हितोपदेस 14:26 - Sunuwar Bible

²⁶ परमप्रभु यावे कली मान पा हिंचा, मेको मुर आ ख्रुइश्‍शा ब्रोंइशा बाक्‍तीक बाक्‍ब। मेको आ आलपुकीमी यो मेको ताइनीम। हितोपदेस १८:१०

हितोपदेस 14:26 ပူးပေါင်းရင်းမြစ်များ

उत्पत्ती 31:42

आं आफ आ परमप्रभु, अब्राहाम आ परमप्रभु नु इसहाक आ मान पा हिंशो परमप्रभु गो नु मबाक्‍शो हना, गे आं कली मुल श्‍येत्‍थ सोइक्‍तीनी वा। परमप्रभुमी आं श्‍येत नु आं गेय तशा, सिनाक्‍दो इन कली हुइक्‍ताक्‍व” देंमाक्‍त। उत्‍पत्ती ३१:२४,५१

भजन संग्रह 112:1

परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। भजन संग्रह १:२; हितोपदेस २०:७

हितोपदेस 14:27

परमप्रभु यावे कली मान पा हिंचा ब्‍वाक्‍कु बुक्‍तीक खोदेंशो पा ब्रोंइतीक बाक्‍ब। मेको रे पा मुरपुकी बेक्‍पाइक्‍ब आ ब्‍वारद रे ब्रोंइनीम।

हितोपदेस 18:10

परमप्रभु यावे आ नें बोल्‍यो लाइश्‍शो खिं खोदेंशो बाक्‍ब। ठीक पाइबपुकी मेकेर दोरशा लशा, ब्रोंइशा बाक्‍नीम। हितोपदेस १४:२६; भजन संग्रह ६१:४

हितोपदेस 19:23

परमप्रभु यावे कली मान पा हिंचा ब्रोंइतीक बाक्‍ब। मो दुम्‍त हना, गे महिंथु, श्‍येत मजथु बाक्‍नीनी।

हितोपदेस 20:7

ठीक पाइब मुर गेना हना यो रिम्‍शो पाइब बाक्‍ब। मेको आ आलपुकी ग्‍येरसीशो बाक्‍नीम। भजन संग्रह ११२:१२

उपदेसक 7:18

का कली वोतीन नु अर्को कली यो मप्रोनीन। मारदे हना परमप्रभु कली मान पा हिं‍ब, मेको नेल्‍ल रे ङोन बाक्‍नीम।

यसैया 33:6

मिनु सियोन इ नाक्‍ती नेल्‍ल रिम्‍शो दुम्‍ब। मेना शुश पाप रे प्रोंइतीके, तुइक्‍तीके नु जोक्‍तीक गे नु बाक्‍‍ब। सियोन ङा मुर आन शोंप परमप्रभु यावे कली मान पा हिंचा बाक्‍ब।

येरमीया 15:11

परमप्रभु यावेम आं कली “थमा पा, गो इ कली रिम्‍शो पा, प्रोंइनन। गो थमा पा श्‍येत नु मरिम्‍शो दुम्‍मेनु इ जोरी सत्रु आन कली, इ गेय पपाइक्‍नुङमी।

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।