हितोपदेस 14:15 - Sunuwar Bible

¹⁵ मारेइ मजोक्‍ब मुरुमी मारेइ मारेइ लोव़ थमा सुइक्‍ब। तन्‍न निप्‍स पाइश्‍शो मुरुमी आन पशो नेल्‍ल मिम्‍नीम।

हितोपदेस 14:15 ပူးပေါင်းရင်းမြစ်များ

२ सामुएल 1:5

मिनु दाऊदम मेको लोव़ चाक्‍ब ठिटा कली “सावल नु आ तौ योनाथन साइक्‍चा पुंइसाक्स, दे दोपा तुइक्‍ती?” देंमाक्‍त।

१ राजा 2:18

मिनु बाथ्‍शेबाम “मेको रिम्‍शो बाक्‍ब। गो इ पर्बम पिप नु लोव़ पाइनुङ” देंमाक्‍त।

नेहेम्‍याह 6:4

मिनु मेकोपुकीमी आं कली ४ खेयप सम्‍म “यिने” दे लोव़ सोइक्‍ताक्‍यीमी। मिनु गो यो ङोंइती ङा खोदेंशो पा लोव़ लेश्‍शा सोइक्‍ताक्‍ङमी।

हितोपदेस 14:14

दूली पाइब आन दूली पशो ङा ताइनीम। मिनु रिम्‍शो पाइबमी आन रिम्‍शो पशो ङा ताइनीम।

हितोपदेस 14:16

जोक्‍बपुकी होस पा मरिम्‍शो पतीक रे ङोन लाइनीम। तन्‍न मूर्ख मारेइ ममिम्‍थु, होस मपाइब।

हितोपदेस 14:8

निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।

हितोपदेस 17:4

मरिम्‍शो पाइब मुरुमी परमप्रभु यावे आ अरेशो मटीब आ लोव़ नेंब। जोल पाइबमी खतम सेल्‍तीक लोव़ नेंचा कली नोफा दाइक्‍ब।

हितोपदेस 22:3

निप्‍स पाइश्‍शो मुर श्‍येत जाक्‍चा चिक्‍शो तशा, ख्रुंइसी‍नीम। तन्‍न मारेइ मजोक्‍ब मुरुमी मारेइ मतुइक्‍थु श्‍येत जाइनीम। हितोपदेस २७:१२

हितोपदेस 27:12

निप्‍स पाइश्‍शो मुर श्‍येत जाक्‍चा चिक्‍शो तशा, ख्रुंइसी‍नीम। तन्‍न मारेइ मजोक्‍ब मुरुमी मारेइ मतुइक्‍थु श्‍येत जाइनीम। हितोपदेस २२:३

हितोपदेस 4:26

ठीक लां ला गाक्‍को। मिनु इ पतीके नेल्‍ल रिम्‍शो दुम्‍नीम।

आमोस 5:13

मोपतीके निप्‍स पाइश्‍शो मुर सिक्‍सी पा बाक्‍नीम। मारदे हना इस्राएलम काइ मरिम्‍शो दुम्‍शो बाक्‍ब।

प्रेरित 13:7

मेको चटक कोंइब सेरगीयस-पावल नें पाइश्‍शो हुकुम पाइब आ खिंमी बाक्‍बाक्‍माक्‍त। मेको हुकुम पाइब जोक्‍ब तुइक्‍ब मुर बाक्‍माक्‍त। मिनु काबु बारनाबास नु सावल आस कली ब्रेश्‍शा “परमप्रभु यावे आ लोव़ गो यो नेंनुङ” दे माइक्‍सी बाक्‍त।

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

एफिसी 5:17

मोपतीके गेपुकी मूर्ख मदुमीन, प्रभु आ दाक्‍शो मार बाक्‍मे मेको रुपीन।

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५