हितोपदेस 15:16 - Sunuwar Bible

¹⁶ शुश शोंप नु मेको आ पर्बम श्‍येत जचा क्‍येङा इच्‍का ला शोंप बाक्‍शा परमप्रभु यावे कली मान पा हिंचा रिम्‍शो बाक्‍ब।

हितोपदेस 15:16 ပူးပေါင်းရင်းမြစ်များ

भजन संग्रह 37:16

परमप्रभु आ अरेशो मटीब आन शुश शोंप क्‍येङा ठीक पाइब आन इच्‍का खोइ शोंप रिम्‍शो बाक्‍ब। हितोपदेस १५:१६

हितोपदेस 10:22

परमप्रभु यावे आ आसीकम मुर आन कली शोंप पाइश्‍शो सेल्‍ब। मेकोमी मारेइ श्‍येत मतेम्‍ब। भजन संग्रह १२७:२

हितोपदेस 15:15

श्‍येत जाइब आन नाक्‍ती मरिम्‍शो बाक्‍नीम। तन्‍न ग्‍येरसीशो थुं पाइश्‍शो मुर आन नाक्‍ती नेल्‍ल चाड खोदेंशो बाक्‍नीम। हितोपदेस १७:२२

हितोपदेस 16:8

मरिम्‍शो पा चेम्‍शो शुश क्‍येट क्‍येङा रिम्‍शो पा चेम्‍शो इच्‍का खोइ क्‍येट ठीक बाक्‍ब। हितोपदेस १५:१६

हितोपदेस 17:1

जिना जिन ब्रोव़शो जचा क्‍येङा सिक्‍सी पा थुं नाइश्‍शा पोकतो खमे जचा रिम्‍शो बाक्‍ब। हितोपदेस १५:१७

हितोपदेस 28:6

हेंथे गाक्‍ब, थुं निक्‍शी पाइश्‍शो नु शुश क्‍येट थीब मुर दुम्‍चा क्‍येङा रिम्‍शो थुं पाइश्‍शो ठीक लां गाक्‍ब प्रुङग मुर दुम्‍चा रिम्‍शो बाक्‍ब। हितोपदेस १९:१

उपदेसक 4:6

फश कली खेदा पशो खोदेंशो पा, शुश श्‍येत पा शुश चेम्‍चा क्‍येङा, थुं नाइश्‍शा इच्‍का खोइ चेम्‍चा रिम्‍शो बाक्‍ब। हितोपदेस १५:१६

१ तिमोथी 6:6

परमप्रभु यावे कली बोल्‍यो थमा सुइक्‍चा चहिं थुं नाइक्‍तीक बाक्‍ब। १तिमोथी ४:८; मत्ती ६:२५-३४; फिलिप्‍पी ४:११-१२; हिब्रू १३:५