हितोपदेस 13:9 - Sunuwar Bible

⁹ ठीक पाइब मुर बत्ती खोदेंशो छेङछेङ पा ब्राइनीम। तन्‍न परमप्रभु यावे आ अरेशो मटीब आन बत्ती काप्‍शा लाइब। अय्‍युब १८:५-६

हितोपदेस 13:9 ပူးပေါင်းရင်းမြစ်များ

१ राजा 11:36

थर का चहिं गो मेको आ तौ कली गेनुङ। मोपा आं योव़शा बाक्‍शो सहर यरूसलेमम आं गेय पाइब दाऊद आ मुर का लीमल। १राजा १५:४; २राजा ८:१९

अय्‍युब 21:17

परमप्रभु यावे आ अरेशो मटीब आन बत्ती गिश खेयप काम्‍सीबा? मेको आन पियाम गिश खेयप हिंचा ङा श्‍येत जुक्‍बा? शुश खेयप मजुक्‍‍ब। परमप्रभु आ गाइश्‍शोमी मेको आन कली गिश खेयप श्‍‍येत गेबा? शुश खेयप मगेब।

अय्‍युब 29:3

मेना मेको आ छेङछेङ आं पिया तार बाक्‍त। मिनु गो छिङछिङम मेको आ हाम्‍सोम गाक्‍ती। भजन संग्रह १८:२९

भजन संग्रह 112:4

रिम्‍शो थुं पाइश्‍शो मुर छिङछिङम बाक्‍तेक्‍म हना यो, छेङछेङ दुम्‍ब। मेको मुर आन कली दाक्‍ब, शिशी पाइब नु ठीक पाइब बाक्‍नीम।

भजन संग्रह 97:11

ठीक पाइब आन कली छेङछेङ बाक्‍ब। मिनु ब्रेम्‍शो थुं पाइश्‍शो मुर आन कली ग्‍येरतीक बाक्‍ब।

हितोपदेस 13:10

ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५

हितोपदेस 13:8

शुश शोंप बाक्‍शो मुरुमी आंम कली प्रोंइने चाप्‍ब। तन्‍न प्रुङगपुकी हिंच कोंइचा मपुंइसीनीम।

हितोपदेस 20:20

सुम आ आम आफ आस कली सराप पाइबा, मेको आ बत्ती नेल्‍ल क्‍येङा छिङछिङमी काप्‍ब। हितोपदेस ३०:१७; प्रस्‍थान २१:१७

हितोपदेस 24:20

मारदे हना काइ मरिम्‍शो पाइब शुश नाक्‍त मलीनीम। मिनु परमप्रभु यावे आ अरेशो मटीब आन बत्ती काप्‍शा लाइब। हितोपदेस १३:९

हितोपदेस 4:18

तन्‍न ठीक पाइब आन लां सुनी ङा छेङछेङ खोदेंशो बाक्‍ब। मेको नाक्‍ती उइक्‍थ दुम सम्‍म बारना बारन शुश छेङछेङ दुम्‍ब। हितोपदेस २४:२०

इजीकीएल 32:7

गो इ कली क्‍याम्‍दुनु, सरीङ नेल्‍ल सुम्‍नुङ। मिनु सोरुल आन कली छिङछिङ सेल्‍नुङमी। गो नां कली गोस्‍सुम सुम्‍नुङ। मिनु तास्‍लाम हाम्‍सो मगेब। यसैया १३:१०

गन्‍ती 27:4

मिनु तौ मबाक्‍तीके आंइ आफ आ नें आ थर आ मुर आन दाते रे मारदे क्‍याम्‍सीबा? आंइ आफ आ लोक्‍बपुकी नु आंइ कली यो अङस गेने” देंतेक्‍म।

मत्ती 22:13

मिनु पिपमी आ गेय पाइब आन कली ‘एको आ गुइ खोइल फ्रेंशा ग्रुंइशा, छिङछिङमी ताइक्‍तीने। मेकेर मुरपुकी आन ख्रुइ शेप्‍शा ङाक्‍नीम’

मत्ती 25:8

मिनु निप्‍स मपाइश्‍शोपुकीमी निप्‍स पाइश्‍शो आन कली ‘आंइ बत्ती काप्‍चा चिक्‍ताक्‍म, इच्‍ची खोइ तेल आंइ कली यो गेचा नकी’ दे पुंइनीम।