हितोपदेस 14:19 - Sunuwar Bible

¹⁹ मरिम्‍शो पाइब मुरपुकी रिम्‍शो मुर आन ङोंइती बाप्‍नीम। मिनु परमप्रभु यावे आ अरेशो मटीबपुकी ठीक पाइब आन लाप्‍चोमी बाप्‍नीम।

हितोपदेस 14:19 ပူးပေါင်းရင်းမြစ်များ

उत्पत्ती 42:6

मिनु योसेफ सरकार ङा ठेयब मुर दुम्‍शा, रागी नेल्‍ल ङा मुर आन कली अन्‍न लेयपदा बाक्‍त। योसेफ आ लोक्‍बपुकी जाक्‍शा, योसेफ आ ङोंइती खुम्‍की पा बाप्‍शा, सेउ पामे बाक्‍त।

उत्पत्ती 43:28

मिनु मेकोपुकीमी “इन गेय पाइब आंइ आफ मुल सम्‍म ब्रोंइशो नु रिम्‍शो बाक्‍ब” देंशा, आन पिया खुक्‍शा, सेउ पामे बाक्‍त। उत्‍पत्ती ३७:७,९

२ राजा 3:12

मिनु येहो-शाफातमी “परमप्रभु यावे आ लोव़ मेको नु बाक्‍ब” देंमाक्‍त। मोपतीके इस्राएल ङा पिप, येहो-शाफात नु एदोम ङा पिप एलीशा आ बाक्‍तीक ब्रुम्‍मा बाक्‍त।

भजन संग्रह 49:14

मेकोपुकी भेडा खोदेंशो पा बेक्‍चा कली बाक्‍नीम। बेक्‍पाइक्‍बमी मेको आन कली दाक्‍ब। सुनी कना रिम्‍शो थुं पाइश्‍शो मुरपुकीमी मेको आन कली हुकुम पाइनीम। मेको आन बाक्‍तीके रे ङोन दुम्‍शा, आन रां तुरसुम राक्‍शा लाइनीम।

प्रस्‍थान 11:8

मिनु नोले इन गेय पाइब नेल्‍लेमी आं ङोंइती खुम्‍की पा बाप्‍शा, आं कली ‘गे नु इन नोले खोइक्‍ब मुरपुकी एक रे लने’ देंनीम। मिनु गो लाइनुङ” दे मोसामी फाराओ कली देंत। मिनु मोसा फाराओ आ बाक्‍तीके रे शुश गाइश्‍शा चुरशा गाक्‍त।

प्रस्‍थान 8:8

मिनु फाराओमी मोसा नु हारून आस कली ब्रेप्‍पाइश्‍शा “आं पर्बम नु आं मुर आन पर्बम परमप्रभु यावे कली पुनीस। क्रुक्‍क्रु लमल, दे पुनीस। गोमी इस्राएल जात ङा मुर आन कली परमप्रभु यावे कली चढ़ेथ लचा गेनुङ” दे मोसा नु हारून आस कली देंत। प्रस्‍थान ८:२४; प्रस्‍थान ९:२८; प्रस्‍थान १०:१७

हितोपदेस 11:29

आंम खिं ङा मुर आन कली श्‍येत चाक्‍बमी मारेइ मथेरब। मिनु मूर्खपुकी जोक्‍ब तुइक्‍ब आन वाइल दुम्‍नीम।

हितोपदेस 14:18

मारेइ मजोक्‍ब मूर्खे गेयम ग्‍योम्‍सीशो बाक्‍नीम। तन्‍न निप्‍स पाइश्‍शो मुर जोक्‍तीके सिरपेच गुप्‍शो खोदेंशो बाक्‍‍नीम।

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

मलाकी 4:3

मिनु गेपुकीमी आं अरेशो लोव़ मटीब आन कली इन खोइलीमी दिम्‍नीनी। आं निसाफ पतीक नाक्‍ती मेको इन खोइलीम दिम्‍शा, पुलु खोदेंशो सेल्‍चा पुंइसीनीमी” दे मुर नेल्‍ल आन परमप्रभु यावेमी देंत।

प्रेरित 16:39

मिनु हिंशा “लो, प्रोंइथ लचा माल्‍ब” देंशा जेल्‍खानमी जाक्‍मा बाक्‍त। मिनु पावल नु सिलास आस कली “गो इस कली मतुइक्‍थु चोक्‍पाइश्‍शो, मगाइक्‍तीसे, आंइ सहर प्रोंइशा, रिम्‍शो पा लसे” दे मिलो शिलो पा ग्रुंइशा सोइक्‍तमे बाक्‍त।

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४

१ सामुएल 2:36

मिनु इ खिं ङा ब्रोंइशा लीशोपुकी मेको आ ङोंइती बाप्‍शा ‘टुक्रा का चांदी, शोब्‍ले का तचा कली, आं कली चढ़ेतीक गेय गेयीनी। मिनु गो नु जचा थोव़क बाक्‍ल’ देंनीम” दे परमप्रभु यावेमी देंत।