आ अरेशो मटितीके कली तेक्‍तीक मारेइ मबाक्‍ब। मेकोपुकीम रोम रोइक्‍च आन कली रिम्‍शो दुम्‍ल, दे मेको आन कली ठीक निसाफ मगेनीम। मेकोपुकीमी क्‍येट मथीब आन कली वारच पा ठीक निसाफ मपाइनीम। प्रस्‍थान २२:२१; यसैया १:१७

दानीएल 5:20

तन्‍न मेको ठेयब लेत्‍तीके नु आ थुं खकटा दुम्‍पाइक्‍तीके पिप आ नित्‍तीक रे खेरचा नु आ छेङछेङ रोइक्‍चा पुंइसाक्‍व।

ब्‍यवस्‍था 19:14

मिनु गे परमप्रभु यावे, इन परमप्रभुमी इन कली इन के सेल्‍चा कली गेशो रागीम बाक्‍तीनी हना, इन किकी पिपीमी वोइश्‍शो इन नेक्‍था ङा मुर आन सांद याक्‍चा मदुम्‍ब। ब्‍यवस्‍था २७:१७

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६